ESTER 8:8 - Tanou Moonsoi Timugon

⁸ Kaa' kalo malanggaan ku susuban ondo' binaal ralalom ru inggalan kuno galama', am ondo' sinaapan ra saap ru raja'. Kaa' mangiou aku ramuyun manulis ra surat ra ulun ru Jaudi, atan ayuk ondo' kasagaan min. Iowon kau manulis ra surat no ralalom ru inggalan kuno am saapin ginio ra saap ru raja'.”

ESTER 8:8 Iomraidhean Croise

1 RAJA'-RAJA' 21:8

Kopongo raginio panulis i Ijibil ra kukula' surat, saini' no ralalom inggalan ru Raja' Agab am sinaapan ra saap ru raja', am paatari' no ginio ra kukula' ngaulun pagawai am tingganai ru bandar ru Jijriil.

ESTER 1:19

Ginio ra amon ru mangiou kou raja', ingkualo' rondo' susuban ra Andu' raja' Wasti kalo boo iowon muma' ra raja'. Susuban raginio musiti' saukon ra undang-undang ru Pirsia am Midia maa' raginio kalo lair boo masulang. Mopongo raginio, pataako' intok ru Andu' raja' Wasti ra ruandu' bokon ondo' moonsoi poyo.

ESTER 3:12

Ginio ra paat ra orou koopor am talu ru sila' kasaa', nampiau i Gaman ra ngaangai' mamamatik ru raja'. Nanusub i Gaman risilo manulis ra surat sumugut ra ngaangai' ondo' sinusub nano. Surat no pana pinaalig boo ra ralalom ru ngaangai' ragu, am pinaralin ra ralalom ru ngaangai' tulisan ondo' pinakai ra ralalom ru pamarintaan. Surat no tinulisan ralalom inggalan ru Raja' Agaswiros am sinaapan ra saap nano. Kopongo raginio surat no inataran ra ngaangai' panguasa', gabenor am pagawai.

ESTER 8:10

Surat-surat no tinulisan ralalom ru inggalan ru Raja' Agaswiros am sinaapan ra sinsing pasaapon ru raja'. Nanusub boo i Mordikai ra ulun-ulun sinusub nangator ra surat-surat no giu' ra titikop ru wilayah ru pamarintaan ra nangura' ra kuda maribok longgom ru raja'.

ESTER 8:5

“Amon ru mangiou kou raja', am amon ru motogom kou raki', musiti' kou mapaingkual ra surat susuban koson mopolonggo' ra surat susuban ri Gaman anak ri Gamidata papag ri Agag, ondo' makasuang ra susuban koson mamuso ra ngaangai' ulun ru Jaudi giu' ra titikop ru pamarintaan.

DANIL 6:8

Akai ngaangai' ti mambaal ra kandoi tadbir ru pamarintaan muno – ulun-ulun magalung, gabenor, pagawai masawat, ulun magalung ra libung am pagawai ra bokon – nangiou noyo maa' raginio ingkualon mu rondo' susuban ondo' musiti' gagayaan toojo. Musiti' kou manusub maa' raginio buoi talu ngoopor ngoorou kolondo' sangulun pana makitaak ra atan ayuk intor ra dewa kapoam ulun ondo' ak am intor rirun galama'. Osoi ayuk manggal ra susuban no musiti' patirin ra ralalom ru luang batu ru singa'.

2 TIMOTIUS 2:19

Kaa' ondo' binaal ri Aki Kapuuno' no ra guang ru ulun Nano kalo maalap kauyog. Am minindagu Io noyo, “Tuhan makaulig ra osoi ulun Nano,” am poyo ra, “Osoi ayuk mangiou ra io ulun ru Tuhan, musiti' io tumalikur intor ra kasalaan nano.”