ESTER 7:10 - Tanou Moonsoi Timugon

¹⁰ Koon raginio noyo i Gaman tinair ra lugu' pampatairan ondo' binaal nano ra tayar ri Mordikai. Kopongo raginio bagu no sangit ru raja' no siminalui.

ESTER 7:10 Iomraidhean Croise

KASAUKAN 40:22

kaa' tingganai mansulung ra akanon no iningguluan no. Ngaangai' no nasauk koson ra tinunung ri Jusup i.

ESTER 2:1

Kopongo kukula' buoi, kabalu' pana raja' kalo boo siminangit, lakat poyo makara' ru raja' binaal ru Andu' raja' Wasti am ondo' binaal nano riso.

ESTER 5:14

Pokorongog ra baal raginio, andu' nano am ngaangai' rangan nano mindagu, “Tirongo' rondo' lugu' panairan ra sawat no 22 ngamito, am rumondom ra susuab no kitaakon maa' raginio mangukum raja' ra tairon i Mordikai. Akau pana makasaang boo ra bunsag no ra guang maansukan.” Nampaguang i Gaman ra inatangan no moonsoi. Ginio ra nanusub io ra ulun mambaal ra lugu' pampatairan no.

ESTER 7:7

Siminangit kaga' raja', am bigor am nangiruan ra mija'; narayus raja' minongoi ra liwar, giu' ra taman istana. Nakaliman i Gaman ra ginuang noyo ru raja' koson mangukum riso sabap ra binaal nano. Ginio ra soroi ayuk i Gaman ra giu' no nabaya' ra Andu' raja' Ester koson makimasi' maa' raginio bayagon.

ESTER 7:8

Nabaya' ra nangkausan ratu' i Gaman ra rasawat ru intok turungan ri Ester koson makimasi'. Kaa' paat raginio niayuk siminaguli' raja' intor ra taman istana. Pakakito raja' ri Gaman koson raginio, indagu raja', “Atan? Ulun ti lakat niayuk poyo baani manawo ra andu' raja' ragiti, ra saang kutu am ralalom ru istana ku galama'!” Karagu ayuk ru raja' gini, kukula' ngaulun sida-sida nanguluput ra ulu ri Gaman.

ESTER 8:7

Indagu Raja' Agaswiros ra Andu' raja' Ester am i Mordikai, ulun ru Jaudi no, “Inukuman ku noyo ra tairon i Gaman sabap ra inatangan malaat nano ra ulun ru Jaudi, am nangani' aku noyo ra ngaangai' rapu' nano ri Ester.

ESTER 9:14

Nangani' raja' ra susuban koson manugut ra kitaakon ri Ester. Surat susuban no iningkual giu' ra Susan am baangkai ru ngaangai' anak ungkuyon ri Gaman tinair.

ESTER 9:25

Kaa' minuma' i Ester ra raja', am nangingkual raja' ra susuban tinulisan, saboi inantungan i Gaman ra kinibit ru inatang malaat nano ra ulun ru Jaudi. Io am anak-anak ungkuyon nano tinair ra lugu' pampatairan.

AYUP 18:8

Mugar io mongoi ra ralalom ru pamalandak am kalayam nilo makasaru;

AYUP 20:8

Kalio ilo koson ra inupi, lumiot koson ra pagilangan paat ra rondom.

MAZMUR 37:15

kaa' ilang tumobok ra inan nilo galama', am tanggayan ru panah nilono pandakon.

MAZMUR 7:16

Napataan ilo ra jajaling ra ulun bokon, kaa' ilo galama' sumulung.

MAZMUR 94:23

Ukumin No ulun malaat sabap ra kinalaat nilono, am mamuso risilo sabap ra tula nilono; Tuhan, i Aki Kapuuno' takau no ondo' mamuso risilo.

AMSAL 11:27

Osoi masalok mambaal ra moonsoi kaansayin ru ulun; osoi maguyum ra kalaatan, io malumpa' ru kapaganan.

AMSAL 11:8

Ulun ra kolondo' tula makainggalur ra kapaganan, kaa' ulun malaat mokoowot ra kapaganan.

AMSAL 26:27

Ulun mapataan ra jajaling ru ulun bokon, io galama' sumulung ra jajaling no. Ulun mapaluir ra batu maintupan ilo niayuk ru batu no.

JIRIMIA 34:17

Ginio ra raino, Aku Tuhan, minindagu: Kalo giminagaya' kau Raki'; kalo linabusan min gino ngai' ru bansa' min ondo' nasauk ra ulipon. Amon ru ginio poyo, aniin Takamin ra kalabusan: kalabusan koson ra matoi sabap ra pangayawan, maruol tumapik am bitilan. Mangkinibit Aku ra moonong bansa' ra tana' ti malaa' magilong ra baal ondo' baalon Kuno ramuyun.

YEHEZKIEL 5:13

“Mailian mu kinoporos ru sangit am lasu' ru guang Kuno saboi Aku majala'. Paat ra ngaangai' no masauk, bagu no mangintopot kou ra Aku, Tuhan, nakaindagu rirun nabaya' ra sangit sabap ra kalo gumagaya' kou Raki'.

DANIL 6:24

Mapara' boo bansuk ru raja'! Nanusub raja' maa' raginio paingkualon i Danil intor ra luang batu no. I Danil pana pinaingkual, am kalo najamaran io ra sanganu pana, sabap ra mangintopot io ri Aki Kapuuno'.

DANIL 6:25

Kopongo raginio nanusub raja' maa' raginio ngaangai' ulun ondo' nanguu' ri Danil, patirin ra ralalom ru luang batu ru singa' no pabayaan ra anak andu' nilo. Kalo poyo naratu' ilo intor ra lonor ru luang batu no, singa'-singa' no nansaam noyo risilo am namandak-mandak ra bungul nilo.

JAKARIA 6:8

Kopongo raginio golok malaikat no raki', “Kuda ondo' minongoi ra Babilonia giu' ra ralayo nampalinos ra sangit ri Aki Kapuuno'.”

TINGGANAI RU BANSA' 15:7

Kon ri Simson risilo, “Koson ragitio kia binaal min? Magibot aku ra kalo rumoro' aku saboi ra makapansuli' aku.”