ESTER 6:4 - Tanou Moonsoi Timugon

⁴ Kopongo raginio pangkuot raja', “Osoi kia ra gino ngai' pagawai kuno ondo' soroi ra istana raino ti?” Nakainamot ra i Gaman bagu ayuk minumpos ra liliut ru istana. Minatong io koson makitaak ra raja' koson manair ri Mordikai ra lugu' panairan ondo' tinirong noyo.

ESTER 6:4 Iomraidhean Croise

ESTER 4:11

“Osoi ayuk, ungkuyon kapoam ruandu', ukumin ra potoyon, amon ru mumpos io muma' ra raja' giu' ra istana, giu' ra liliut tampilon ra ralalom, ra kalo piawon ru raja' galama'. Ginio noyo undang-undang, am ngaangai' ulun, ondo' ulun maminson ra raja' am poyo mamagun, makapandai ra baal raginio. Mokoondo' rondo' ralan ayuk koson lumabus intor ra undang-undang raginio, iono paat ra raja' mampatutui ra jujuga' mas nano ra ulun ondo' matong uma'. Kaa' sansila' noyo raja' kalo nampiau raki'.”

ESTER 5:1

Paat ra orou katalu ru nampalian nano, nambayang i Ester ra bayang ru andu' raja', am ongoi ra liliut tampilon ralalom giu' ra istana am minigor giu' ra saang ru kulobon balairung. Tatanga' raja' nanturung giu' ra rasawat ru panturungan ru raja' ondo' nakatingkuang ra kulobon no.

ESTER 5:14

Pokorongog ra baal raginio, andu' nano am ngaangai' rangan nano mindagu, “Tirongo' rondo' lugu' panairan ra sawat no 22 ngamito, am rumondom ra susuab no kitaakon maa' raginio mangukum raja' ra tairon i Mordikai. Akau pana makasaang boo ra bunsag no ra guang maansukan.” Nampaguang i Gaman ra inatangan no moonsoi. Ginio ra nanusub io ra ulun mambaal ra lugu' pampatairan no.

ESTER 6:3

Pangkuot raja', “Itakau ti nangurumat noyo kia am niayuk nambalos ra binaal moonsoi ri Mordikai no?” Taam kambo-kambo ru raja', “Kalo poyo raja' mai. Kolondo' atan-atan inapu nano!”

ESTER 6:5

Ginio ra indagu kambo-kambo ru raja', “Soroi i Gaman ragiti, raja' mai. Moogot io muma' rirun raja' mai.” Indagu raja', “Susubo' io sumubol.”

ESTER 7:9

Sangulun intor risilo ondo' ininggalanan ri Arbona mindagu, “Nambaal noyo i Gaman ra lugu' pampatairan mamaar ra baloi nano koson mampatair ri Mordikai ondo' namayag noyo rirun raja' mai. Lugu' no ra sawat 22 ngamito.” Indagu raja', “Tairo' noyo i Gaman ra lugu' no!”

MAZMUR 2:4

Intor ra nanturungan Nano giu' ra suruga' Tuhan no nakakurit am nagasab ra inatang nilono.

MAZMUR 33:19

Pinalabus No ilo intor ra kapatayan; Io magalung ra painawo nilono bulintok ra ilo maitilan.

MAMPATANOU 9:10

Tandaa' toojo kandoi min, sabap giu' ra tana' ru ulun minatoi kolondo' kandoi, pangkaraan, katutunan, kapoam kapintaran poyo; giu' noyo angayan min.