ESTER 5:9 - Tanou Moonsoi Timugon

⁹ Paat i Gaman minuli' intor ra bunsag no, guang nano naansukan am maantak. Kaa' pakakito i Gaman ri Mordikai giu' ra kulobon garabang ru istana, am kalo miningor i Mordikai kapoam nampakito ra tatandu' mangurumat paat io nansail, siminangit kaga' i Gaman.

ESTER 5:9 Iomraidhean Croise

1 RAJA'-RAJA' 21:4

Uli' Raja' Agab ra guang pansagulian am siminangit sabap ra ragu ri Nabot no. Luya' Raja' Agab ra intok kaalangan, tumingkuang ra timbok am marara' mangakan.

1 RAJA'-RAJA' 21:6

Taam Raja' Agab, “Kalo maansayan aku ri Nabot. Masaga' aku mambali ra umo ru anggur nano am pataako' ku ruit riso, kapoam umo no aligin ra umo ru anggur ra bokon, kaa' marara' i Nabot mapataak raki'!”

ESTER 2:19

Liliwa' raginio i Mordikai linantik ru raja' nasauk ra sangulun pagawai ru pagun.

ESTER 3:2

Nanusub raja' maa' raginio ngaangai' pagawai ondo' nangandoi ra raja' mangurumat ri Gaman am migulatur riso. Ngaangai' ulun giminagaya' ra susuban no ondo' ak am i Mordikai.

ESTER 3:5

Siminangit kaga' i Gaman paat ra io nakapandai ra i Mordikai marara' migulatur samba riso.

ESTER 5:13

Kaa' ngaangai' no kolondo' onong raki' ra buoi kuno magilong ri Mordikai ulun ru Jaudi no manturung giu' ra kulobon garabang ru istana.”

AYUP 20:5

kaansukan ru ulun malaat kalo mabuoi; katasuan ru ulun malaat sangkuliop ayuk.

AYUP 31:31

Ngaangai' ulun ondo' mangandoi ra tayar kuno makapandai ra ulun ondo' kalo nauligan kuno, paakanon ku giu' ra baloi kuno.

MAZMUR 15:4

ondo' magasab ra ulun ra kalo kasagain ri Aki Kapuuno', kaa' mangurumat ra ulun ondo' gumagaya' ra Tuhan; ondo' magail manugut ra bantu' nilo, kabalu' pana papalo nilo ayuk;

MAZMUR 27:3

Kabalu' pana ngaangai' ru saujor liminiput raki', kalo malaa' aku; kabalu' pana pantula' kuno mongoi bulunsar raki', pangintapatan kuno ri Aki Kapuuno' kalo makulau.

DANIL 3:13

Pokorongog ra baal raginio sangit raja' am nanusub maa' raginio katalu-talu ngaulun no ibiton muma' riso.

MATIUS 10:28

Pai' kano kalaa' risilo ondo' makapamatoi ramuyun, kaa' ondo' kolondo' kuasa' mampasubol ramuyun ra naraka. Kaa' kalaa' kano ri Aki Kapuuno' ondo' makapamatoi ramuyun am makakuasa' mampasubol ramuyun ra naraka.

MATIUS 2:16

Paat ri raja' Irodis nakatutun ra rinuung io ru magugulig ra butitin no siminangit io toojo. Sumugut ra bala' ru magugulig ra butitin no koson buoi ru butitin nakito nilo i siminila', nanusub i raja' Irodis ra potoyon ngaangai' lalaing ungkuyon giu' ra pekan Bitligim ondo' bagu inanak suku' ruo ngambilor.

LUKAS 6:25

“Aibui boo ramuyun ondo' naasug ra raino ti, mangaitilan kau ra maagu no! “Aibui boo ramuyun ondo' pasakurit ra raino ti sabap ra mangiluk guang am mantangi' kau ra maagu no!

JUANIS 16:20

Balain takamin toojo: Mantangi' am manulaboi kau, kaa' ulun ru tana' ti maansukan. Mangiluk guang mino, kaa' guang min ra mangiluk no makulau boo ra maansukan.

RINALATAN 7:54

Pakaining ayuk ulun-ulun ru Majlis Ugama ondo' rinagu ri Stipanus, malasu' boo toojo guang nilo mabaya' ra kinuritot ru ripon.

JAKUBUS 4:9

Panasal, pantangi' am panulaboi kau ra baal malaat min i. Polosoo' noyo kinuritan min masauk ra tinangian am kaansukan min masauk ra kasilukan.