ESTER 4:3 - Tanou Moonsoi Timugon

³ Giu' ra moonong wilayah, ra ati ayuk ragu ru raja' no binasa', ulun ru Jaudi manulaboi am malumpus. Nampali ilo, nantangi' am nampalaa; am masuang ra gino ngai' ilo ondo' nambayang ra karung am liminangan ra rasawat ru kaau.

ESTER 4:3 Iomraidhean Croise

ESTER 1:1

Giu' ra Susan, pusor bandar ru Pirsia, Raja' Agaswiros namarinta ra 127 wilayah, intor ra India polos ra Itiopia.

ESTER 3:12

Ginio ra paat ra orou koopor am talu ru sila' kasaa', nampiau i Gaman ra ngaangai' mamamatik ru raja'. Nanusub i Gaman risilo manulis ra surat sumugut ra ngaangai' ondo' sinusub nano. Surat no pana pinaalig boo ra ralalom ru ngaangai' ragu, am pinaralin ra ralalom ru ngaangai' tulisan ondo' pinakai ra ralalom ru pamarintaan. Surat no tinulisan ralalom inggalan ru Raja' Agaswiros am sinaapan ra saap nano. Kopongo raginio surat no inataran ra ngaangai' panguasa', gabenor am pagawai.

ESTER 4:16

“Susubo' ngaangai' ulun ru Jaudi giti ra Susan ti tumimung. Susubo' ilo mampali am makiasi' ilo ra tayar raki'. Pai' pangakan kapoam panginum ra atan-atan pana buoi talu ngoorou am talu ngorondom. Aku galama' am ralaa-ralaa magayam kuno pana mambaal raginio. Mopongo raginio muma' aku ra raja', kabalu' pana binaal raginio manggal ra undang-undang. Amon ru musiti' aku matoi sabap ra baal raginio, polosoon aku no matoi!”

ESTER 4:2

Pupus no nakasaboi io giu' ra kulobon garabang ru istana, kaa' kalo siminubol io, sabap ra ulun ondo' nambayang ra karung kalo iowon sumubol.

ESTER 4:4

Paat ra ruandu'-ruandu' mangngandoi am sida-sida ondo' mangandoi ri Ester nambala' riso ra atan ondo' binaal ri Mordikai, magalabo kaga' i Ester. Nangator io ri Mordikai ra bayang maa' raginio kalo mambayang io ra karung, kaa' marara' i Mordikai mangapu raginio.

ESTER 9:31

Surat no magangat maa' raginio ilo am papag nilo mangiantak ra pangiantakan Purim paat ra orou ondo' inaru', koson ra ilo mangkara' paat mampali am paat mangulir. Koon raginio noyo ondo' nanusuban ri Mordikai am Andu' Raja' Ester.

AYUP 2:8

Minongoi i Ayup panturung giu' ra sapapa' ru tinuntur ra ginsamol liliwa' nangaur ra talipos nano ra rondo' poto ru rarapu'.

JISAYA 22:12

Bulintok raginio Tuhan Raja' Ondo' Maayo Kaga' Kuasa' manusub ramuyun mantangi' am manulaboi, mambulut am mambayang ra konoon karung.

JISAYA 22:4

Polosoo' aku sangulun koson maupus ra ngaangai' ulun kuno ondo' minatoi. Pai' aku kinami' ansuko'.

JISAYA 58:5

Paat ra akau mampali, imboloon min inan mino; ulu pakukuon min koson ra raun ru sakot liminakut. Pabingkalon min konoon karung am manatak ra kaau, am mombolong ra rasawat nano. Ginio kia inggalanin min ra pali? Indoson min kasagain Kuno baal min raginio?

YEHEZKIEL 27:30

Manulaboi ilo rirun ra malumpus, pinatauk nilo kaau ra ulu am liminuir ra ralalom ru kaau sabap ra mangiluk guang.

DANIL 9:3

Aku pana makiasi' toojo ra Tuhan, i Aki Kapuuno', nakimasi' Riso, liliwa' nampali am nambayang ra karung, am niayuk nanturung ra rasawat ru kaau.

JUNUS 3:6

Pokorongog raja' Niniwi ra tanou no, tuun io intor ra panturungan nano. Inalus no sukub nano am bayango' no konoon karung, am turung io ra rasawat ru kaau.

MATIUS 13:42

Ilo ngaangai' ti patirin ra apui. Giu' no pasalangis am sakuritot ayuk boo ripon nilono sabap ra maruol kaga'.

MATIUS 22:13

Indagu boo raja' ti ra ulipon-ulipon nano, ‘Bangkilo' kalayam am kalindu' nano am patiri' io ti ra lisar ondo' intok molondom. Giu' no mantangi' io am manguritot boo ripon nano.’ ”

MATIUS 25:30

Ra ulipon ondo' kolondo' onong ti, patirin min io ti ra intok molondom kaga' no. Giu' no mantangi' io am manguritot ripon nano!’ ”

JOSUA 7:6

Rinilak ri Josua am tingganai-tingganai ru Israil bayang sabap ra mangiluk guang, am kubu ra saang ru Kaban Nabantuan ru Tuhan saboi palunggai'. Pinatauk nilo niayuk kaau ra rasawat ru ulu koson mapakito ra kangilukan nilo.

1 SAMUIL 11:4

Ulun-ulun sinusub no nakasaboi giu' ra Gibia, intok inayanan ru Raja' Saul. Paat ra tanou no pinasaboi, ngaangai' mamagun ra giu' no tumalimpuun mantangi' sabap ra nangkaus.