ESTER 4:16 - Tanou Moonsoi Timugon

¹⁶ “Susubo' ngaangai' ulun ru Jaudi giti ra Susan ti tumimung. Susubo' ilo mampali am makiasi' ilo ra tayar raki'. Pai' pangakan kapoam panginum ra atan-atan pana buoi talu ngoorou am talu ngorondom. Aku galama' am ralaa-ralaa magayam kuno pana mambaal raginio. Mopongo raginio muma' aku ra raja', kabalu' pana binaal raginio manggal ra undang-undang. Amon ru musiti' aku matoi sabap ra baal raginio, polosoon aku no matoi!”

ESTER 4:16 Iomraidhean Croise

KASAUKAN 18:19

Pinili' Kuno io, maa' raginio ra masusub no anak-anak nano am papag nano gumagaya' Raki' am mambaal ra atan ondo' motopot am matanda'. Amon ru baalon nilo koson raginio, ngaangai' bantu' Kuno ri Abragam suguton Ku.”

KASAUKAN 43:14

Gama' ru i Aki Kapuuno' Ondo' Maayo Kaga' Kuasa' mambaal ra gabenor no makaasi' ramuyun, saboi parulion no i Binjamin am i Simion ramuyun. Aku ti, amon ru maluusan aku pana ra anak, inda' am atan piboo kulaan.”

2 SAMUIL 10:12

Ikango' guang muno, am pangayou no ra baani tayar ra bansa' takau am tayar ra bandar-bandar ri Aki Kapuuno' takau. Gama' ru Tuhan no mambaal ra atan ondo' moonsoi Riso.”

2 RAJA'-RAJA' 7:4

Kolondo' onong takau mumpos ra bandar, sabap ra matoi takau ra maitilan ra giu' no. Amon ru mayan takau ragiti, matoi takau niayuk. Ibok ongoi takau ra pangkiman ru ulun ru Siria; ondo' mabaal nilo mamatoi ritakau, kaa' osoi makapandai ra maaru' lair kalo mampajamar ilo ritakau.”

2 TUNUNG RU BANSA' ISRAIL 20:3

Raja' Josapat malaa' am pakiasi' boo ra Tuhan nakitulu'. Io pana nanusub boo ra mamagun maa' raginio mampali.

IJRA 8:21

Kopongo raginio, giu' ra igig ru Sungoi Agawa, nampatanou aku ra musiti' akai mampali am minggana' guang ra saang ri Aki Kapuuno'. Makiasi' akai maa' raginio maningganai Io ramon ralalom pangkiralanan am manindung ramon, anak-anak maino, am ngaangai' longgom maino.

ESTER 4:15

Kopongo raginio nangator i Ester ra bilin ragitio ri Mordikai,

ESTER 4:17

Kopongo raginio minugar i Mordikai intor ra giu' no am nambaal ra ngaangai' ondo' binilin ri Ester.

ESTER 4:3

Giu' ra moonong wilayah, ra ati ayuk ragu ru raja' no binasa', ulun ru Jaudi manulaboi am malumpus. Nampali ilo, nantangi' am nampalaa; am masuang ra gino ngai' ilo ondo' nambayang ra karung am liminangan ra rasawat ru kaau.

ESTER 5:1

Paat ra orou katalu ru nampalian nano, nambayang i Ester ra bayang ru andu' raja', am ongoi ra liliut tampilon ralalom giu' ra istana am minigor giu' ra saang ru kulobon balairung. Tatanga' raja' nanturung giu' ra rasawat ru panturungan ru raja' ondo' nakatingkuang ra kulobon no.

ESTER 9:31

Surat no magangat maa' raginio ilo am papag nilo mangiantak ra pangiantakan Purim paat ra orou ondo' inaru', koson ra ilo mangkara' paat mampali am paat mangulir. Koon raginio noyo ondo' nanusuban ri Mordikai am Andu' Raja' Ester.

JISAYA 22:12

Bulintok raginio Tuhan Raja' Ondo' Maayo Kaga' Kuasa' manusub ramuyun mantangi' am manulaboi, mambulut am mambayang ra konoon karung.

JIRIMIA 36:9

Paat ra sila' kasiam ralalom bilor kalimo ra pamarintaan ru Raja' Joyakim koson ra raja' ru Jiuda, mamagun nampali maa' raginio iowon ru Tuhan. Ngaangai' ulun ondo' minayan giu' ra Jirusalim nampali am ulun ondo' minatong ra giu' no intor ra bandar-bandar giu' ra Jiuda pana nampali.

DANIL 2:18

Nanusub io risilo makiasi' ri Aki Kapuuno' panguasa' giu' ra suruga' maa' raginio makaasi' Io risilo am mampatutun ra ondo' nakasibuni ra inupi no risilo, maa' raginio kalo potoyon ilo mababaya' ra ulun maminson ra bokon giu' ra Babil.

MATIUS 12:40

Koson ri Junus minayan talu ngoorou am talu ngorondom ralalom tinai' ru papait maayo, mogondo' niayuk ra Anak ru Ulun mayan talu ngoorou am talu ngorondom ralalom tana'.

LUKAS 9:24

Ulun ondo' masaga' maya' ra kasagaan nano galama' kalo makaalap ra kaayagan mantilayun. Kaa' ulun ondo' mampataak ra kaayagan nano, arati' no gumagaya' io Raki', io no makaalap ra kaayagan mantilayun.

JUANIS 19:22

Kaa' taam i Pilatus, “Ondo' tinulisan ku noyo, malayun ayuk.”

RINALATAN 10:7

Pakaugar ayuk malaikat ondo' minindagu riso i, piawo' no ruo ngaulun ulipon nali am sangulun saujor ondo' mangampin riso. Io poyo sangulun ondo' sumamba ri Aki Kapuuno'.

RINALATAN 20:24

Kaa' kalo mangkara' aku ra maayag aku kia kapoam kalo; ondo' karaan kuno ayuk am momongo ra kandoi ondo' pinataakan raki' ru Tuhan Jisus, ioginio mampasaboi ra Tanou Moonsoi intor ra asi' ri Aki Kapuuno'.

RINALATAN 21:13

Kaa' taam i Paulus, “Kua kia tangii' min aku koson ragitio saboi mangiluk boo toojo guang kutu? Nakatampos aku no ra bangkilon kia kapoam matoi pana giu' ra Jirusalim, sabap ri Tuhan Jisus.”

RINALATAN 27:33

Maar matawang, susubo' ilo ri Paulus mangakan. Indagu io, “Mopor am apat ngoorou noyo buoi min magalabo am kalo mangakan.

RINALATAN 9:9

Nataluan buoi no io noolou, am buoi ragili kalo nangakan am nanginum io.

ROMA 16:4

Ilo ti maar noyo matoi paat nangindangan pamayag raki'. Paringkuanangan ku risilo, am sala' ka aku ayuk, kaa' ngaangai' ulun Kristian sala' ka Jaudi niayuk maringkuanang risilo.

PILIPI 2:30

Sabap ra kandoi nano ri Kristus nampataak io ra painawo nali am mamaar io matoi, koson mangindangan io raki' ondo' akau galama' kalo makakaluagan mambaal.

JOSUA 24:15

Amon ru kalo masaga' kau mangandoi ayuk Riso, aruo' noyo raino ri osoi akau mangandoi ayuk, ra tuhan-tuhan ra bokon ondo' sinamba ru kinamatuaan min giu' ra Misopotamia, kapoam ra tuhan-tuhan ru ulun ru Amori giu' ra pagun ondo' inayanan min raino. Kaa' ra aku am sasambaloi kuno, masaga' akai mangandoi ayuk ra Tuhan.”

1 SAMUIL 19:5

Pinataak no painawo nano paat io namatoi ri Goliat, am nanaak Tuhan no ra kamanangan ondo' maayo ra Israil. Okou galama' nakatainu raginio, am naansukan kou paat ragili. Kua kia raino masaga' kou mangimbolo' ra sangulun ondo' kolondo' sala, am masaga' mamatoi ri Daut ra kolondo' sasaban?”