ESTER 3:7 - Tanou Moonsoi Timugon

⁷ Paat ra bilor koopor am ruo ra pamarintaan ru Raja' Agaswiros, paat ra sila' kasaa', iono sila' Nisan, nanusub i Gaman maa' raginio ulun magugundi' (ondo' sabiton ra “purim”) koson mangaru' ra orou am sila' ondo' maaya' koson manugut ra inatangan malaat no. Pupus no, ondo' inaru' iono orou koopor am talu ra sila' koopor am ruo, iono sila' Adar.

ESTER 3:7 Iomraidhean Croise

IJRA 4:6

Paat ra talimpuun ru pamarintaan ru Raja' Agaswiros, pantula' ru mamagun ru Jiuda am Jirusalim nanulis ra surat panguwan.

IJRA 6:15

Nopongo nilo pambaalan no paat ra orou katalu ra sila' Adar, paat ra bilor koonom ra pamarintaan ru Raja' Darius.

NIGIMIA 2:1

Paat ra sangarawan, kalupus apat ngansila', iono sila' Nisan, tatanga' Raja' Artasasta mangakan, pampasulung aku ra wain riso. Kalo poyo raginio, kalo igondo' raja' pakakito raki' mangiluk.

ESTER 1:3

Paat ra bilor katalu ru pamarintaan nano, nambaal Raja' Agaswiros ra bunsag maayo koson ra ngaangai' ru tingganai am pagawai nano. Panglima-panglima ru Pirsia am Midia, am niayuk gabenor-gabenor am pagawai mangaatang intor ra wilayah-wilayah minaya' saang ra bunsag no.

ESTER 2:16

Koon raginio noyo paat ra bilor katulu' ra pamarintaan ru Raja' Agaswiros, ginio ra sila' koopor, iono sila' Tibit, inibit i Ester paumaan ra Raja' Agaswiros giu' ra istana.

ESTER 9:1

Kasaboi boo orou ra koopor am talu ru sila' Adar, iono orou ondo' inaru' koson papaugaran ra ragu ru raja' no. Ginio noyo orou ondo' inaanin ru pantula' ru ulun ru Jaudi koson manguasa' ra bansa' raginio. Kaa' sala' boo, ulun ru Jaudi no boo ondo' nangala risilo.

ESTER 9:21

Nanusub io risilo mangiantak ra orou koopor am apat am orou koopor am limo ra sila' Adar paat ra moonong bilor.

ESTER 9:5

Ginio ra ulun ru Jaudi makapambaal ra atan ayuk ra pantula' nilo. Namulunsar ulun ru Jaudi ra ilang am niayuk namatoi risilo.

AMSAL 16:33

Ulun magugundi' koson mangulig ra kasagaan ri Aki Kapuuno', kaa' i Aki Kapuuno' galama' mangaru' ra taam nano.

MATIUS 27:35

Salipo' i Jisus ru saujor-saujor am tatayaro' nilo bayang Nano ra magugundi' galing.