ESTER 3:5 - Tanou Moonsoi Timugon

⁵ Siminangit kaga' i Gaman paat ra io nakapandai ra i Mordikai marara' migulatur samba riso.

ESTER 3:5 Iomraidhean Croise

ESTER 1:12

Kaa' paat ra sida-sida no nampasaboi ra susuban ru raja', Andu' raja' Wasti marara' matong. Binaal nano nangkinibit ra raja' siminangit kaga'.

ESTER 3:2

Nanusub raja' maa' raginio ngaangai' pagawai ondo' nangandoi ra raja' mangurumat ri Gaman am migulatur riso. Ngaangai' ulun giminagaya' ra susuban no ondo' ak am i Mordikai.

ESTER 3:4

Moonong orou mampajajal ilo riso maa' raginio maya' ayuk, kaa' marara' i Mordikai manugut ra bilin nilo. Kono, “Aku ti ulun ru Jaudi, ginio ra aku kalo migulatur samba ra ulun.” Binalaan nilo i Gaman ra baal raginio sabap ra moogot ilo makapandai ra atan pamakuan no ri Mordikai.

ESTER 5:9

Paat i Gaman minuli' intor ra bunsag no, guang nano naansukan am maantak. Kaa' pakakito i Gaman ri Mordikai giu' ra kulobon garabang ru istana, am kalo miningor i Mordikai kapoam nampakito ra tatandu' mangurumat paat io nansail, siminangit kaga' i Gaman.

AYUP 5:2

Ulun sasambungon matoi sabap ra maruol guang, ulun iisan matoi sabap ra mangusolon.

MAZMUR 37:12

Ulun malaat maguguum tumula' ra ulun moonsoi am masisang magilong risilo.

AMSAL 12:16

Ulun sasambungon mataki' sumangit bulintok maabigan, kaa' ulun mapintar kalo lioon no pagasaban.

AMSAL 19:19

Polosoon noyo ulun ondo' mataki' sumangit makaliman ra kinibit nano. Amon ru mangindangan kau ra ulun no igondo', musiti' indanganon min poyo.

AMSAL 21:24

Ulun malilimbau am minsawat guang, masaga' mapakaruol ra guang am kolondo' guguang.

MAMPATANOU 10:6

Ulun kalo matanda' inanian ra intok ondo' lansanin toojo, kaa' ulun ondo' langkaya' no ininggi'.

DANIL 3:19

Bulintok raginio Raja' Nibukadnijar siminangit kaga' ri Sadrak, Misak am i Abidnigo saboi malia' bulos nano. Ginio ra nanusub raja' ra ulun-ulun nano mampalasu' ra rapuan intulu' poyo lasu' intor ra kaindalaman.