ESTER 3:2 - Tanou Moonsoi Timugon

² Nanusub raja' maa' raginio ngaangai' pagawai ondo' nangandoi ra raja' mangurumat ri Gaman am migulatur riso. Ngaangai' ulun giminagaya' ra susuban no ondo' ak am i Mordikai.

ESTER 3:2 Iomraidhean Croise

KASAUKAN 41:43

Anii' no i Jusup ra kurita' kuda ondo' karuo ru raja' ru Misir, am magagalung ayuk ra raja' no siminigulu ugar ra kurita' no liliwa' mompogolok, “Ingkiing kau! Ingkiing kau!” Koson raginio noyo sinauk i Jusup ra gabenor ra titikop pagun ru Misir.

ESTER 2:19

Liliwa' raginio i Mordikai linantik ru raja' nasauk ra sangulun pagawai ru pagun.

ESTER 2:21

Paat ra sangarawan, paat ra i Mordikai nangandoi giu' ra istana, i Bigtan am i Tiris, iono ruo ngaulun sida-sida ondo' magalung ra kulobon mongoi ra lamin-lamin ru raja', maruol guang ra raja'. Ginio ra nangatang ilo koson mamatoi ra raja'.

ESTER 2:5

Giu' ra pusor bandar Susan, mokoondo' sangulun ru Jaudi ininggalanan ri Mordikai anak ri Jair. Io papag ri Kis am Simii intor ra bansa' ru Binjamin.

ESTER 3:1

Kopongo kukula' buoi, nampalantik Raja' Agaswiros ra sangulun ondo' ininggalanan ri Gaman nasauk ra menteri masawat kaga'. I Gaman iono anak ri Gamidata intor ra papag ri Agag.

ESTER 3:3

Pagawai-pagawai ra bokon ondo' nangandoi ra raja' nangkuot ri Mordikai ra sabap nano minanggal ra susuban ru raja'.

ESTER 3:5

Siminangit kaga' i Gaman paat ra io nakapandai ra i Mordikai marara' migulatur samba riso.

ESTER 5:9

Paat i Gaman minuli' intor ra bunsag no, guang nano naansukan am maantak. Kaa' pakakito i Gaman ri Mordikai giu' ra kulobon garabang ru istana, am kalo miningor i Mordikai kapoam nampakito ra tatandu' mangurumat paat io nansail, siminangit kaga' i Gaman.

MAZMUR 15:4

ondo' magasab ra ulun ra kalo kasagain ri Aki Kapuuno', kaa' mangurumat ra ulun ondo' gumagaya' ra Tuhan; ondo' magail manugut ra bantu' nilo, kabalu' pana papalo nilo ayuk;

KAINGKUALAN 17:14

Indagu boo Tuhan ri Musa, “Tulisi' sauk ragitio maa' raginio makara'. Balai' i Josua ra pusoon Ku lingono' ulun ru Amalik.”

KAINGKUALAN 17:16

Kon ri Musa, “Bingkalo' Bandira' ru Tuhan! Marayus-rayus Tuhan mangayou manggal ra ulun ru Amalik ra sabuoi-buoi no!”

DANIL 2:49

Kaa' ra kitaak ri Danil, nampataak raja' ra kandoi tadbir ru wilayah Babil ri Sadrak, i Misak am i Abidnigo. Kaa' i Danil minayan giu' ra istana raja' am nangandoi ra giu' no.

SAGULION 25:19

Ginio ra paat ra Tuhan i Aki Kapuuno' min mampataak ra tana' no ramuyun, am manaak ramuyun ra kamiaan intor ra ngaangai' pantula' ondo' minayan ra liput no, musiti' min potoyon ngaangai' ulun ru Amalik maa' raginio kolondo' sangulun pana boo mangkara' risilo. Pai' liliani' baal ragitio!”

PILIPI 2:10

Maa' raginio ngaangai' ondo' mayan ra suruga', kapoam ra tana' ti am niayuk ra intok ru ulun namagatoi pana migulatur ra saang ri Jisus.

1 SAMUIL 15:3

Ongoyo' min bulunsaro' ulun ru Amalik, pusoo' min ilo am umoko' min ngaangai' ondo' soroi risilo no. Pai' min tatango' rondo' pana. Potoyo' min ngaangai' ungkuyon, ruandu', lalaing borok, lalagang, sapi', domba, unta am kaladai.”