ESTER 3:12 - Tanou Moonsoi Timugon

¹² Ginio ra paat ra orou koopor am talu ru sila' kasaa', nampiau i Gaman ra ngaangai' mamamatik ru raja'. Nanusub i Gaman risilo manulis ra surat sumugut ra ngaangai' ondo' sinusub nano. Surat no pana pinaalig boo ra ralalom ru ngaangai' ragu, am pinaralin ra ralalom ru ngaangai' tulisan ondo' pinakai ra ralalom ru pamarintaan. Surat no tinulisan ralalom inggalan ru Raja' Agaswiros am sinaapan ra saap nano. Kopongo raginio surat no inataran ra ngaangai' panguasa', gabenor am pagawai.

ESTER 3:12 Iomraidhean Croise

1 RAJA'-RAJA' 21:8

Kopongo raginio panulis i Ijibil ra kukula' surat, saini' no ralalom inggalan ru Raja' Agab am sinaapan ra saap ru raja', am paatari' no ginio ra kukula' ngaulun pagawai am tingganai ru bandar ru Jijriil.

IJRA 8:36

Kopongo raginio inalap nilo dokumin ondo' pinataak ru raja' am pinasaboi ginio ra gabenor-gabenor am pagawai-pagawai giu' ra wilayah Iprat Kalasaan. Pagawai-pagawai pana nangindangan ra mamagun maa' raginio marayusan nilo sambayang giu' ra Baloi ru Tuhan.

ESTER 1:22

Nangator raja' ra surat susuban ra ngaangai' wilayah giu' ra ralalom ru pamarintaan nano, ralalom ru moonong ragu am tulisan giu' ra wilayah raginio. Susuban no mindagu ra ralalom ru moonong sambaloi, ralaki noyo ondo' musiti' masauk ra tingganai, am ondo' iowon mangani' ra pamatasan.

ESTER 3:11

Indagu raja' riso, “Pataakon ku rirun bansa' raginio am ruit nilo. Baalo' noyo atan ondo' ilain mu ra moonsoi risilo.”

ESTER 8:2

Pinagus ru raja' sinsing pasaapon ondo' bagu inalap no saguli' intor ri Gaman, am pataako' no ri Mordikai. Linantik poyo ri Ester i Mordikai nasauk ra panguasa' ra rapu' ri Gaman.

ESTER 9:27

nambaal ilo ra aturan risilo am papag nilo, am osoi ayuk ondo' nasauk ra ulun ru bansa' ru Jaudi musiti' mangiantak ruo ngoorou no ra moonong bilor, koson ra ondo' inaru' noyo ri Mordikai.

DANIL 3:10

Okou raja' minindagu ra makatalimpuun ayuk miujik, moonong ulun musiti' migulatur am sumamba ra sinungkalalaing no.

DANIL 6:12

Paat ra pantula'-pantula' ri Danil nakakito riso nakiasi' ri Aki Kapuuno',

DANIL 6:15

Pokorongog ra baal raginio, mangiluk raja' am mirot toojo koson mamayag ri Danil. Narayus raja' minirot saboi mamai'.

DANIL 6:25

Kopongo raginio nanusub raja' maa' raginio ngaangai' ulun ondo' nanguu' ri Danil, patirin ra ralalom ru luang batu ru singa' no pabayaan ra anak andu' nilo. Kalo poyo naratu' ilo intor ra lonor ru luang batu no, singa'-singa' no nansaam noyo risilo am namandak-mandak ra bungul nilo.

DANIL 6:8

Akai ngaangai' ti mambaal ra kandoi tadbir ru pamarintaan muno – ulun-ulun magalung, gabenor, pagawai masawat, ulun magalung ra libung am pagawai ra bokon – nangiou noyo maa' raginio ingkualon mu rondo' susuban ondo' musiti' gagayaan toojo. Musiti' kou manusub maa' raginio buoi talu ngoopor ngoorou kolondo' sangulun pana makitaak ra atan ayuk intor ra dewa kapoam ulun ondo' ak am intor rirun galama'. Osoi ayuk manggal ra susuban no musiti' patirin ra ralalom ru luang batu ru singa'.