ESTER 2:9 - Tanou Moonsoi Timugon

⁹ Maansayan kaga' i Igai magilong ri Ester am masaga' riso. Kinataki' ri Igai nangani' ri Ester ra pamabasan ru kinapasau am niayuk akanon ra linuntuk. Nangani' io ri Ester ra lamin ondo' moonsoi kaga' giu' ra ralalom ru istana ruandu' no. Nanusub niayuk i Igai ra tulu' ngaulun ralaa ondo' pinili' timpoko' intor ra istana raja' koson magayam ri Ester.

ESTER 2:9 Iomraidhean Croise

KASAUKAN 39:21

Kaa' nagalung am nambarakat Tuhan no ri Jusup saboi tingganai magagalung ra pangaputan no maansayan ri Jusup.

KASAUKAN 39:4

Maansayan i Potipar riso am alapo' no i Jusup ra mangindangan ayuk riso, am paalungi' no ri Jusup baloi am ngaangai' rapu' nano.

1 RAJA'-RAJA' 8:50

Ampuno' noyo ngaangai' tula am guor nilo Rirun, am baalo' pantula' nilono makaasi' risilo.

IJRA 7:6

I Ijra sangulun ondo' nakaigigila' am mapandai am makatutun toojo ra Ukum ondo' tinaakan ru Tuhan, i Aki Kapuuno' ru Israil ri Musa. Nangani' Raja' ri Ijra ra atan ayuk kinitaak no sabap ra binarakat i Ijra ru Tuhan, i Aki Kapuuno' nano. Paat ra bilor katulu' ra pamarintaan ru Raja' Artasasta, minugar i Ijra intor ra pagun ru Babilonia minongoi ra Jirusalim nababaya' ra santimungan ulun ru Israil, nakaaya' kukula' ngaulun imam, ulun ru Liwi, ulun maririmbai, am niayuk ulun magalung ra kulobon ru Baloi ru Tuhan am ulun-ulun mangngandoi.

NIGIMIA 2:8

Suai raginio, aku niayuk nakitaak ra surat tayar ri Asap, mantatamung ra kataunan ru raja', maa' raginio mangani' io raki' ra tataun balak tayar ra kulobon garabang ru kubu ondo' masauk ra rinding paninili ra Baloi ru Tuhan, am tayar ra timbok ru bandar, am niayuk baloi ondo' ayanin kuno. Nangiou raja' ra ngaangai' kinitaak kuno sabap i Aki Kapuuno' mabaya' raki'.

ESTER 2:12

Buoi ru pamabasan ra kinapasau kaindalaman no sambilor: onom ngansila' ra umau mur, am onom ngansila' poyo ra umau mangaamis owou ra bokon. Kopongo raginio, moonong ralaa no mampapalit paumaan ra Raja' Agaswiros.

ESTER 2:3

Musiti' kou mampalantik ra pagawai giu' ra ngaangai' wilayah ru pamarintaan, am susubo' ilo magibit ra ngaangai' ralaa mangantalur ra istana ruandu' giu' ra Susan, pusor bandar ti. Pataako' ilo ra alungin ri Igai, sida-sida ondo' nasauk ra tingganai ru sasambaloi ru istana ruandu'. Io magalung risilo am mangani' ra pamabasan ru kinapasau risilo.

ESTER 5:2

Pakakito raja' ri Andu' Raja' Ester minigor giu' ra liwar, motogom raja' riso, am patutuyo' jujuga' mas riso. Ginio ra jalai i Ester am kombongo' pompor ru jujuga' no.

MAZMUR 106:46

Mangkinibit Io ra ngaangai' ru ulun ondo' mangimbolo' risilo no makaasi' risilo.

AMSAL 16:7

Amon ru mangansuk kau ra guang ru Tuhan, ngaangai' pantula' masauk min ra rangan.

DANIL 1:9

am i Aki Kapuuno' nangkinibit ri Aspinas makaasi' am motogom ri Danil.

RINALATAN 7:10

am pinalabus intor ra ngaangai' kapaganan. Paat ra io minongoi uma' ra raja' Misir i, ondo' sabiton ra Piraun, inanian io ri Aki Kapuuno' ra paliso moonsoi am kapintaran saboi raja' i nampasauk riso ra gabenor pagun raginio am magagalung ra istana.