ESTER 2:7 - Tanou Moonsoi Timugon

⁷ I Mordikai mokoondo' ra pantukir ininggalanan ri Ester. Inggalan ru Ibrani nano i Gadasa. I Ester sangulun ralaa ondo' bulos nano mantalur am makainan ra moonsoi. Matuo ri Ester minatoi noyo, am io nasauk ra pinangkaanak ri Mordikai. Tinalaanak io koson ra anak ri Mordikai galama'.

ESTER 2:7 Iomraidhean Croise

KASAUKAN 48:5

Tungguli' poyo ri Jakub, “Jusup, karuo ngaulun anak ungkuyon muno ondo' inanak ra Misir ra kalo poyo nakaratong aku ragiti, iloti aku ra ampu'. I Ipraim am i Manasi mogondo' koson ra anak ungkuyon kuno i Rubin am i Simion.

ESTER 1:11

Nanusub raja' risilo nagibit ra Andu' raja' Wasti riso am nangkaraun ra pamarintaan. Andu' raja' no mantalur kaga' am makaguang raja' mampakito ra kinantalur nano ra tingganai-tingganai am tambului-tambului nano.

ESTER 2:15

Nasaboi boo paat ri Ester koson muma' ra raja'. I Ester iono anak ri Abiail, am pantukir ri Mordikai, ondo' nagalung riso koson ra anak nano galama'. Kaansayin i Ester ru moonong ulun ondo' nakakito riso. Pakasaboi paat nano, nambayang i Ester minaya' ra nanuluan am pinson ri Igai, sida-sida ondo' nasauk ra tingganai ru istana ruandu' no.

ESTER 2:20

Saboi ra paat raginio i Ester lakat poyo kalo nambala' ra osoi pana ra io ulun ru Jaudi. Nanginggalar i Mordikai riso mambala' ra osoi pana intor ru bansa' nano. Giminagaya' io ri Mordikai koson paat ra io lakat poyo lalaing am inalungan ri Mordikai.

ESTER 8:1

Paat ra orou raginio niayuk, nangani' Raja' Agaswiros ra Andu' raja' Ester ra ngaangai' rapu' ri Gaman, pantula' ru ulun ru Jaudi. Nambala' i Ester ra raja' ra Mordikai iono pantukir nano. Intor raginio iniou boo i Mordikai koson muma' ra raja' ra kalo pana piawon galing.

AYUP 31:17

Kalo igondo' aku pompoloso ra anak nailusan ra matuo no maitilan, alika aku galama' maukop akanon.

AYUP 31:18

Aku koson pinangkaama' ra anak nailusan ra matuo, masalok aku manaung ra ruandu' napuor.

2 KORINTUS 6:18

Masauk Aku ra ama' min, am akau masauk ra anak ungkuyon am anak ruandu' Kuno. Ginio noyo ragu ru Tuhan Maayo Kaga' Kuasa'.”

IPISUS 6:4

Matuo kau ngai', pai' kau pampakaruol ra guang ru anak mino suku' ra malikokot ilo. Kaa', sotopot no alungi' am ilaa' min ilo ra pangilaan ru Tuhan.

1 JUANIS 3:1

Ilai'! Mumpara' piboo gayo ru togom ri Ama' saboi piawon takau ra anak ri Aki Kapuuno'. Am sotopot no, itakau ti anak ri Aki Kapuuno'. Ginio sabap ra ulun ru tana' ti kalo makaulig ritakau, sabap ra kalo makaulig ilo ri Aki Kapuuno'.