ESTER 2:12 - Tanou Moonsoi Timugon

¹² Buoi ru pamabasan ra kinapasau kaindalaman no sambilor: onom ngansila' ra umau mur, am onom ngansila' poyo ra umau mangaamis owou ra bokon. Kopongo raginio, moonong ralaa no mampapalit paumaan ra Raja' Agaswiros.

ESTER 2:12 Iomraidhean Croise

ESTER 2:11

Moonong orou mugar-ugar ri Mordikai giu' ra liliut tampilon ra saang ru istana ruandu' no koson makapandai ra ati kulaan baal ri Ester, am atan ondo' masauk riso.

ESTER 2:13

Paat ra sangulun ralaa mingkual intor ra istana ruandu' koson paumaan ra raja', iowon io mambayang ra atan ayuk ondo' kasagaan nano.

ESTER 2:3

Musiti' kou mampalantik ra pagawai giu' ra ngaangai' wilayah ru pamarintaan, am susubo' ilo magibit ra ngaangai' ralaa mangantalur ra istana ruandu' giu' ra Susan, pusor bandar ti. Pataako' ilo ra alungin ri Igai, sida-sida ondo' nasauk ra tingganai ru sasambaloi ru istana ruandu'. Io magalung risilo am mangani' ra pamabasan ru kinapasau risilo.

ESTER 2:9

Maansayan kaga' i Igai magilong ri Ester am masaga' riso. Kinataki' ri Igai nangani' ri Ester ra pamabasan ru kinapasau am niayuk akanon ra linuntuk. Nangani' io ri Ester ra lamin ondo' moonsoi kaga' giu' ra ralalom ru istana ruandu' no. Nanusub niayuk i Igai ra tulu' ngaulun ralaa ondo' pinili' timpoko' intor ra istana raja' koson magayam ri Ester.

AMSAL 7:17

Kinupilan ku kaalangan no ra owou maamis ru mur, gaharu am kaningau.

RIMBAI PANGAMPARAN 3:6

Atan kia minatong intor ra tana' kaagisan, koson ra kuliampun ru lisun? Maamis owou nano koson ra kaminyan am mur ondo' tinalan ru mantatalan.

JISAYA 3:24

Ragino nagumau ilo ra umau maamis owou, kaa' maagu no moonsor. Abot nilo ra malumis aligin ra abot makalas. Ulu nilo ra makaabuk moonsoi masauk mambulut. Bayang nilo ra mongoonsoi aligin ra konoon mangalaat ondo' makauyuyu'!

JISAYA 57:9

Mampakai kau ra umau ondo' maamis owou am sumamba ra Dewa Molok. Manusub kau ra ulun mongoi ra pagun-pagun maalur, am niayuk giu' ra pagun ru ulun matoi.