ESTER 10:3 - Tanou Moonsoi Timugon

³ I Mordikai, ulun ru Jaudi narayus nampaguut ra kandoi masawat kaga' ragana' ru Raja' Agaswiros galama'. I Mordikai urumaton am kasagain ru ulun rondo' bansa' riso. Piniratan no toojo koson kaatangan am kaansayan ru bansa' nano am niayuk ngaangai' papag nilo.

ESTER 10:3 Iomraidhean Croise

KASAUKAN 41:40

Saukon tokou ra gabenor ra pagun kuti am ngaangai' namagun gumagaya' ra susuban muno. Aku ayuk ondo' makakuasa' poyo intor rirun.

KASAUKAN 45:10

Makaayan kou ra libung ru Gosyin, makapaginggaar raki' – okou galama', anak-anak muno, akupu-akupu muno, kambing muno, domba muno, sapi' muno am ngaangai' longgom muno.

KASAUKAN 45:11

Amon soroi kou ra Gosyin, makapagalung aku rirun. Mokoondo' limo ngambilor poyo buoi ru bitilan ti, am marara' aku ra okou, sasambaloi muno am ngaangai' bibiag muno mangaitilan.’ ”

2 TUNUNG RU BANSA' ISRAIL 28:7

Sangulun ra saujor ru Israil ondo' ininggalanan ri Jikri namatoi ri Maasiya, anak ungkuyon ru Raja' Agas, am i Ajrikam tingganai ru istana, am niayuk i Ilkana, pagawai maatang ru raja'.

NIGIMIA 2:10

Kaa' i Sanbalat, ulun intor ra bandar Bit-Oron, am i Tobia, pagawai intor ra wilayah Amon, nokorongog ra mokoondo' ulun ondo' matong koson mangindangan ra ulun ru Israil. Ginio boo ra ilo siminangit kaga'.

ESTER 2:5

Giu' ra pusor bandar Susan, mokoondo' sangulun ru Jaudi ininggalanan ri Mordikai anak ri Jair. Io papag ri Kis am Simii intor ra bansa' ru Binjamin.

ESTER 3:2

Nanusub raja' maa' raginio ngaangai' pagawai ondo' nangandoi ra raja' mangurumat ri Gaman am migulatur riso. Ngaangai' ulun giminagaya' ra susuban no ondo' ak am i Mordikai.

DANIL 5:16

Nokorongog aku ra okou makapambala' ra arati' ru ondo' noopot-noopot ondo' malandom am nakasibuni. Amon ru maalap mu kabasa' am pakabala' arati' ru tulisan no, aniin kou ra bayang ru raja', iono sukub matanggilung am sisigot mas tatandu' maayo, am pasaukon kou ra panguasa' katalu ralalom ru pamarintaan ti.”

DANIL 5:29

Paat raginio niayuk Raja' Bilsyajar nanusub ra ulipon-ulipon nano nampabayang ra bayang ru raja', iono sukub matanggilung ri Danil, am sisigot mas tatandu' maayo pinasisigot ra liog nano. Pinasauk io ru raja' ra panguasa' katalu ralalom ru pamarintaan no.

DANIL 6:3

Suai raginio, pinili' no i Danil am ruo ngaulun ra bokon koson magalung ra gabenor-gabenor no am niayuk magalung ra kaatangan ru raja'.

ROMA 10:1

Pabukat kau ngaangai', kaandaman ru guang kuno am pakiasian ku ri Aki Kapuuno', ioginio ra ngaangai' bansa' kuno bayagon.

ROMA 14:18

Osoi ayuk mangandoi ri Kristus koson raginio, io no ondo' mampakaansuk ri Aki Kapuuno' am urumaton poyo ru ulun.

1 SAMUIL 18:16

Kaa' ngaangai' mamagun ru Israil am Jiuda motogom ri Daut, sabap ra io sangulun tingganai ondo' masuang indangan nano. Naguot i Daut ra anak ruandu' ru Raja' Saul

1 SAMUIL 23:17

Kon ri Jonatan riso, “Pai' kalaa', kalo marakop kou ru ama' kuno. Nakapandai io toojo ra okou noyo masauk ra raja' ru Israil am ra aku ti makaintok ra ragana' muno.”