ESTER 1:4 - Tanou Moonsoi Timugon

⁴ Buoi onom ngansila' raja' no nampatalang ra kalangkayaan ru istana nano, am kinoonsoi am kinaayo ru pamarintaan nano.

ESTER 1:4 Iomraidhean Croise

1 TUNUNG RU BANSA' ISRAIL 29:25

Tuhan nambaal ra ngaangai' bansa' no naansayan kaga' ra Raja' Salomo, am Tuhan nampasauk riso ra raja' ondo' nauligan kaga' intor ra raja'-raja' ra bokon ondo' nakaili' namarinta ra Israil.

ESTER 1:3

Paat ra bilor katalu ru pamarintaan nano, nambaal Raja' Agaswiros ra bunsag maayo koson ra ngaangai' ru tingganai am pagawai nano. Panglima-panglima ru Pirsia am Midia, am niayuk gabenor-gabenor am pagawai mangaatang intor ra wilayah-wilayah minaya' saang ra bunsag no.

ESTER 1:5

Kopongo raginio nambaal raja' ra bunsag ra tayar ru ngaangai' mamagun ru pusor bandar, ondo' langkaya' am poyo ondo' musikin. Bunsag no binaal giu' ra taman ru istana raja', am saminggu' buoi no.

AYUP 40:10

Amon ru koon raginio, luat no ra matanda' am maligag kaga'; pasulungo' ra inan muno urumat am katulayan.

MAZMUR 145:5

Tunungon ru ulun katulayan Muno am kuasa' Muno, am karaan ku binaal Muno ondo' makaimuag no.

MAZMUR 21:5

Makitaak raja' ra bayag, am inanian Mu io ra bayag, am niayuk umur ra maawar ra sabuoi-buoi no.

MAZMUR 45:3

Okou noyo ulun maindon kaga' ra gino ngai' ru ulun, ragu-ragu muno napanu' ra kaansayan, ginio sabap ra okou binarakat ri Aki Kapuuno' ra sabuoi-buoi no.

MAZMUR 93:1

Tuhan noyo Raja'. Sinulungan No bayang katulayan am kaikangan. Kinapiot Mu tana' ti, maa' raginio kalo boo mauyog.

JISAYA 39:2

Raja' Gijkia nanguma' ra rinatangan ru ulun-ulun sinusub raginio am napatalang io ra kinalangkayaan nano risilo – pirok am mas nano, apa' pampagamis ra akanon am umau maamis owou, am niayuk nansalinut kuliamos ra saujor nano. Kolondo' rondo' pana giu' ra baloi nambulian nano kapoam titikop ru pamarintaan nano kalo pinatalang no risilo.

YEHEZKIEL 28:5

Mapandai kou mantalan am magail maulian. Lumimbau kou sabap ra kalangkayaan muno!’

DANIL 4:30

indagu raja', “Ilai', mapara' gayo ru bandar Babil! Binaal ku ginio koson ra pusor bandar kuno koson mapainono' ra kuasa' am kinaayo kuno, katulayan am niayuk kinaikang kuno.”

DANIL 4:36

“Paat ra aku nakaliman saguli', kinaayo am kinatulai kuno, am niayuk kauligan ra pamarintaan kuno pasagulion raki'. Pagawai-pagawai am ulun mangaatang kuno manguma' raki', am kakuasaan kuno koson ra raja' pasagulion raki', am kinatulai kuno masauk ra maayo poyo intor ragili.

DANIL 5:18

“I Aki Kapuuno' Ondo' Masawat Kaga' nampasauk ra ama' muno, Raja' Nibukadnijar ra raja' ondo' maayo, am niayuk nangani' riso ra urumat am katulayan.

MATIUS 4:8

Tingganai ru riwato no pana nagibit boo ri Jisus ra rondo' gunung ondo' masawat toojo, am pinakito no Io ra ngaangai' pamarintaan ru tana' ti am kalangkayaan nilono.

MATIUS 6:13

Palabuso' akai no intor ra pangkinaman am ampini' no akai intor ra kuasa' ru kalaatan. [Sabap ra Okou no Raja' ondo' matulai am makakuasa' sabuoi-buoi no. Amin.]’

ROMA 9:23

Masaga' Io niayuk mampakito ritakau ra kaluaban ru kaansayan Nano. Ginio tinaakan Nano ritakau ondo' asiin Nano, ioginio itakau ondo' pinongo Nano makaapu ra kaansayan Nano.

IPISUS 1:18

Gitio poyo pakiasian kutu ra maalap min kakito sinda Nano, am makapandai kau ra kalansanan ondo' pinataak Nano ra Io nampiau ramuyun. Am poyo ra makapandai kau ra mumpara' boo barakat ondo' kolondo' pogondo' no, ioginio bantu' Nano ra ulun mangintopot Riso.

KOLOSI 1:27

Inatang noyo ri Aki Kapuuno' ra pabalaan No ondo' nakasibuni i risilo; ra mumpara' boo bonsoi ru barakat ondo' pataakon Nano ra ngaangai' ulun, ioginio i Jisus Kristus rumondon ra guang min, ondo' arati' no magapu kau ra katulayan ri Aki Kapuuno'.

PINAINTALANG 4:11

“Iou Aki Kapuuno' am Tuhan mai. Okou maaya' makaapu ra urumat am ompor am kuasa'. Sabap ra Okou noyo nambaal ra ngaangai' no, am maya' ra kasagaan Muno niayuk ngaangai' no nasauk am naayag.”