ESTER 1:12 - Tanou Moonsoi Timugon

¹² Kaa' paat ra sida-sida no nampasaboi ra susuban ru raja', Andu' raja' Wasti marara' matong. Binaal nano nangkinibit ra raja' siminangit kaga'.

ESTER 1:12 Iomraidhean Croise

KASAUKAN 3:16

Indagu Tuhan i Aki Kapuuno' ra ruandu' no, “Janjain Ku pagon paat okou maapang am niayuk maruol ra okou maganak. Kabalu' pana raginio, okou lakat ayuk poyo makaguang lumampit ra ralaki muno, kaa' kumuku' kou riso.”

ESTER 1:11

Nanusub raja' risilo nagibit ra Andu' raja' Wasti riso am nangkaraun ra pamarintaan. Andu' raja' no mantalur kaga' am makaguang raja' mampakito ra kinantalur nano ra tingganai-tingganai am tambului-tambului nano.

ESTER 1:13

Mokoondo' raja' ra kaindalaman koson makitaak ra ginuang ru ulun mangapintar intor ra pangkuatan ru undang-undang am kaulayan. Ginio ra piniau ru raja' ulun-ulun maminson riso koson mangkuot ra atan ondo' musiti' baalon ralalom ru baal koson raginio.

ESTER 7:7

Siminangit kaga' raja', am bigor am nangiruan ra mija'; narayus raja' minongoi ra liwar, giu' ra taman istana. Nakaliman i Gaman ra ginuang noyo ru raja' koson mangukum riso sabap ra binaal nano. Ginio ra soroi ayuk i Gaman ra giu' no nabaya' ra Andu' raja' Ester koson makimasi' maa' raginio bayagon.

MAZMUR 74:1

Sisindiron ri Asap. Kua tatango' Mu akai koson ragitio, iou Aki Kapuuno'? Sabuoi-buoi no kia Okou sumangit ra ulun Muno?

MAZMUR 79:5

Iou Tuhan, kula' buoi Muno sumangit ramon? Sangit Muno sumolob kia koson ra apui?

KAINGKUALAN 32:19

Pakainggaar i Musa ra nangkiman no am pakakito ra sinungkalalaing ru sapi' intor ra mas no am saliligo' mamagun, am sangit io. Giu' no lonson toojo ru gunung, pinaambang no batu pamatikan ra inibit nano saboi nopopol toojo.

KAINGKUALAN 32:22

Taam i Arun, “Pai' sangit raki'. Nakapandai kou ra mapara' kotog ru ulun ragitilo mambaal ra kalaatan.

AMSAL 19:12

Sangit ru raja' koson ra sangal ru singa', kaa' kinoonsoi nano koson ra bolobou mamasa' ra tatanom.

AMSAL 20:2

Malaa' ra raja' sumangit nogondo' niayuk laa' bulintok singa' mansangal. Ulun mangkinibit ra raja' sumangit iono mamuso ra inan galama'.

DANIL 2:12

Korongog ginio, sangit raja' am nanusub maa' raginio ngaangai' ulun maminson ra raja' giu' ra Babil potoyon.

DANIL 3:13

Pokorongog ra baal raginio sangit raja' am nanusub maa' raginio katalu-talu ngaulun no ibiton muma' riso.

DANIL 3:19

Bulintok raginio Raja' Nibukadnijar siminangit kaga' ri Sadrak, Misak am i Abidnigo saboi malia' bulos nano. Ginio ra nanusub raja' ra ulun-ulun nano mampalasu' ra rapuan intulu' poyo lasu' intor ra kaindalaman.

NAGUM 1:6

Osoi kia tumaan paat ra Tuhan sumangit? Kolondo' osoi pana makalabus intor ra sangit Nano. Paabuson No sangit Nano ondo' bibilak, saboi batu maumok am masauk ra kaau giu' ra saang Nano.

IPISUS 5:22

Andu' kau ngai', gagaya' kano ra ralaki min, koson niayuk ra akau mangurumat ra Tuhan.

IPISUS 5:24

Koson ilo gumagaya' ri Kristus, mogondo' niayuk sangulun andu' musiti' gumagaya' ra ralaki nano ralalom ru ngaangai' baal.

SAGULION 29:20

Kalo mangampun Tuhan ra ulun koson raginio. Kaa' sangit ru Tuhan ondo' bibilak mangumpo ra ulun no, am ngaangai' karaat ondo' natulisan ralalom ru kitab ti makalumpa' riso saboi mamuso Tuhan lingon riso.

1 PITRUS 3:1

Mogondo' niayuk ramuyun andu' kau ngai', ra gagaya' kano ra ralaki mino. Maa' raginio amon ru mokoondo' lair intor risilo kalo mangintopot ra bala' ri Aki Kapuuno', kaayagan min raginio noyo magibit risilo mangintopot.