ESTER 1:11 - Tanou Moonsoi Timugon

¹¹ Nanusub raja' risilo nagibit ra Andu' raja' Wasti riso am nangkaraun ra pamarintaan. Andu' raja' no mantalur kaga' am makaguang raja' mampakito ra kinantalur nano ra tingganai-tingganai am tambului-tambului nano.

ESTER 1:11 Iomraidhean Croise

2 SAMUIL 14:25

Inompor i Absalom koson ra ulun ondo' maindon kaga' ra titikop ru Israil. Kolondo' sangulun pana ondo' maindon poyo intor riso. Intor ra pampalar ru kalayam saboi ra pompor ru abuk nano, kolondo' pipilat nano.

ESTER 1:12

Kaa' paat ra sida-sida no nampasaboi ra susuban ru raja', Andu' raja' Wasti marara' matong. Binaal nano nangkinibit ra raja' siminangit kaga'.

ESTER 2:17

Napabansuk i Ester ra guang am napakaansuk ra raja' nasailan intor ra ngaangai' ralaa ra bokon. Ginio ra io noyo ondo' kalaayan toojo ru raja'. Pinakaraun ru raja' karaun ru pamarintaan ra ulu ri Ester am nampasauk riso ra andu' raja' koson namalit ri Wasti.

AMSAL 16:9

Ulun mambaal ra inatangan, kaa' i Aki Kapuuno' mangaru' ra ralan kaayagan ru ulun.

AMSAL 31:30

Kinantalur ti mamparuung ra mato, am kalo mantilayun; kaa' sangulun ruandu' mangurumat ra Tuhan musiti' io omporon.