ESTER 1:1 - Tanou Moonsoi Timugon

^1-2 Giu' ra Susan, pusor bandar ru Pirsia, Raja' Agaswiros namarinta ra 127 wilayah, intor ra India polos ra Itiopia.

ESTER 1:1 Iomraidhean Croise

IJRA 4:6

Paat ra talimpuun ru pamarintaan ru Raja' Agaswiros, pantula' ru mamagun ru Jiuda am Jirusalim nanulis ra surat panguwan.

ESTER 10:1

Raja' Agaswiros nambaal ra kandoi-kandoi pajajalon ra mamagun giu' ra libung-libung ru nagas am niayuk giu' ra libung-libung ra asak giu' ra ralalom ru pamarintaan nano.

ESTER 2:3

Musiti' kou mampalantik ra pagawai giu' ra ngaangai' wilayah ru pamarintaan, am susubo' ilo magibit ra ngaangai' ralaa mangantalur ra istana ruandu' giu' ra Susan, pusor bandar ti. Pataako' ilo ra alungin ri Igai, sida-sida ondo' nasauk ra tingganai ru sasambaloi ru istana ruandu'. Io magalung risilo am mangani' ra pamabasan ru kinapasau risilo.

ESTER 8:9

Baal raginio nasauk paat ra orou karuo ngoopor am talu ra sila' katalu, iono sila' Siwan. Piniau ri Mordikai ngaangai' mamamatik ru raja' am nanusub risilo manulis ra surat ra ulun ru Jaudi, gabenor-gabenor, pagawai ru pamarintaan am tingganai giu' ra titikop ru 127 wilayah ru pamarintaan no, intor ra India saboi ra Itiopia. Surat-surat no tinulisan posoboyon ra moonong wilayah ralalom ragu am tulisan ru sigagama'. Io niayuk nangator ra surat ra ulun ru Jaudi ralalom ragu am tulisan ru Jaudi.

ESTER 9:30

Surat no inataran ra ngaangai' ulun ru Jaudi, am ralin nano inataran ra 127 wilayah giu' ra pamarintaan ru Pirsia. Surat no binaya' ra pakiasian maa' raginio bansa' ru Jaudi masalok ralalom ru kaansayan am mamimio.

JISAYA 18:1

Intor ra sampagunan, giu' ra sandaup ru sungoi-sungoi ru Itiopia morongog binangung ru maningot.

JISAYA 37:9

Bulintok raginio raja' ru Asyur nokorongog ra tanou saujor ru Misir ondo' tiningganai ru Raja' Tirgaka, raja' ru Itiopia, minatong koson mangayou risilo. Bulintok nokorongog ra tanou raginio, raja' ru Asyur nangator rondo' surat ra Raja' Gijkia,

DANIL 11:2

Ngaangai' ondo' raguon kuti motopot.” Kon ru malaikat no, “Talu ngaulun raja' poyo mamarinta ra Pirsia, sumunu' raja' kaapat ondo' langkaya' poyo intor ra ngaangai' no. Paat ra rasawat ru kuasa' am kalangkayaan nano, manggal io ra pamarintaan ru Junani.

DANIL 6:1

Kopongo Raja' Bilsyajar pinatoi, Raja' Darius ulun ru Midia, ondo' bulintok raginio umur no onom ngoopor am ruo ngambilor, nampagaau ra kurisi' pamarintaan ru Babilonia.

DANIL 9:1

Raja' Darius ulun ru Midia, anak ungkuyon ru Raja' Agaswiros, nasauk ra raja' ru pamarintaan Babilonia.