AYUP 8:3 - Tanou Moonsoi Timugon

³ Kalo igondo' i Aki Kapuuno' nampajajou ra katimpakan; kalo igondo' Io kaputat mambaal ra baal ondo' moonsoi.

AYUP 8:3 Iomraidhean Croise

KASAUKAN 18:25

Pai' potoyo' ulun kolondo' sala mabaya' ra ulun makasala. Tuhan, pai' noyo! Sabap amon ru baalon Mu ginio, ulun kolondo' sala pana makaaya' kaukum. Maaru' akim ru titikop ra tana' ti tumimbalos ra matanda'.”

2 TUNUNG RU BANSA' ISRAIL 19:7

Kalaa' kano ra Tuhan, am ilalain ra mampaguang, sabap ra Tuhan, i Aki Kapuuno' takau masisang ra ulun ondo' sumiang, kapoam ondo' kalo matimpok, kapoam ondo' mangapu ra pangngambi'.”

AYUP 10:3

Matimpok kia ra Okou mangimbolo' ti, magasab ra inangun Mutu galama', am mangiou ra inatangan ru ulun malaat?

AYUP 19:6

Katutuni' min ra i Aki Kapuuno' ondo' nononsol raki'. Pinaatang No pamalandak koson mamparakop raki'.

AYUP 19:7

Golok aku, ‘Mapuka'!’ kaa' kolondo' noyo mangkirongog; gumolok aku makiindangan, kaa' kolondo' katimpakan.

AYUP 21:15

Mangkara' ilo ra kolondo' onong mangandoi ayuk ri Aki Kapuuno' am kolondo' onong makiasi' Riso.

AYUP 21:20

Polosoon noyo ulun ondo' makasala mansaan ra ukuman nilo; polosoon noyo ilo makaliman ra sangit ru Io Ondo' Maayo Kaga' Kuasa'.

AYUP 34:5

Indagu i Ayup, ‘Kolondo' sala kuno, kaa' kalo nangani' i Aki Kapuuno' raki' ra katimpakan.

AYUP 35:13

Kolondo' onong ilo gumolok ra makai' ikang; i Aki Kapuuno' Ondo' Maayo Kaga' Kuasa' kalo magilong kapoam mangkirongog risilo.

AYUP 36:23

Kolondo' osoi pana makapambala' ri Aki Kapuuno' ra atan ondo' musiti' baalon, kapoam manguu' Riso mambaal ra kalaatan.

AYUP 36:3

Napandayan kuno malandom; pakayon ku ginio koson manulu' ra Namangun raki' matimpok.

AYUP 37:23

Totopot maayo kuasa' ri Aki Kapuuno' saboi itakau kalo makainggaar Riso; Io mabanis guang am matimpok ra ulun.

AYUP 4:17

‘Maaru' lair ulun kalo majamaran ra saang ri Aki Kapuuno'? Maaru' lair ulun matulai ra saang ru Namangun risilo?

AYUP 40:8

Kuminam kou kia mapainono' ra Aku kalo matimpok, am mononsol Raki' ra mangiou rirun?

AYUP 9:2

“Iou, nokorongog aku noyo ra ngaangai' no ragili. Kaa' ati kulaan kia ra ulun mamanang ralalom ru baal nano ri Aki Kapuuno'?

MAZMUR 89:14

Mapara' piboo gayo ru kuasa' Muno, am mapara' piboo gayo ru kinaikang Muno!

MAZMUR 99:4

Okou Raja' ondo' maikang, tinogom Mu ukum; pinabigor Mu katimpakan giu' ra Israil, pinaugar Mu ukum am katimpakan.

YEHEZKIEL 18:25

“Kaa' kamin, ‘Binaal ru Tuhan kalo matimpok.’ Rongog kano, akau ulun ru Israil. Indoson min ra kalo matimpok Aku? Akau no ondo' kalo matimpok.

YEHEZKIEL 33:17

Kaa' bansa' muno mindagu ra binaal Kuno kalo matimpok! Binaal nilono ondo' kalo matimpok!

YEHEZKIEL 33:20

Kabalu' pana raginio Israil lakat poyo mindagu ra binaal Kuno kalo matimpok. Ginio ra akimin Ku ilo sumugut ra binaal nilo.”

DANIL 9:14

Nakatampos Kono mangukum ramon, iou Tuhan, i Aki Kapuuno' mai, am nakapangukum Kono ramon. Atan ondo' baalon Muno totopot matimpok sabap ra kalo rumongog akai Rirun.

ROMA 2:5

Kaa' akau mailo raguin am mokotog ulu! Intor raginio mampagaai kau po ra bagat ru ukum min ra Orou Pupus no, ioginio paat i Aki Kapuuno' mampaintalang ra sangit am ukum ondo' mabanis.

SAGULION 32:4

“Tuhan manaung ramuyun ondo' mapanggol, Io matanda' am matimpok ralalom ru ngaangai' baal; i Aki Kapuuno' min mampagagaya', kolondo' abau Riso, nambaal Io ra ondo' moonsoi am ondo' motopot.

PINAINTALANG 15:3

Narimbai ilo ra rimbai ru nabi Musa, ulipon ri Aki Kapuuno' no, ondo' mongompor ra Anak Domba no, “Tuhan, i Aki Kapuuno' Maayo Kaga' Kuasa', mumpara' boo gayo am bonsoi ru binaal Muno! Raja' ru ngaangai' bansa', mumpara' boo banis am topot ru binaal Muno!

PINAINTALANG 16:7

Korongog ku boo bolos intor ra panalaban ra kaminyan no mindagu, “O Tuhan, i Aki Kapuuno' Maayo Kaga' Kuasa'. Motopot am matimpok ukum pinataak Muno risilo!”