AYUP 7:7 - Tanou Moonsoi Timugon

⁷ Karaa' noyo, iou Aki Kapuuno', kaayagan kuno koson ra kaabusan ru paminawo; kaansukan kuno pupusin ra kolondo' babaya'.

AYUP 7:7 Iomraidhean Croise

KASAUKAN 42:36

Indagu ama' nilono, “Masaga' kau kia ra maluusan aku ra ngaangai' anak kuno? I Jusup kalio noyo. I Simion pana kalio; am raino masaga' kau poyo magibit ri Binjamin ti. Aku ayuk ondo' maimbolo'!”

NIGIMIA 1:8

Iou Tuhan, karaa' noyo ragu Muno ri Musa ragili, ‘Amon ru akau, ulun ru Israil, kalo gumagaya' Raki', pantutuliaron Takamin ra bansa'-bansa' ra bokon.

AYUP 10:20

Sala' ka kia kaayagan kuno maar mapupusan? Pai' boo panguliso raki'! Polosoo' aku sumia' ra paat kuno ondo' soroi ti.

AYUP 10:9

Karaa' noyo, Okou namangun raki' intor ra tana' lia'; masaga' Kou kia mangumok raki' saboi masauk saguli' ra kaau?

AYUP 7:16

Nasuraan aku maayag; moogot aku matoi. Polosoo' aku no sabap ra kaayagan kuti kolondo' boo onong.

AYUP 9:25

Orou-orou kuno mansail ra maribok kaga', kaa' kolondo' ra songorou pana ondo' mapatasu' ra guang.

MAZMUR 39:6

Mapara' piboo kinariwa' ru umur kuno inaru' Mu! Ra Okou, buoi ru bayag kuno kolondo' onong-onong. Sotopot no kaayagan ru moonong ulun koson ra kaabusan maminawo,

MAZMUR 4:6

Patutuyo' noyo taak ondo' motopot am pangintopot no ra Tuhan.

MAZMUR 74:18

Kaa' karaa' noyo, iou Tuhan, ati kulaan pantula' Muno magasab Rirun; kalo makaulig ilo Rirun am magasab ilo Rirun.

MAZMUR 74:22

Ingkakat noyo, iou Aki Kapuuno', am misungka' Kou galama' sabap ra monsongorou Okou asabin ru ulun ondo' kalo makaulig Rirun.

MAZMUR 78:39

Makara' No ra ilo no ulun mapandai matoi, koson ra angin sumiob am lumiot.

MAZMUR 89:47

Iou Tuhan, saboi sanggilan ra Okou mansibuni? Saboi sanggilan kia sangit Muno ra lumuab-luab koson ra apui?

MAZMUR 89:50

Iou Tuhan, ati boo nua' togom pinatalang Muno ra galing i? Ati boo nua' bantu' Muno ri Daut?

JIRIMIA 15:15

Indagu aku boo raiti, “Iou Tuhan, makarati' Kou ra ngaangai' no. Karaa' aku am indangano' aku. Balasi' ilo ondo' nangimbolo' raki'. Pai' noyo pokoorot risilo saboi makasugut ilo mamatoi raki'. Karaa' noyo ra aku inasaban sabap Okou.

JAKUBUS 4:14

Inatang min ginio, kabalu' pana kalo mapandayan min atan ondo' masauk ralalom ru kaayagan min susuab pana! Koson kau ayuk ra lisun ondo' makito ayuk ra sangkinolor, am kalio boo.