AYUP 7:16 - Tanou Moonsoi Timugon

¹⁶ Nasuraan aku maayag; moogot aku matoi. Polosoo' aku no sabap ra kaayagan kuti kolondo' boo onong.

AYUP 7:16 Iomraidhean Croise

KASAUKAN 27:46

Indagu i Ribika ri Isak, “Nasuraan aku magilong ra karuo ngaulun andu' ri Isau ra bansa' ru bokon no. Amon ru manangandu' niayuk i Jakub ra ruandu' ru bansa' ru Git no, moonsoi poyo matoi aku ayuk.”

1 RAJA'-RAJA' 19:4

am nonsongorou minugar minongoi ra tana' kaagisan. Kopongo raginio uog io am panturung ra saau ru sampuun tataun; moogot io matoi. Pakiasi' io, “Kaimbalaan ti maagat kaga' raki', iou Tuhan. Alapo' noyo painawo kutu, moonsoi poyo ra aku matoi!”

AYUP 10:1

Nasuraan aku no ra kaayagan kutu. Luaan ku mapait ra salibuor kutu.

AYUP 10:20

Sala' ka kia kaayagan kuno maar mapupusan? Pai' boo panguliso raki'! Polosoo' aku sumia' ra paat kuno ondo' soroi ti.

AYUP 14:6

Polosoon ilo tumangus am pai' panguliso risilo, maa' raginio makasia' ilo ra kaayagan saboi makai' kandoi nilo.

AYUP 6:9

Amon mangiou i Aki Kapuuno' mangumok raki', amon mimbuor Io am mamatoi raki',

AYUP 7:15

saboi maansayan aku poyo sikakon am matoi intor ra maayag ralalom ru inan nakai' ra imbolo' ti.

AYUP 7:7

Karaa' noyo, iou Aki Kapuuno', kaayagan kuno koson ra kaabusan ru paminawo; kaansukan kuno pupusin ra kolondo' babaya'.

AYUP 9:21

Kolondo' sala kuno, kaa' raino kalo lioon ku. Nasuraan aku no naayag. Kolondo' boo ondo' maatang. Inda ru itakau motopot kapoam sala, mamuso i Aki Kapuuno' ritakau.

MAZMUR 144:4

Ulun koson ayuk ra labus ru paminawaan, am kaayagan nano mansail koson ra babara'.

MAZMUR 39:10

Mongkoror aku am kalo gaalon ku kabang, sabap ra gini noyo binaal Muni.

MAZMUR 39:13

Rongogo' noyo pakiasian kutu, iou Tuhan, am apuo' noyo pakimasian kuno, pai' noyo pongkoror paat ra aku mantangi'. Masauk aku ra tambului Muno kaa' sangkinolor ayuk, koson ra kinamatuaan kuli.

MAZMUR 39:6

Mapara' piboo kinariwa' ru umur kuno inaru' Mu! Ra Okou, buoi ru bayag kuno kolondo' onong-onong. Sotopot no kaayagan ru moonong ulun koson ra kaabusan maminawo,

MAZMUR 62:9

Akau bansa' kuno, pangintopot kano ri Aki Kapuuno' ra moonong bulintok. Pabalaa' min noyo Riso ngaangai' kapaganan mino, sabap ra Io noyo intok takau sumindung.

MAZMUR 78:33

Ginio ra binutus ri Aki Kapuuno' painawo nilono, am binukat No paminawaan nilono.

MAZMUR 78:39

Makara' No ra ilo no ulun mapandai matoi, koson ra angin sumiob am lumiot.

MAMPATANOU 2:17

Ginio ra, kolondo' arati' ru kaayagan ti raki', sabap ra nakaili' aku noyo ra ngaangai', nangani' ayuk raki' ra kapaganan. Ngaangai' no kolondo' onong; nangilou aku ayuk ra angin.

JIRIMIA 8:3

Ulun intor ra bansa' malaat ti ondo' lakat poyo maayag, ondo' pinantutuliar Ku noyo ra nansalinut intok, masaga' poyo matoi intor ra maayag. Aku, Tuhan Ondo' Maayo Kaga' Kuasa' nakaindagu noyo.”

JUNUS 4:3

Raino, iou Tuhan, polosoo' noyo aku matoi ayuk, sabap ra moonsoi poyo matoi aku ka maayag.”

JUNUS 4:8

Pakasirang mato ru orou, namparatong i Aki Kapuuno' ra angin malasu' ondo' siminiob intor ra sirangon. Maar malausan i Junus sabap orou ondo' mapangit toojo koson ayuk monolob ra ulu nano. Ginio ra malawo boo guang nano am gumogot matoi, kono, “Moonsoi poyo matoi aku ka maayag!”