AYUP 5:5 - Tanou Moonsoi Timugon

⁵ Ulun ondo' maitilan mangakan ra ampos tinanom ru ulun sasambungon am poyo gandum ondo' giu' ra tatanga' ru bulungkut; am ulun ondo' paason ra rapu' mompogogot ra kalangkayaan ru ulun sasambungon.

AYUP 5:5 Iomraidhean Croise

SULABOI 2:16

Ngaangai' ru pantula' muno mangiis rirun am magilong rirun ra masisang. Manjabiu bibil nilo liliwa' magasab, “Pinuso mai noyo okou! Gitio noyo orou ondo' inaanin mai!”

GOSIA 8:7

Paat ra ulun Kuno mampatias ra angin, mangkumos ilo ra bagiu'. Umo ru gandum ondo' kalo sumilou kolondo' ampos ru akanon. Kaa' amon ru umo no sumilou niayuk, ulun bansa' ra bokon mangai' ra gandum nano.

JIRIMIA 51:44

Ukumin Ku i Bel, dewa ru pagun Babilonia, am mambaal riso mampataak ra kuliamos tinakou nano. Bansa'-bansa' kalo boo sumamba riso. Timbok ru bandar Babil nalunsai noyo.

JIRIMIA 51:34

Raja' ru Babilonia nongolot-ngolot noyo ra Jirusalim am inakan-akan no. Sinaliir no bandar no koson ra ulun nanaliir ra rarapu'. Koson ra tambuakal, tinolon no bandar no. Inalap no atan ayuk kasagaan nano, am ondo' bokon no patirin no.

JISAYA 62:8

Tuhan nambantu' am nampator, am suguton ginio maya' ra kuasa' Nano. “Gandum mino kalo boo akanon ru pantula' mino, am wain binaal min intor ra kapaganan mino, kalo boo inumon ru ulun bansa' suai.

AYUP 20:15

Luaan nilo kalangkayaan ondo' tinakou nilo; iningkual ri Aki Kapuuno' ginilo am intor pinai ra ralalom ru tinai' nilo.

AYUP 12:6

Ulun mantakou am ulun malaat maayag ra kolondo' mompololob, kabalu' pana kaikangan nilo galama' nasauk ra dewa nilo.

AYUP 2:3

Indagu Tuhan, “Inurio mu kia i Ayup, ulun ondo' nangandoi ayuk Raki'? Giti ra titikop ru tana' ti kolondo' ulun ondo' totopot gumagaya' am moonsoi koson riso. Sumambayang io Raki' am ilalain no toojo maa' raginio kalo mambaal ra malaat. Nanusuk kou Raki' maa' raginio mangiou rirun mampajamar riso ra kolondo' sasaban, kaa' lakat poyo gumagaya' i Ayup Raki'.”

AYUP 1:17

Kalo poyo nakai' io mindagu, ratong poyo ulipon ra bokon am indagu, “Talu ngampulalai ulun ru Kasdim namulunsar ramon. Ginaau nilo unta-unta, am namatoi ra ngaangai' ulipon muno. Aku ayuk sangulun nakapagiru' koson mambala' rirun.”

AYUP 1:15

Pulusat ru ulun ru Syiba minatong pamulunsar ramon am nampagaau ra ngaangai' bibiag am namatoi ra ngaangai' ulipon muno. Aku ayuk sangulun ondo' nakapagiru' koson mambala' rirun.”

2 TUNUNG RU BANSA' ISRAIL 33:11

Ginio ra nompoloso Tuhan ra panglima-panglima ru saujor ru pagun ru Asyur namulunsar ra Jiuda. Rinakop nilo Raja' Manasi ra kaitan, binangkil io, am inibit io ra Babil.

TINGGANAI RU BANSA' 6:11

Kopongo raginio paat ra rondo' orou minatong malaikat ru Tuhan ra pekan Opra am nanturung ra saau ru puun oak longgom ri Joas, sangulun intor ra bansa' ru Abiijir. Anak ungkuyon ri Joas ondo' makainggalan ri Gidion tatanga' mangagik ra gandum giu' ra intok pamagaan ra anggur. Nambaal io ra kandoi no ra sininok maa' raginio kalo makito io ru ulun ru Midian.

SAGULION 28:51

Mangalap ilo ra bibiag tinambiag am ampos ru tatanom min, kaa' matoi kau ra maitilan. Kalo manatang ilo ramuyun ra gandum, wain, umau jaitun, sapi' kapoam domba am matoi kau.

SAGULION 28:33

Talingaawon ru bansa' ru bokon ngaangai' ampos ru tatanom ondo' piniratan min toojo. Akau galama' kalo mangapu ra rondo' pana, kaa' pangimbalaan ondo' mararayus am baal kalaatan.

SULABOI 2:5

Koson ra pantula', namuso noyo Tuhan ra Israil; namuso Io ra ngaangai' kubu am istana nano. Namparuang Io ra kangilukan ru mamagun ru Jiuda.

AYUP 20:22

Paat ra pangayaan ru kasugutan nilo, kangilukan am kaimbalaan matong lumumpa' risilo.

AYUP 22:10

Ginio ra raino mokoondo' pamalandak ra liput muno, am pulali' ru malaa' malimanan muno.

MAZMUR 109:11

Polosoon noyo mansisika' ra utang no mangalap ra rapu' nano, am ampos ru kandoi nano gaawon ru ulun bokon.