AYUP 3:5 - Tanou Moonsoi Timugon

⁵ Sauko' noyo orou raginio malaut, am matikop ru kalandaman; taubi' orou raginio ra gaun, am silii' sinda mato ru orou.

AYUP 3:5 Iomraidhean Croise

AYUP 16:16

Mantangi' aku saboi malia' bulos kuno, am minangkut mato kuno am maitom.

AYUP 24:17

Ra tayar nilo, tampilon ra susuab ti makalalaa', kaa' kalandaman ondo' makalalaa', mampaansuk.”

AYUP 28:3

Molondom kaga' subolon, intok ondo' malandom kaga' imumuyin. Giu' no, giu' ra ralalom ru kalandaman, maguyum ulun ra masuang batu.

AYUP 3:4

Iou Aki Kapuuno', sauko' noyo orou raginio molondom, luluo' orou raginio intor ra pangkaraan Muno; pai' Mu noyo polosoo' sinda mapaang makatampulau.

AYUP 3:6

Polosoon noyo rondom raginio pusoon intor ra panguntaban ra bilor am sila'.

AYUP 34:22

Kolondo' kalandaman ondo' totopot molondom koson mambuni ra ulun makatula.

AYUP 38:17

Igondo' kia osoi pana manulu' ra kulobon garabang kapatayan ramuyun, kulobon ondo' nanili ra intok kapatayan ondo' molondom kaga' no?

MAZMUR 107:10

Mokoondo' ulun nakasubol ra kalandaman, ulun inaput nabangkil am naimbolo',

MAZMUR 107:14

Ibiton No ilo mingkual intor ra kalandaman, am bukaton No rantai ondo' namangkil risilo.

MAZMUR 23:4

Kabalu' pana mansail aku ra intok ondo' mapiot kinolondom, kalo malaa' aku, iou Tuhan, sabap ra Okou mabaya' raki'. Manindung Kou raki' ra jujuga' am niayuk lalapos Muno.

MAZMUR 44:19

Kalo igondo' akai gabu' Rirun; kalo igondo' mai anggalo' panusuban Muli.

JISAYA 9:2

Iou Tuhan, inanian Mu ilo ra kaansukan maayo, binansuk Mu ilo. Maansukan ilo sabap ra binaal Muno, koson ra ulun maansukan bulintok mangkumos ra tatanom, kapoam mantatayar ra kuliamos ginaau.

JIRIMIA 13:16

Urumato' noyo Tuhan, i Aki Kapuuno' muno ra Io kalo poyo mamparatong ra kalandaman, am kalayam muno makasaru ra kagunungan; ra kalo poyo sinda ondo' lansanin min kulawon masauk ra molondom kaga'.

JIRIMIA 2:6

Kalo mampalio ilo Raki', kabalu' pana binayag Ku ilo intor ra Misir am naningganai risilo nansail ra tana' kaagisan: tana' kolondo' tutuu' am bulur ru agis, tana' mapua' am makalalaa', tana' kolondo' ulun namagun am kolondo' ulun mansail.

JIRIMIA 4:28

Tana' ti mangulir; limbowon pana lumondom. Nakaindagu noyo Tuhan kalo kulawon inatangan. Namatas Io noyo am kalo kulawon guang.

YEHEZKIEL 30:3

Orou no mamaar noyo, paat Tuhan mimbuor. Orou raginio molondom am mapagon ra tayar ru bansa'-bansa'.

YEHEZKIEL 34:12

koson ra sangulun magagalung maguyum am manimung ra domba-domba nano ondo' nantutuliar. Timungon Ku ilo intor ra intok ilo pinatutuliar paat ra rondom ondo' molondom am karaat no.

JOIL 2:2

Orou raginio molondom am majuut, orou maitom am makagaun. Saujor ru gapu' no matong koson ra kalandaman ondo' liminibung ra kagunungan. Kalo poyo igondo' nasauk baal koson ragitio, am baal ragitio kalo boo masauk saguli'.

AMOS 5:8

Nambaal Tuhan ra butitin-butitin giu' ra limbowon – butitin Orion am butitin Kartika. Kinulau No kalandaman nasauk ra sinda, am nangulau ra matawang nasauk ra molondom. Piniau No timug intor ra raat am timug no pinasasar ra lantur. Tuhan noyo inggalan Nano.

AMOS 8:10

Pangiantakan mino saukon Ku ra panguliran, am rimbai maantak min saukon Ku ra manulaboi. Mangkinibit Aku ramuyun mompolompor ra abuk, am mambayang ra konoon karung koson tatandu' mangiluk guang. Masauk kau koson ra ina' ama' ondo' manulaboi ra pinatayan ru anak ungkuyon langkuir. Orou raginio pupusin ra kangilukan ondo' makapari' ra guang.

MATIUS 4:16

Ulun ondo' soroi ralalom kalandaman makakito ra sinda matawang. Ra ondo' mayan ra intok kapatayan silawon ilo ra binusasal.”

LUKAS 1:79

mangani' Io ra sinda ra ulun ondo' mayan ra kalandaman am malaa' ra kapatayan, am maningganai ritakau ra ralan sumuku' ra kaansayan.”

SAGULION 4:11

“Balai' anak-anak mino ati kulaan akau minatong am minigor giu' ra pipilon ru gunung ondo' natauban ru gaun makapal intor ra lisun maitom, am ru apui ondo' mapaang saboi ra limbowon.

IBRANI 12:18

Akau sala' ka koson ra ulun ru Israil ra galing i. Ilo nakainggaar ra gunung Sinai ondo' makambong ru ulun, makaapui nanimbula', makakalandaman am poyo bagiu' mapuor ondo' nalimanan nilo.