AYUP 2:8 - Tanou Moonsoi Timugon

⁸ Minongoi i Ayup panturung giu' ra sapapa' ru tinuntur ra ginsamol liliwa' nangaur ra talipos nano ra rondo' poto ru rarapu'.

AYUP 2:8 Iomraidhean Croise

2 SAMUIL 13:19

Patauko' ri Tamar kaau ra rasawat ru ulu nano, namparilak ra bayang nano, am ugar liliwa' nanili ra bulos nano ra karuruo kalindu' am niayuk pantangi' ra mangiluk.

ESTER 4:1

Pokorongog i Mordikai ra ngaangai' ondo' nasauk noyo, rinilak no bayang nano koson ra tatandu' mangiluk. Nambayang io ra konoon karung, tinaukan ulu nano ra kaau, am minugar-ugar giu' ra bandar liliwa' nantangi' ra matangil am malumpus.

ESTER 4:3

Giu' ra moonong wilayah, ra ati ayuk ragu ru raja' no binasa', ulun ru Jaudi manulaboi am malumpus. Nampali ilo, nantangi' am nampalaa; am masuang ra gino ngai' ilo ondo' nambayang ra karung am liminangan ra rasawat ru kaau.

AYUP 2:9

Kon ru andu' nano riso, “Kua lakat kou po gumagaya' ri Aki Kapuuno'? Pagulas no ri Aki Kapuuno', am patoi no!”

AYUP 42:6

Ginio ra mauyu' aku sabap ra ngaangai' ragu kuno, am ra guang pansagulian manturung aku ra ralalom ru tana' am kaau.”

MAZMUR 38:5

Nolosor aku ra liur ru tula kuno; tula kuno maagat kaga' raki'.

MAZMUR 38:7

Nakakuung am nakatungaap aku; monsongorou aku mangiluk guang.

JISAYA 61:3

koson mapabansuk ra ulun ondo' mangulir giu' ra Sion, maansayan am niayuk maansukan, sala' ka pangilukan, rimbai pangamparan, sala' ka pangilukan. Masauk ilo koson ra puun ondo' tinanom galama' ru Tuhan. Mambaal ilo ra atan ondo' motopot, am i Aki Kapuuno' omporon sabap binaal Nano.

JIRIMIA 6:26

Indagu Tuhan ra ulun Nano, “Pambayang no ra konoon karung am pagiluir no ra kaau. Pangulir no am panulaboi no ra malumpus koson ra ulun manulaboi ra pinatayan ru anak ungkuyon ondo' langkuir, sabap ra io mampaluus no mamulunsar ramuyun ra mamulali'.”

YEHEZKIEL 27:30

Manulaboi ilo rirun ra malumpus, pinatauk nilo kaau ra ulu am liminuir ra ralalom ru kaau sabap ra mangiluk guang.

JUNUS 3:6

Pokorongog raja' Niniwi ra tanou no, tuun io intor ra panturungan nano. Inalus no sukub nano am bayango' no konoon karung, am turung io ra rasawat ru kaau.

MATIUS 11:21

“Aibui boo ra ulun ru Korajin! Aibui boo ra ulun ru Bitsaida! Amon ru kaimuagan ondo' binaal ra tatanga' min nabaal noyo giu' ra Tirus am Sidon, lair noyo ulun ru giu' no mangulir am manauk ra ulu nilai ra kaau, koson tatandu' ra ilo ti timinalikur noyo intor ra tula nilono!