AYUP 2:2 - Tanou Moonsoi Timugon

² Pangkuot Tuhan ri Manusuk, “Ati intor muno?” Taam i Manusuk, “Timinanggau aku ra ati-ati am minongoi ra titikop ru tana' ti.”

AYUP 2:2 Iomraidhean Croise

KASAUKAN 16:8

Indagu malaikat no, “Agar, ulipon ri Sarai, ati intor muno am ati angayan muno?” Taam i Agar, “Nagiru' aku intor ri Sarai, nangulipon raki' no.”

AYUP 1:7

Pangkuot Tuhan ri Manusuk, “Ati intor muno?” Taam i Manusuk, “Aku ti timinanggau ra ati-ati am minongoi ra titikop ru tana' ti.”

AYUP 2:1

Ilo ondo' giu' ra suruga' minatong poyo ra saang ru Tuhan, am i Manusuk pana siminaang nababaya' risilo.

AYUP 2:3

Indagu Tuhan, “Inurio mu kia i Ayup, ulun ondo' nangandoi ayuk Raki'? Giti ra titikop ru tana' ti kolondo' ulun ondo' totopot gumagaya' am moonsoi koson riso. Sumambayang io Raki' am ilalain no toojo maa' raginio kalo mambaal ra malaat. Nanusuk kou Raki' maa' raginio mangiou rirun mampajamar riso ra kolondo' sasaban, kaa' lakat poyo gumagaya' i Ayup Raki'.”

JUANIS 14:30

Kalo boo masuang raguon Kutu ramuyun, sabap ra nasuku' noyo paat ra io ondo' manguasa' ra tana' ti matong. Kaa' kalo makapanguasa' io Raki'.

2 KORINTUS 4:4

Guang ru ulun ondo' kalo mangintopot ti kinolondom ru tingganai malaat ondo' mamarinta ra tana' ti. Io noyo ondo' manginga' risilo makakito ra sinda intor ra Tanou Moonsoi, ioginio katulayan ri Kristus ondo' mogondo' ri Aki Kapuuno'.

1 PITRUS 5:8

Tampos kano am pagilalai' min! Sabap ra Tingganai ru riwato, pantula' mino, mijajawot am mansangal' koson ra singa' maguyum ra osoi ayuk mapatoi nano.