AYUP 10:9 - Tanou Moonsoi Timugon

⁹ Karaa' noyo, Okou namangun raki' intor ra tana' lia'; masaga' Kou kia mangumok raki' saboi masauk saguli' ra kaau?

AYUP 10:9 Iomraidhean Croise

KASAUKAN 2:7

Alap boo Tuhan i Aki Kapuuno' ra sanganu tana' am pambaal Io ra ulun am sampuyo' boo ra painawo ondo' mapakaayag ralalom luang ru arung no; am ulun no maayag boo.

KASAUKAN 3:19

Okou matipatoi mangandoi am rasangon koson mambaal ra tana' ti manangampos saboi sumaguli' kou ra tana' ti sabap intor ra tana' ti okou sinauk. Ginio nai ra okou sinauk intor ra tana' am sumaguli' kou niayuk ra tana'.”

AYUP 10:10

Inanian Mu ama' kuno ra ikang koson mampatalur raki'; pinagayo Mu aku ra ralalom ru binunakan ru ina' kuno.

AYUP 17:14

Inggalanin ku lobong ra ‘ama' kuno’, am lingguang ondo' mangakan ra inan kuno sabiton ku ra ‘ina' kuno’ am ‘pabukat ku ra ruandu'’.

AYUP 33:6

Ra tayar ri Aki Kapuuno', akau am aku kalo nansusuai; intor ra tana' lia' itakau binaal No.

AYUP 34:15

matoi boo ngaangai' ulun ondo' maminawo, am ulun masauk saguli' ra kaau.

AYUP 4:19

Nangkara' kou kia ra mangintopot Io ondo' maminawo intor ra tana', ondo' maminawo intor ra kaau ondo' maumok koson ra sakuliambang?

AYUP 7:21

Kalo kia ampunon Mu tula kuno? Kalo kia ampunon Mu sala kuno? Kalo boo mabuoi paribontoi aku giu' ra lobong, am kalio aku boo paat ra Okou maguyum raki'.

AYUP 7:7

Karaa' noyo, iou Aki Kapuuno', kaayagan kuno koson ra kaabusan ru paminawo; kaansukan kuno pupusin ra kolondo' babaya'.

MAZMUR 103:14

Nakapandai Io ati koson itakau binaal, Makara' No ra itakau ti kaau ayuk.

MAZMUR 104:29

Bulintok ra okou manululit, ilo ondo' maayag ra binangun Muno malaa'; amon sagulion Mu paminawo Muno, ngaangai' no mapuso, am sumaguli' ra tana', masauk saguli' ra kaau.

MAZMUR 106:4

Karaa' aku no, iou Tuhan, bulintok ra Okou mangindangan ra ulun Muno; bayago' aku niayuk, bulintok ra Okou mamayag risilo.

MAZMUR 22:15

Kolondo' boo lulu' kuno, natatak koson ra timug nasasar. Ngaangai' ru bungul kuno naukuk; guang kuno timinanu' koson ra dian.

MAZMUR 25:18

Guango' noyo nansalinut pagon am imbolo' kuno am ampuno' noyo nansalinut tula kuno.

MAZMUR 78:39

Makara' No ra ilo no ulun mapandai matoi, koson ra angin sumiob am lumiot.

MAZMUR 89:47

Iou Tuhan, saboi sanggilan ra Okou mansibuni? Saboi sanggilan kia sangit Muno ra lumuab-luab koson ra apui?

MAZMUR 90:3

Susubon Mu ulun sumaguli' ra nanaukan risilo, sinauk Mu ilo pasagulio' ra tana'.

MAMPATANOU 12:7

Inan takau masauk saguli' ra kaau ra tana' ti. Painawo ru kaayagan takau sumaguli' ri Aki Kapuuno' ondo' nangani' ritakau.

JISAYA 45:9

Aibui boo ra ulun ondo' minansang ri Namangun nano; ulun no koson ra paliuk ondo' manggal ra ulun nambaal no. Nangkuot kia tana' lia' no ra ulun manukang ra paliuk, “Atan binaal muno?” Makaindagu kia paliuk no ra ulun nambaal riso no kalo matuyu'?

JISAYA 64:7

Kolondo' osoi pana makiasi' Rirun. Kolondo' osoi pana minggaar Rirun koson makiindangan. Nansibuni Kou intor ramon, am mopoloso ramon mapuso sabap ra tula mai.

JISAYA 64:8

Kaa' Okou noyo Ama' mai iou Tuhan. Akai ti koson ra tana' bandulan, am Okou koson ra ulun manukang ra paliuk. Okou noyo namangun ramon.

JIRIMIA 18:6

“Ulun kau ru Israil, kolondo' kia rokoon min kuasa' Kuno mambaal ramuyun koson ra binaal ru ulun manukang ra pagangan no ra tana' bandulan nano? Koson ra tana' bandulan no ralalom ru kalindu' ru ulun manukang ra pagangan, koon raginio niayuk ramuyun ralalom ru kalindu' Kuno.

ROMA 9:21

Mambabaal no makakuasa' mangalap ra tana' lia' no mampasauk ra atan ayuk kasagaan nano galama'. Intor ra tana' lia' ra nogondo', baalon no rarapu' mologo am niayuk rarapu' kalo mologo.

2 KORINTUS 4:7

Akai ti koson ra pagangan tana', ondo' nambulian ra rapu' mokologo intor ra suruga'. Ginio mampakito ri Aki Kapuuno' noyo maayo kaga' kuasa', am sala' ka akai.