AYUP 1:10 - Tanou Moonsoi Timugon

¹⁰ Masalok Kou manindung riso am sasambaloi nano am ngaangai' longgom nano. Suguton Mu ngaangai' kandoi piroton nano, am mangani' Kou riso ra masuang bibiag tinambiag saboi namapak ra titikop ru pagun.

AYUP 1:10 Iomraidhean Croise

KASAUKAN 15:1

Kopongo raginio, nakakito i Abram ra minintalang am nakaining ra ragu ru Tuhan, “Pai' kalaa' Abram, mangampin Aku rirun intor ra makalalaa' am mangani' rirun ra taak maayo.”

KASAUKAN 26:12

Pagitanom i Isak ra sampug ra pagun raginio am bilor raginio niayuk nangkumos io ra maatus kinauli' no intor ra tinanom nano, sabap ra binarakat io ru Tuhan.

KASAUKAN 30:30

Paat ra aku kalo poyo nakaratong i, sanganu ayuk rapu' muno, kaa' raino liminangkaya' kou noyo. Nambarakat Tuhan rirun sabap ra aku. Raino nasaboi noyo paat ra aku mangandoi ra tayar ru sasambaloi kuno galama'.”

KASAUKAN 30:43

Ginio ra liminangkaya' poyo i Jakub ra masuang kaga' bibiag, ulipon, unta am kaladai.

KASAUKAN 39:5

Intor raginio, mimpuun ri Jusup, nambarakat Tuhan ra ngaangai' ulun ra baloi ru ulun ru Misir no, ngaangai' rapu' nano ondo' soroi ra baloi am ondo' soroi ra umo nano.

KASAUKAN 49:25

I Aki Kapuuno' ri ama' mu noyo nangindangan rirun. Io Ondo' Maayo Kaga' Kuasa' ondo' nambarakat rirun ra rasam intor ra limbowon am timug intor ragana' ru tana', barakat ra masuang sapi' am masuang anak.

AYUP 1:3

am niayuk mokoondo' ra suang 7,000 ngainan domba, 3,000 ngainan unta am 1,000 ngainan sapi' am 500 ngainan kaladai. Io niayuk mokoondo' masuang ulipon, am io noyo ulun ondo' langkaya' kaga' ra gino ngai' mamagun giu' ra libung ru Sirangon.

AYUP 29:2

“Amon ru kaayagan kuno makasaguli' koson ragili, paat ri Aki Kapuuno' manindung raki'.

AYUP 29:6

Bibiag tinambiag kuno manangampos ra masuang gatas, am puun ru jaitun tumuu' kabalu' pana giu' ra tana' kabatuan.

AYUP 31:25

kapoam lumimbau ra rapu' kuno.

AYUP 42:12

Nambarakat Tuhan ri Ayup ra masuang poyo kaga' paat ra pupus ru kaayagan nano intor ra paat ra io kalo poyo naimbolo'. Mokoondo' i Ayup ra 14,000 ngainan domba, 6,000 ngainan unta, 2,000 ngainan sapi', am 1,000 ngainan kaladai.

MAZMUR 107:38

Inasian No ulun Nano ra anak masuang, am magalung ra tambiag nilo saboi mansasayat.

MAZMUR 34:7

Ulun makakapaganan ti mampiau am Tuhan tumaam, mapalabus Io risilo intor ra nansalinut kapaganan.

MAZMUR 5:12

Gama' ru ngaangai' ulun ondo' siminindung Rirun no maansukan; am sabubuoi no marimbai ra maansukan. Sindungi' noyo ilo ondo' monogom Rirun, maa' raginio maansukan ilo kaga' sabap ra Okou.

MAZMUR 71:21

Saukon Mu aku ra urumaton toojo; mangansuk Kou poyo raki' saguli'.

MAZMUR 80:12

Pango-pango nano sumanai ra Raat Tanga', umbus-umbus nano makasuku' ra Sungoi Iprat.

MAZMUR 90:17

Iou Tuhan, i Aki Kapuuno' mai, barakato' akai no, am anii' akai ra ampos moonsoi ra atan ayuk kondoyon mai.

AMSAL 10:22

Sabap ra ulun lumangkaya' intor ra barakat ru Tuhan; pirot ru kandoi kalo makaruang ra rapu'.

JISAYA 5:2

Manangkul io ra tana' nano am mamatir ra batu-batu nano; mantanom io ra anggur napili', am nambaal io ra manara pantamungan. Mangkali io ra rondo' luang koson pamagaan ra kawa' ru anggur nano. Io pana mantamung saboi kawa' ru anggur maansak, kaa' moonong kawa' no mataris.

JISAYA 5:5

Gitio noyo baalon kuno ra umo ru anggur kuno: bubulon ku insor ra liput nano, am mamalunsai ra timbok nakasindung riso, am mopoloso ra bibiag masigo mongkotop riso am manginginjang riso.

JAKARIA 2:5

Tuhan nambantu' ra Io galama' masauk ra timbok ru apui ondo' lumibung ra bandar no koson manindung riso, am mayan Io ra giu' ra ngaangai' ru katulayan Nano.”

JAKARIA 2:8

Osoi ayuk ondo' mamulunsar ramuyun, mamulunsar ra katagaman ru guang Kuno.” Ginio ra Tuhan Ondo' Maayo Kaga' Kuasa' nanusub raki' mampasaboi ra tanou ti ra bansa'-bansa' ondo' nantakou ra ulun Nano,

SAGULION 33:11

Iou Tuhan, indangano' noyo bansa' nilo masauk ra maikang, gama' ru maansayan kou ra kandoi nilo. Tutuko' noyo ngaangai' pantula' nilo, polosoo' noyo pantula' nilo kalo lumuat saguli'.”

SAGULION 33:27

I Aki Kapuuno' ondo' mantilayun masauk ra mangampin ramuyun, am kalindu' Nano manungka' ramuyun. Paat ra akau jumalai, napagiru' Io ra pantula' min, am nanusub ramuyun mamuso risilo ngaangai'.

SAGULION 7:13

Motogom am mambarakat Io ramuyun, maa' raginio rumuang kau am makaalap kau ra masuang anak. Mambarakat Io ra umo min maa' raginio kaulian kau ra gandum, wain am umau jaitun. Mambarakat Io ramuyun am manaak ramuyun ra masuang bibiag tinambiag am domba. Manaak Io ramuyun ra ngaangai' barakat ti giu' ra tana' ondo' binantu' Nano ramuyun, sumugut ra bantu' Nano ra kinamatuaan min.

1 PITRUS 1:5

Sabap ra pangintapatan minti noyo akau maalungan ru kuasa' ri Aki Kapuuno'. Ginio boo ra mokoowot kau boo ra pamayagan ondo' pinatampos noyo kalalair i, kaa' ondo' paintalangon ayuk ra Orou Pupus no.

1 SAMUIL 25:16

Nangampin ilo ramon ra matawang am rondom ti buoi akai nagalung ra domba mamaar risilo.