ABAKUK 1:9 - Tanou Moonsoi Timugon

⁹ Saujor ru Babilonia matong am mamulunsar ra tigaluon; moonong ulun malaa' paat ra ilo matong. Ulun rinakop nilo masuang kaga' koson ra agis.

ABAKUK 1:9 Iomraidhean Croise

KASAUKAN 41:49

Gandum tinimung ri Jusup mamu' kaga' saboi linanggaan no manguntob, sabap ra gamu' ru gandum no koson ra gamu' ru agis ru raat.

2 RAJA'-RAJA' 12:17

Paat raginio Raja' Gajail, raja' ru Siria namulunsar ra bandar Gat am kinala no. Kopongo raginio makaguang io mamulunsar ra Jirusalim.

AYUP 29:18

Masalok aku malansan maa' raginio maawar umur kuno, am matoi ra kaansayan giu' ra baloi.

MAZMUR 139:18

Amon ru inuntob, masuang poyo ka agis. Bulintok ra aku sumukal, lakat aku po mabaya' Rirun.

JISAYA 27:8

Mangukum Tuhan ra ulun Nano ioginio patirin ilo ra tana' suai. Manganjung Io risilo ra angin malaat intor ra sirangon.

JIRIMIA 15:8

Pagun min mososok ru ulun napuor, masuang poyo intor ra agis giu' ra nagas. Potoyon Ku ulun mamulok saboi ina' nilo maimbolo'. Pulali' Ku porotongon i mamumuso saboi ra ilo malaa' am magalabo.

JIRIMIA 25:9

‘Mampiau Aku ra ngaangai' bansa' intor ra ralayo, am niayuk ulipon Kuno, Raja' Nibukadnijar intor ra Babilonia. Susubon Ku ilo maa' raginio mamulunsar ra Jiuda am mamagun nano am niayuk mamulunsar ra ngaangai' bansa' ra liliut nano. Pusoon Ku mamagun ru Jiuda mababaya' ra bansa'-bansa' giu' ra liliut nano, am mompoloso risilo matutuk ra sabubuoi no. Osoi ayuk ondo' makakito risilo makatigog am malaa'. Aku, Tuhan, nakaindagu noyo.

JIRIMIA 34:22

Manusub Aku, am ilo pana mamulunsar ra bandar ti saguli'. Gaawon nilo bandar ti am solobon. Saukon Ku bandar-bandar giu' ra Jiuda koson ra tana' kaagisan ondo' kalo ayanin ru ulun. Aku, Tuhan, nakaindagu noyo.”

JIRIMIA 4:11

Masuku' paat no ra mamagun ru Jirusalim binalaan ra angin malasu' intor ra tana' kaagisan tatanga' sumiob mongoi risilo. Angin no sala' ka angin ondo' mapasiab ra apol,

JIRIMIA 4:7

Koson ra singa' mingkual intor ra pansibunian nano, koon raginio noyo ra i mampaluus ra bansa'-bansa' minintor noyo. Matong io koson mamuso ra Jiuda. Bandar-bandar Jiuda masauk ra intok nangapuut, am kalo ayanin ru ulun.

YEHEZKIEL 17:10

Topot ra puun tataun no tinanom noyo, kaa' tumuu' kia puun tataun no am gumayo? kalo kia lumonot boo puun tataun no paat masiob ru angin sirangon? Kalo kia lumonot boo puun tataun no ra intok tinuwan nano?”

YEHEZKIEL 19:12

Kaa' ulun ondo' sumangit namubul riso, pinapatir io ra tana'. Angin sirangon sumiob am makapua' ra kawa' nano. Bulisang nano napandak, nasauk ra mapua' am solobon.

DANIL 11:17

“Raja' ru Siria manusub ra ngaangai' pulalai ru saujor nano koson mamulunsar ra pantula'. Koson manguasa' ra pamarintaan ru pantula' nano, raja' no mambaal ra pangiawan ra pantula' nano am paganduon anak ruandu' nano ra pantula', kaa' inatangan raginio kalo masugut.

GOSIA 1:10

Ulun ru Israil masauk ra masuang koson ra kinasuang ru agis giu' ra raat, kalo maalap kauntob kapoam tukuon. Raino mindagu i Aki Kapuuno' risilo, “Akau sala' ka ulun Kuno, kaa' masaboi paat no ra mindagu Io risilo, “Aku noyo i Aki Kapuuno' ondo' naayag am akau noyo anak-anak Kuno.”

GOSIA 13:15

Kabalu' pana Israil langkaya' koson ra sakot ondo' malabung, atarin Ku angin sirangon ondo' malasu' intor ra tana' kaagisan am mampapua' ra tulubong am taur ru timug nano. Ngaangai' ondo' mokologo alapon intor riso.

ABAKUK 1:17

Mantilayun ilo kia mamakai ra ilang am mararayus mamuso ra bansa'-bansa' ra kolondo' guang makaasi'?

ABAKUK 1:6

Rongog kano! Pasaukon Ku ulun Babilonia makakuasa', bansa' ondo' masangit am makuliga'. Mongoi ilo ra titikop ru tana' koson manguasa' ra pagun ra bokon.

ROMA 9:27

Kon poyo ru nabi Jisaya intor ra ulun ru Israil, “Kabalu' pana suang ru ulun ru Israil no koson ra agis ru raat, kaa' sanganu ayuk bayagon,

TINGGANAI RU BANSA' 7:12

Ulun ru Midian, ulun ru Amalik am bansa'-bansa' ra bokon intor ra tana' kaagisan, soroi ra ati-ati giu' ra titikop ru pipit no koson ra sampanon ru gapu'. Masuang kaga' unta nilo, koson ra agis giu' ra nagas.