ABAKUK 1:4 - Tanou Moonsoi Timugon

⁴ Ginio ra undang-undang malawo am kolondo' onong; katimpakan kalo igondo' paugaro'. Ulun malaat masalok mangala ra ulun mabanis guang giu' ra makama; ginio ra katimpakan pinatimpurok.

ABAKUK 1:4 Iomraidhean Croise

1 RAJA'-RAJA' 21:13

Ratong ruo ngaulun malaat no am turung ra taluma' ri Nabot. Nanguu' ilo ri Nabot ra saang ru ulun masuang ra nagulas io ri Aki Kapuuno' am raja'. Ginio ra inibit i Nabot miningkual ra bandar am binobol saboi minatoi.

AYUP 21:7

Kua ra ulun malaat maawar umur, am masauk ra langkaya'?

MAZMUR 11:3

Kolondo' boo atan-atan mabaal ru ulun moonsoi amon ru adat napuso.”

MAZMUR 119:126

Nasaboi noyo bulintok ra Okou mapaliman, iou Tuhan, sabap ra ulun kalo gumagaya' ra panusuban Muno.

MAZMUR 22:12

Pai' noyo inggalur intor raki'. Kapaganan mamaar noyo, am kolondo' sangulun pana mangindangan.

MAZMUR 22:16

Bambalangan kuno mapua' koson ra kaau, am rila' kuno siminokot ra kaar. Tatangon Mu aku ra rasawat ru kaau, koson ra ulun minatoi.

MAZMUR 59:2

Bayago' aku no intor ra pantula' kuno, iou Aki Kapuuno' kuno; sindungi' aku no intor ra ulun ondo' mongoi pangayou raki'!

MAZMUR 59:4

Ilai' ga magiginaa ilo mampatoi raki'; ulun mangalaat tumimung magawang raki'. Sabap no ra sala' ka aku makatula kapoam nambaal ra kasalaan,

MAZMUR 94:3

Kula' poyo buoi ru ulun mangalaat no maansukan? Kula' poyo buoi ru ulun mangalaat no mambaal koson raginio, iou Tuhan?

KAINGKUALAN 23:2

Pai' pagibaya' ra kasuangan ulun paat ra ilo mambaal ra kalaatan kapoam mapatumbalik ra katimpakan am mangani' ra inono' kalo motopot.

KAINGKUALAN 23:6

“Pai' talingaawo' katimpakan intor ra ulun musikin ondo' matong mapabala' ra makama.

JISAYA 5:20

Aibui boo ramuyun! Pantalikaron min ondo' moonsoi am niayuk ondo' malaat, ondo' molondom am niayuk ondo' matawang, am niayuk ondo' mapait am ondo' matamis.

JISAYA 59:12

Masuang kaga' kalaatan mai Rirun; tula-tula mai manguu' ramon. Topot-topot mai malimanan kalaatan mai, am makapandai ra tula-tula mai.

JIRIMIA 12:1

“Iou Tuhan, amon ru pabalaan ku baal kutu Rirun, maaru' matutunan toojo ra Okou noyo ondo' motopot. Kaa' musiti' aku mangkuot Rirun intor ra katimpakan. Kua kia ra ulun malaat langkaya'? Kua kia ra ulun ondo' kalo mabanis guang makabanang?

JIRIMIA 12:6

Tinumbalik kou boo napumpung pabukat-pabukat muno galama'; babaya' ilo mamulunsar rirun. Pai' no pangintopot risilo, kabalu' pana ragu nilono maamis.”

JIRIMIA 26:8

Mataki' ra kopongo ayuk ra aku nampatanou ra ngaangai' tanou ru Tuhan koson ra nanusuban Nano, rinakop nilo aku liliwa' giminolok, “Musiti' kou potoyon!

JIRIMIA 8:7

Susuit kanawai pana makapandai ra paat ulian nano; susuit maningkuluuk, susuit tuntuayan am susuit murai niayuk makapandai ra paat bandingan ra intok. Kaa' akau, ulun Kuno, kalo makapandai ra ukum ondo' pinataak Kuno ramuyun.

YEHEZKIEL 9:9

Taam i Aki Kapuuno', “Mamagun ru Israil am Jiuda nambaal ra tula ondo' maayo kaga'. Namatoi ilo giu' ra titikop ru pagun, am sinosok Jirusalim ra kalaatan. Minindagu ilo ra Aku, Tuhan, nangiruan noyo ra pagun nilo, am kalo makakito Aku risilo.

GOSIA 10:4

Mindagu ilo ra ragu-ragu kolondo' toojo onong am nambaal ra bantu' magabau am niayuk nangigot ra nabantuan ondo' kolondo' onong. Katimpakan pinatimpurok saboi kolondo' katimpakan no nakasuku' ra titikop pagun koson ra tatanom makaanit giu' ra umo ondo' rinadu' noyo.

AMOS 5:12

Nakapandai Aku mapara' gayo ru tula min am mapara' suang ru kalaatan ondo' binaal min. Nangimbolo' kau ra ulun moonsoi, nangapu ra ruit rasua am nongompong ra ulun musikin intor ra makaalap ra katimpakan giu' ra pangakiman.

AMOS 5:7

Aibui boo ramuyun ondo' manumbalik ra katimpakan am nampagaau ra kuasa' ru ulun!

MARKUS 7:9

Indagu poyo i Jisus, “Mapandai kau mampaalig ra pangilaan ri Aki Kapuuno' ra kaulayan min galama'.

RINALATAN 7:52

Mokoondo' kia sangulun nabi pana ondo' kalo inimbolo' ru kinamatuaan min? Am pinatoi nilo poyo ulun sinusub ri Aki Kapuuno' ondo' ragili nambala' ra ratangan ru Ulipon Nano ra motopot i. Io no ondo' pinataak min ra pantula' Nano am pinatoi min.

RINALATAN 7:59

Paat ilo nomomobol i, pakiasi' i Stipanus, kono, “Tuhan Jisus, apuo' noyo ambiluo kutu!”

ROMA 3:31

Motopot kia sabap ra pangintapatan takau ri Kristus Ukum ri Musa no patirin boo? Maaru' kalo! Sotopot no mangurumat takau ra Ukum ri Musa no.

SAGULION 16:19

Kalo iowon kau jajajou kapoam pagimbason paat mapaugar ra pangakiman. Kalo iowon kau mangapu ra rasua sabap rasua mokobolou ra ulun, am poyo ulun mapintar am mabanis guang pana, saboi mamatas ilo ra masala.