ABAKUK 1:13 - Tanou Moonsoi Timugon

¹³ Kaa' ati kulaan Kou tumaan guang magilong ra ulun ondo' malaat kaga' koson risilo? Okou matulai kaga' koson magilong ra kalaatan; Okou kalo tumaan guang ra ulun ondo' mambaal ra kasalaan. Kaa' kua pongkoror Kou paat ulun Babilonia mamuso ra ulun ondo' kalo malaat koson risilo?

ABAKUK 1:13 Iomraidhean Croise

2 SAMUIL 4:11

Atan poyo ru akau, mapara' piboo laat ru binaal mino! Namatoi kau noyo ra sangulun ondo' kolondo' tula, am ondo' tatanga' nombolong giu' ra baloi nano galama'! Raino mambalos aku ra kalaatan mino. Luuson takamin intor ra tana' ti!”

1 RAJA'-RAJA' 2:32

Mangukum Tuhan ri Joab sabap ra namatayan ondo' binaal nano ra kalo nakapandai Raja' Daut, ama' kuno. Namatoi i Joab ra ruo ngaulun ondo' kolondo' sala, ruo ngaulun moonsoi poyo intor riso: I Abnir panglima saujor ru Israil am i Amasa panglima saujor ru Jiuda.

ESTER 4:14

Amon ru mongkoror kou ayuk ra koon ragitio baal ti, maaru' ulun ru Jaudi makaapu ra indangan intor ra suruga' am bayagon ilo, kaa' okou galama' matoi am sasambaloi ru ama' muno maluus. Osoi makapandai, maaru' lair koson ra bulintok ragitio noyo okou pinili' masauk ra andu' ru raja'!”

AYUP 15:15

Malaikat Nano pana i Aki Kapuuno' kalo mangintopot; malaikat-malaikat pana kalo mapasau ra pagilangan Nano.

AYUP 21:7

Kua ra ulun malaat maawar umur, am masauk ra langkaya'?

AYUP 24:23

Maaru' i Aki Kapuuno' mompoloso risilo maayag ra moonsoi, kaa' tainuin No ilo ra kalo lalanggain.

MAZMUR 10:15

Ratui' noyo kuasa' ru ulun malaat am nausung; ukumi' ilo no sabap ra malaat ilo kaga' saboi langgain nilo kalaatan nilono.

MAZMUR 18:26

Iou Tuhan, gumagaya' Kou ra ulun ondo' gumagaya' Rirun, am moonsoi Kou kaga' ra ulun ondo' moonsoi.

MAZMUR 25:3

Kalaan kalo malimanan ru ulun ondo' mangintopot Rirun, kaa' malimanan ru ulun ondo' mataki' manggal Rirun.

MAZMUR 35:17

Kula' poyo buoi no, iou Tuhan, Okou mopoloso ra babaal koson ragitio? Bayago' aku no intor ra bulunsar nilo raki'; palabuso' aku no intor ra singa'-singa' no!

MAZMUR 35:22

Kaa' Okou, iou Tuhan, nakapandai ra baal ragitio. Sabap raginio, pai' nokon pongkoror, pai' no inggalur!

MAZMUR 35:25

Pai' polosoo' ilo magigindagu galama', “Ginio noyo kasaga' mai ra buoi ti!” Pai' ilo polosoo' mindagu, “Naala mai io!”

MAZMUR 50:21

Ginio noyo baalon mino, kaa' mongkoror Aku ayuk, pangkaraan min koson Aku niayuk ramuyun. Kaa' raino mansiwou Aku ramuyun, am saukon Ku baal raginio maalap min intopoto'.

MAZMUR 50:3

Amon ru matong i Aki Kapuuno' takau, kalo mongkoror Io; sinimbula' ru apui sumigulu Riso, rosob ra mapuor liminiput Riso.

MAZMUR 73:3

sabap ra sumolon aku ra ulun malilimbau, bulintok ra aku magilong ra ulun malaat lumangkaya'.

MAZMUR 83:1

Mazmur ri Asap. Rondo' rimbai.

JISAYA 21:2

Nakaapu aku ra pinaintalang intor ra kasaukan ondo' malaat kaga', intor ra kalaatan am pamusaan. Loyog kano alii ra saujor ru Ilam, pamulunsar no! Awangi' bandar-bandar no, alii ra saujor Madai! Pupusin ri Aki Kapuuno' kaimbalaan ondo' makinibitan ru Babil.

JISAYA 24:16

Intor ra pagun-pagun maalur kaga' maining rimbai pangamparan ri Aki Kapuuno' Ondo' Matimpok Kaga'. Kaa' aku galama' kolondo' kalansanan! Maimbolo' aku! Ulun-ulun mangalaat no rayusin nilo lumaat raki'; kalaatan nilono najanjayan kaga'.

JISAYA 33:1

Aibui boo ra pantula' takano! Mampagaau ilo am malaat kabalu' pana kolondo' osoi-osoi pana igondo' pampagaau am lumaat risilo. Kaa' bulintok ra ilo mampagaau am malaat no maampus, am ilo galama' gaawin am laaton.

JISAYA 64:12

Iou Tuhan, kalo kia nangimuag Kou ra kasaukan koson raginio? Mongkoror Kou ayuk kia? Polosoon Mu kia akai maimbolo' kaga'?

SULABOI 3:36

paat ra katimpakan patumbalikon, maaru' Tuhan makapandai raginio.

ABAKUK 1:14

Kua karaa' Mu ulun koson ra papait giu' ra raat kapoam koson ra sampanon ru bibiag boborok am mansiab ondo' kolondo' tingganai?

JAKARIA 8:17

Pai' pangatang ra baal malaat ra akau po ngai'. Pai' indagu ra ibot kalo motopot. Masisang Aku ra magabau, kalo matimpok am kalaatan.”

RINALATAN 2:23

Sumugut ra nangaruan ri Aki Kapuuno', nakapandai Io noyo intor poyo ra galing i koson i Jisus ti pataakon ramuyun. Pinatoi min Io ra nangkinibit kau ra ulun makatula no nanalip Riso.

SAGULION 23:15

“Amon ru sangulun ulipon nagiru' intor ra tuan nano matong ramuyun koson makiampin, pai' io susubo' muli'.