1 JUANIS 2:3 - Tanou Moonsoi Timugon

³ Amon ru gumagaya' takau ra ngaangai' susuban ri Aki Kapuuno', ginio tatandu' ra itakau ti nakaulig ri Aki Kapuuno'.

1 JUANIS 2:3 Iomraidhean Croise

MAZMUR 119:32

Maansayan aku gumagaya' ra panusuban Muno, sabap ra sinauk Mu aku makarati' toojo.

MAZMUR 119:6

Amon guangon ku ngaangai' panusuban Muno, kalo boo tauyuon aku.

JISAYA 53:11

Mopongo maimbolo', maansukan io saguli'; makapandai io ra kaimbalaan nano mokoonong toojo. Ulipon Kuno, ondo' gumagaya' am ondo' iowon Kuno, Magiba' ra ukuman ru ulun masuang; am sabap io, Aku mangampun risilo.

LUKAS 6:46

“Kua piawo' min Aku ra, ‘Tuhan, Tuhan,’ kaa' kalo gagayaan min panusuban Kuno ramuyun?

JUANIS 14:15

“Amon ru motogom kau Raki', suguton min panusuban Kuno.

JUANIS 15:10

Amon ru gumagaya' kau ra panusuban Kuno, rumondon kau ra togom Kuno. Ginio mogondo' ra Aku gumagaya' ra panusuban ri Ama', am rumondon Aku ra togom Nano.

JUANIS 15:14

Amon ru gumagaya' kau ra panusuban Kuno, akau no rangan Kuno.

JUANIS 17:3

Gitio noyo kaayagan motopot am mantilayun; ra makaulig ilo Rirun, i Aki Kapuuno' ondo' motopot, am poyo i Jisus Kristus ondo' sinusub Mutu.

2 KORINTUS 4:6

Minindagu i Aki Kapuuno', “Kasauk noyo sinda ra kalandaman.” I Aki Kapuuno' niayuk ondo' mampakasinda ra guang mai, koson makaintutun akai toojo ra katulayan Nano ondo' simininda ra bulos ri Kristus.

IBRANI 5:9

Ginio ra kalupus Io pinasauk ra mamamayag ra kolondo' sala, nasauk Io boo ra puun ru pamayagan mantilayun ra ngaangai' ulun ondo' gumagaya' Riso.

1 JUANIS 2:13

Ama' kau ngaangai', tulisin takamin sabap ra nakaulig kano ri Jisus Kristus ondo' soroi intor ra talimpuun i. Kamulakan kau ngaangai', tulisin takamin sabap ra naanggal min noyo Tingganai ru riwato no.

1 JUANIS 3:14

Nakapandai takau no ra iniruanan takau noyo kapatayan am minanding takau no ra kaayagan mantilayun. Napandayan takau gitio sabap ra motogom takau ra rondo' am bokon. Osoi ayuk kalo motogom, io no lakat ayuk poyo inonggom ru kapatayan.

1 JUANIS 3:19

Gitio noyo ralan takau mangulig ra itakau ti anak ri Aki Kapuuno', saboi guang takau makakaansayan ra saang ri Aki Kapuuno'.

1 JUANIS 3:6

Ngaangai' ulun ondo' maayag sumimpung ri Jisus Kristus, kalo marayus ilo mambaal ra tula. Ulun ondo' marayus mambaal ra tula, io ti kalo igondo' nakakito am nakaulig ri Jisus Kristus.

1 JUANIS 4:13

Nakapandai takau noyo ra maayag takau sumimpung ri Aki Kapuuno' am maayag Io sumimpung ritakau, sabap ra nangani' Io noyo ritakau ra Ambiluo Nano.

1 JUANIS 4:7

Pabukat kau ngaangai' ondo' tagamin ku! Kotogom kano ra rondo' am bokon, sabap ra togom ti intor ri Aki Kapuuno'. Ulun ondo' motogom, io no anak ri Aki Kapuuno' am nakaulig io ri Aki Kapuuno'.

1 JUANIS 5:19

Nakapandai takau ra itakau ti intor ri Aki Kapuuno', kabalu' pana ngaangai' ulun ru tana' ti kinuasa' ru Tingganai ru riwato.

1 JUANIS 5:2

Gitio noyo napandayan takau ra itakau ti motogom ra anak-anak ri Aki Kapuuno': Motogom takau ri Aki Kapuuno' am mintopot ra susuban Nano.

1 JUANIS 5:3

Motogom ri Aki Kapuuno', arati' no, gumagaya' ra susuban Nano. Susuban Nano kalo niayuk mapagon baalon takau,

PINAINTALANG 12:17

Tambuakal no siminangit kaga' ra ruandu' no, saboi ongoyo' no tulaa' papag ra bokon intor ra ruandu' no; ioginio ngaangai' ulun ondo' gumagaya' ra panusuban ri Aki Kapuuno' am ondo' mangani' ra kaintutunan intor ri Jisus.

PINAINTALANG 14:12

Ginio boo sabap ra ulun ri Aki Kapuuno' ondo' gumagaya' ra panusuban Nano am niayuk gumagaya' ri Jisus, musiti' ilo tumaan ra kaimbalaan.

PINAINTALANG 22:14

Pakaansuk noyo ilo ondo' mampupu' ra sukub nilono suku' mapasau, bagu no makaakan ilo ra kawa' intor ra puun ru mampakaayag am maya' ra umpasan sumubol ra bandar no.