Yud 1:18 - Ȧŋlemrȧnɛ Ȧfu

¹⁸ Maŋ po tɔri nu kəpa ka ȧŋlɔkɔ aləpsɔ afəm asel tȧy aŋ tə der, aŋa mə kɔth ka mafela mələs ma ɛmerȧ yaŋ.

Yud 1:18 Iomraidhean Croise

Mȧyɔs ma aŋsom 20:29

I tȧrȧ kəpa kədarəŋ ka kakɔnɛ kȧmi təthɔlu təbaŋ aŋ tə wɔŋ kətɔŋ ka nu, aŋa mə te ba ȧney ta akuthi.

2 Timɔthi 3:13

Kɛrɛ afəm aləs yi afəm ayaŋfa aŋ tə bȧr gbo yi aləs, aŋ tə tɔns alɔm, ɔwa aŋ tə tɔnsnɛ.

2 Timɔthi 4:3

ȧtesoma-e ȧŋlɔkɔ aŋ tə bek maŋ te sɔ gbəli muyu kəthəksa ka tȧteŋ, kɛrɛ aŋ tə yema gbo təl ȧtȧ yi təbɔthi təl, ɔwa aŋ tə fir akarmɔkɔ agbȧthi aŋa yi abeki ŋa.

2 Pitar 2:1

Kɛrɛ mɔ mə anȧbi ayem aŋ la yi kətɔŋ ka aŋfəm, ya mə pə re yi sɔ-e, akarmɔkɔ ayem aŋ tə der kətɔŋ ka nu, ɔwa rə məsɔth aŋ tə tɔri nu kəthəksȧ kəyaŋfa, haŋ kəpɛnsanɛ ɔMarki ɔwe bani ŋa; ɔwa lɛmp aŋ tə karanɛ kəkasara.

2 Pitar 2:10

Kɛrɛ pə tha gbethi thaŋka ŋaŋ aŋa kɔth ka mafela ma mȧdɛr yi mȧnɔkɔ mati, ɔwa aŋ farki təbȧy. Ŋa mə yi abȧki rəfɔr-e, aŋ nesa hɛ tə kəfofiya aŋyiki ŋa rȧbȧy ra Kuru.

2 Pitar 3:3

Kɛrɛ tȧrȧ nu ȧte, kəpa ye afəm asel tȧy aŋ tə der ka marey mələpsɔ aŋa mə kɔth gbo ka mafela mələs maŋ gbeŋ.

Yud 1:16

Aŋe ŋə yi aŋfɔfəthanɛ, antompnɛ, aŋ kɔth ka mafela ma ɛmerȧ yaŋ: tasəŋ taŋ tə gbək ɛyoŋka, aŋ yikis afəm kȧmȧ aŋ ba kəsɔthɔ.

Yud 1:4

kotȧy-e afəm alɔm aŋ po wɔŋ sɔy, aŋfəm aŋa a po gbəka matheri maŋ ɔwoni thɔŋ, afəm aŋa te tȧrȧ Kuru aŋa lȧfthi ȧŋboŋa ŋa ɔKuru kȧsu ka mafela maŋ maləs, ɔwa aŋ pɛnsanɛ Yisɔs Krayst ɔMarki kȧsu gbo son.