Biblia Todo Logo
Bìoball air-loidhne

- Sanasan -




Taytɔs 3:7 - Ȧŋlemrȧnɛ Ȧfu

7 kȧmȧ ma sə po sɔthɔ məmari ka ȧŋboŋa ŋɔŋ-e, sə tə səkɛ aŋa mə ba akɛŋ kətȧŋȧnɛ ka kȧgbȧk ȧmerȧ ka aŋesəm thəbana.

Faic an caibideil Dèan lethbhreac




Taytɔs 3:7
25 Iomraidhean Croise  

Ka ȧŋlɔkɔ ŋati ɔBȧy ɔ tǝ pa ro ŋaŋ ka kȧdiyɔ kɔŋ, Der nu naŋ aruba ŋa ɔKas kȧmi, wɔŋ nu ka rȧbȧy ara a bɛnɛnɛ ta ȧtȧ nu kǝbi ma ȧdȧru rǝ tǝpɛ.


Ma ɔ wur tə kəkɔ ka ȧŋbiyas ŋɔŋ-e, wuni kin ɔ der ro ŋɔŋ kəgbukɛŋ, ɔ sɔ təwu, ɔ yif kɔ, Karmɔkɔ ufinɔ, to mə i yɔ kȧmȧ i sɔthɔ aŋesəm thəbana-e?


Kɛrɛ bepi pə yi salata aboŋa-e, pə gbəli hɛ sɔ yi salata məyɔs; bepi pə yi yaŋ-e, aboŋa aŋ yi hɛ sɔ aboŋa tə tɛntɛnɛ.


kɛrɛ aŋ sɔthɔ məmari məyaŋkaŋ salata ȧŋboŋa ŋɔŋ kətaŋ ka kabani ȧke yi ka Yisɔs Kraystȧŋ.


Tiyȧŋ sə gbək kəpa ye, wuni ɔ sɔthɔ məlompi rə kəlanɛ kəte ba mȧyɔs ma ȧŋthɔ.


Tiyȧŋ aŋlahiri aŋ təmȧ ka kȧlanɛ kaŋka aŋ gbəli yi salata aboŋa; kȧmȧ aŋlahiri aŋ bȧkər ka aŋwuth bɛ, pə yi hɛ gbo ka ŋaŋ aŋa təmȧ ka ȧŋthɔ, kɛrɛ ka ŋaŋ sɔ aŋa yi ka kȧlanɛ ka Ebraham, kotȧy-e kɔnɔ yi ɔkas kȧsu bɛ,


Ɔwa kɔn ɔwe yɔ məpanth-e, a kəli hɛ ȧŋrȧm ŋɔŋ mɔ aboya, kɛrɛ pə yi mɔ ȧŋrȧm ŋɔŋ gbeŋ.


Ɔwa bepi sə yi awuth-e, sə yi thɔŋ abȧki ŋa akɛŋ, abȧki ŋa Kuru, yi aŋyeranɛ dɛ yi Krayst salata rabȧki, bepi pə yi sə nakasi yi kɔn, kȧmȧ sə sɔthɔ aŋyiki yi kɔn.


Ɔwa yaŋ alɔm kətɔŋ ka nu nə la yi thəpaŋ, kɛrɛ a po fethər nu, a po səməs nu, ɔwa a po sɔŋ nu məmari ka ȧŋes ŋa ɔMarki Yisɔs Kraystȧŋ dɛ yi ka ɔYina ka ɔKuru kȧsu.


ma pə yi sə tȧrȧ kəpa wuni kəpet ɔ sɔthɔ hɛ məmari salata mȧyɔs ma ȧŋthɔ, thambe ka kȧlanɛ ka Yisɔs Krayst, tiyȧŋ hali saŋ sə po lanɛ Yisɔs Krayst kȧmȧ sə sɔthɔ məmari ka kȧlanɛ ka Krayst, pə yi hɛ ka mȧyɔs ma ȧŋthɔ. Pəkasifɛ ka mȧyɔs ma anthɔ-e, wuni o wuni ɔ gbəli hɛ sɔthɔ məmari.


Ɔwa bepi Krayst ɔ ba nu-e, nə yi aŋwuth ŋa Ebraham, yi asɔthɔ kɛŋ kətȧŋȧnɛ ka aŋlahiri.


Tiyȧŋ mə yi hɛ sɔ utar, mə yi uwan; ɔwa bepi mə yi uwan-e, mə yi usɔthɔ kɛŋ ka Kuru asabu ŋa Krayst.


Ɔwa ka-ake, ɔMarki kȧsu Yisɔs Krayst kɔn kɔnɔnɛ, yi Kuru ɔKas kȧsu ɔwe po bɔthər su, dɛ yi ɔwe sɔŋ su kəbɛfəth dɛ yi kəgbak ȧmerȧ kəthəbana kətȧŋȧnɛ ȧŋboŋa ŋɔŋ,


Ka kagbak ȧmerȧ ka aŋesəm thəbana, ȧke Kuru-e, ɔwe gbəli hɛ yema, ɔ po lahiri kȧbi ka ɔtəpɛr wa ȧdȧru;


kotȧy-e ȧŋboŋa ŋa Kuru aŋ ŋaibinɛ salata kakisi ka afəm bɛ,


ma sə kar ta kagbak ȧmerȧ ka aruba, pə yi mɔ-e katɔrinɛ ka aŋyiki ŋa ɔKuru ubana yi ɔKisis kȧsu Yisɔs Kraystȧŋ;


Aŋmȧleka bɛ aŋ yi hɛ gbo ɛyina ɛyɛ yɔna Kuru-i, ɛyɛ ɔ som tə kəmar ŋaŋ aŋa mə re sɔthɔ kəkisi-i?


Rə kəlanɛ Now, ma Kuru ɔ maŋ kɔ salata mȧtȧy ama ɔ te tha nəŋk-e, ɔ su ɛləns, kɔ bɛmpa abil tə kəkisis rȧkomra rɔŋ; ɔwa di kati ɔ sɔŋ ȧdȧru mətheri, kɔ sɔthɔ mȧlompi ama yi ka kəlanɛ.


Rə kəlanɛ ɔ yirȧ ka ȧŋthɔf ŋa aŋlahiri mɔ ka athɔf ȧtel, kɔ yirȧ ka ɛseth ya atotha yi Aysak dɛ yi Yekɔb, aŋwuth ŋɔŋ aŋa ba tȧy tin dɛ yi kɔn ka aŋlahiri.


Tiyȧŋ ma Kuru ɔ yema tɔri ŋaŋ aŋa ba kəsɔthɔ aŋlahiri ŋɔŋ to mȧselɔ mɔŋ mə gbəli hɛ siŋkar-e, ɔ bȧksər ŋi yi agbiŋ,


Su aləns aŋwɔnt a mi abɔthər, ŋaŋ aŋa ȧdȧru rə bont amɔnɛ-e, Kuru ɔ thith hɛ ŋa tə kəyi ayola ka kȧlanɛ-i, yi tə kəsɔthɔ rȧbȧy ara ɔ po lahiri ŋaŋ aŋa bɔthər kɔ-i?


Ɔwa naŋ awos, ka ȧŋgbȧp a nu, yiranɛ yi aŋrani a nu rə kətaranɛ kəfinɔ, mɔ ŋa yi arȧnt athasi nu. Ɔwa sɔŋ ŋa ayiki ma nə yi akos ka kəsɔthɔ ȧŋboŋa ŋa aŋesəm. Yɔ nu ȧte kȧmȧ a te bɛnt taramnɛ ta nu.


Lean sinn:

Sanasan


Sanasan