Taytɔs 3:5 - Ȧŋlemrȧnɛ Ȧfu

⁵ ɔ kisis su, pə yi hɛ salata mȧyɔs məlompi ama sə poŋ yɔ, kɛrɛ ɔ kisis su asabu ŋa ȧŋney ŋɔŋ, ka kafethər ȧke kȧl kom ɔfu, dɛ yi ka kafusəs ka ɔYina məsəm,

Taytɔs 3:5 Iomraidhean Croise

Mathiu 3:11

Minɛŋ yathi, i baftays nu yi mȧnt ka kǝthupi, kɛrɛ ɔwe mǝ der kǝdarǝŋ kȧmi kɔnɔ thasi mi afɔsɔ. I bek hɛ tǝ kǝwop ɛkɔftha yɔŋ. Ɔ tǝ baftays nu yi ɔYina mǝsǝm yi nȧnt.

Luk 1:50

Aŋney ŋɔŋ aŋ yi ka ŋaŋ aŋa nesa kɔ, Kəwur ka rəkomra kəkɔ ka rəkomra.

Luk 1:54

Ɔ po mar ȧŋbɔy ŋɔŋ Isrɛl salata aŋnei ŋɔŋ,

Luk 1:72

Kama ɔ tɔri ȧney ka aŋkas a su, Kama ɔ nanɛ aŋlemranɛ ŋɔŋ asəm.

Luk 1:78

Salata ȧŋney abana ŋa ɔKuru kȧsu, Soma rasɔk ra rokɔm rə der ro rɔsu.

AŋRomans 11:14

kȧmȧ pə gbəli yi rə roŋ o roŋ i gboŋkthas aŋfəm a mi yi kətut, ɔwa kȧmȧ pə yi di kati alɔm aŋ tə kisi.

AŋRomans 11:6

Kɛrɛ bepi pə yi salata aboŋa-e, pə gbəli hɛ sɔ yi salata məyɔs; bepi pə yi yaŋ-e, aboŋa aŋ yi hɛ sɔ aboŋa tə tɛntɛnɛ.

AŋRomans 12:2

Te taŋanɛ mȧtȧy ma ȧdȧru ȧre, kɛrɛ lafthɛ kȧmȧ ɛmerȧ ɛ nu ɛ səkɛ ɛfu, kȧmȧ nə gbɛlɛŋ mȧselɔ ma Kuru ama yi məfinɔ, məthesa yi məgbenthis.

AŋRomans 3:20

Pəkasifɛ salata mȧyɔs ma ȧŋthɔ wuni o wuni ɔ gbəli hɛ sɔthɔ məmari. Ka kakəli kɔŋ; kotȧy-e ȧŋthɔ aŋ sɔŋ su kȧtȧrȧ ka aŋhakɛ

AŋRomans 3:28

Tiyȧŋ sə gbək kəpa ye, wuni ɔ sɔthɔ məlompi rə kəlanɛ kəte ba mȧyɔs ma ȧŋthɔ.

AŋRomans 4:5

Ɔwa kɔn ɔwe te yɔ məpanth, kɛrɛ ɔ lanɛ gbo kɔn ɔwe gbəli sɔŋ məmari ka ŋaŋ aŋa te yi alompi, a lɔm kȧlanɛ kɔŋ mɔ məlompi.

AŋRomans 9:11

hali ma a te tha kom aŋwuth ras-e, ɔwa maŋ te tha yɔ ɔfinɔ thalɔm ɔləs, kȧmȧ mȧselɔ ma Kuru asabu ŋa kathithəs kɔŋ mə gbəli təma-e, pə yi hɛ salata mȧyɔs maŋ, kɛrɛ salata katela kɔŋ;

AŋRomans 9:16

Tiyȧŋ pə yi hɛ ka mȧselɔ ma wuni kəpet, thalɔm ka mȧyɔs mɔŋ, kɛrɛ pə yi ka ȧŋney ŋa Kuru Məsaba.

AŋRomans 9:30

To mə sə pa thɔŋ ta ti-a? Ta sə pa kəpa tȧbona təlɔm aŋa tə taŋanɛ məlompi aŋ po sɔthɔ ma, pə yi mɔ mȧlompi ama wur ka kȧlanɛ-i?

1 AŋKɔrenth 6:11

Ɔwa yaŋ alɔm kətɔŋ ka nu nə la yi thəpaŋ, kɛrɛ a po fethər nu, a po səməs nu, ɔwa a po sɔŋ nu məmari ka ȧŋes ŋa ɔMarki Yisɔs Kraystȧŋ dɛ yi ka ɔYina ka ɔKuru kȧsu.

AŋKȧletia 2:16

ma pə yi sə tȧrȧ kəpa wuni kəpet ɔ sɔthɔ hɛ məmari salata mȧyɔs ma ȧŋthɔ, thambe ka kȧlanɛ ka Yisɔs Krayst, tiyȧŋ hali saŋ sə po lanɛ Yisɔs Krayst kȧmȧ sə sɔthɔ məmari ka kȧlanɛ ka Krayst, pə yi hɛ ka mȧyɔs ma ȧŋthɔ. Pəkasifɛ ka mȧyɔs ma anthɔ-e, wuni o wuni ɔ gbəli hɛ sɔthɔ məmari.

AŋƐfisɔs 2:4

Kɛrɛ Kuru ɔwe ba ȧney abana-e, kəwur ka mabɔthər mɔŋ məbana ama ɔ po bɔthər su-e,

AŋƐfisɔs 4:23

Ɔwa yɔ kȧmȧ a fus nu ka ɛyina ya ɛmerȧ ɛ nu.

AŋƐfisɔs 5:26

kȧmȧ ɔ gbəli səməs kɔ mɔ ɔ po fethər kɔ ka mȧnt kətȧŋȧnɛ ka ȧrim rɔŋ,

AŋKɔlɔsi 3:10

ɔwa nə po wɔŋ ɔwuni fu, ɔwe a səki ufu rə kətara tȧy kətȧŋȧnɛ ka mȧbȧlȧnɛ ma ɔTəpi;

2 Timɔthi 1:9

ɔwe po kisis su, ɔwa ɔ po tela su yi kətela kəsəm, pə yi hɛ mɔlɔ ma mapanth ma su mə yi, kɛrɛ salata mȧselɔ yi ȧŋboŋa ŋɔŋ, aŋa ɔ po sɔŋ su ka Yisɔs Kraystȧŋ yeŋka ȧdȧru rə təpɛ,

Taytɔs 3:4

Kɛrɛ ma mafinɔ ma Kuru ɔKisis kȧsu dɛ yi mabɔthər mɔŋ ta afəm a kəpet mə tɔrinɛ-e,

AŋHibru 10:22

maŋ fatər kɔ nu gbɛpti yi ȧmerȧ atəteŋ ka ɔlasər wa kȧlanɛ-e, rə kəba ɛmerȧ ɛ su ɛyak kəwur ka ɛnanɛ ɛləs, dɛ yi madɛr ma su məfethər rɛ mȧnt məgbəraŋ.

AŋHibru 4:16

Tiyȧŋ maŋ der nu yi təbuth təbaki ka kawaŋ ka rȧbȧy ra ȧŋboŋa-e, kȧmȧ sə gbəli sɔthɔ ȧney, dɛ yi kəmar ka ȧŋlɔkɔ ŋa kapaŋ kȧsu.

AŋHibru 6:6

bepi afəm awunɔŋ aŋ kala kəmuth-e, aŋ gbəli hɛ sɔ sɔthɔ kəthupi, kotȧy-e pə yi mɔ aŋ kȧl tȧŋ ɔWan ka Kuru ka akənt kəpəŋkinɛ ɔfu, ɔwa aŋ kȧl sambos kɔ gbafəth.

1 Pitar 1:3

Ta aruba aŋ yi ka Kuru ɔKas ka ɔMarki kȧsu Yisɔs Kraystȧŋ. Ka ȧŋney ŋɔŋ abana ɔ po kom su ɔfu tə kəba kəgbak ȧmerȧ ȧke yi kəkəli salata kakal yokanɛ ka Yisɔs Krayst ka aŋfi,

1 Pitar 2:10

Ka ɔtɔtɔkɔ nə la hɛ yi afəm, kɛrɛ ka-ake nə yi thɔŋ aŋfəm ŋa Kuru; ka ɔtɔtɔkɔ-e, nə la hɛ sɔthɔ ȧney, kɛrɛ ka-ake nə po thɔŋ sɔthɔ ȧney.

1 Pitar 3:21

Ya pə bȧlȧnɛ sɔ ka-ake, kəbaptais kə mə kisis su, ɔwa pə yi hɛ rə kəyak anɔkɔ ŋa madɛr, kɛrɛ pə yi aŋseri ŋa ȧmerȧ ȧferȧ ka Kuru kətaŋ ka kakal yokanɛ ka rafi ka Yisɔs Krayst,