Mathiu 9:16 - Ȧŋlemrȧnɛ Ȧfu

¹⁶ Wuni ɔ gbap hɛ arombo ŋa kotha kǝfu rǝ ruma rǝkur, kotȧy-e ȧŋrombo ŋati aŋ tǝ pim aruma, ɔwa ɔpima ɔ tǝ bȧr gbo lǝsǝ.

Mathiu 9:16 Iomraidhean Croise

Mathiu 9:15

Ka Yisɔsȧŋ ɔ pa ro ŋaŋ, Aŋyathki ŋa ɔnȧntȧ aŋ gbǝli saŋ amɔl ma ɔnȧntȧ ɔ yi ras yi ŋaŋ-i? Kɛrɛ mȧrey mǝ tǝ der ma mǝ a nɔy ŋa ɔnȧntȧ, ɔwa ka ȧŋlɔkɔ ŋati aŋ tǝ wop asum.

Mathiu 9:17

Ɔwa a bot hɛ mǝwain mǝfɛth rǝ tǝbos tǝkur; bepi pǝ yi ti-e, tabos tǝ tǝ puta, ɔwa mawain mǝ tǝ loŋa, dɛ yi tabos tǝ tǝ lǝsǝ; kɛrɛ a bot mǝwain mǝfɛth rǝ tǝbos tǝfu, ɔwa yi yɛrǝŋ ɛ tǝ won.

Mark 2:21

Wuni ɔ gbap hɛ arombo ŋa kotha kəfu rə ruma rəkur. Bepi pə yi yi-e, ȧŋrombo aŋ tə pim aruma, ɔwa ɔpima ɔ bȧr gbo ləsȧ.

Luk 5:36

Ɔwa ɔ tɔri ŋa sɔ alomɔ, kɔ pa, Wuni ɔ gbari hɛ ka ruma rəfu tə kəgbȧp arombo ka ruma rəkur; bepi ɔ yɔ yi-e, ɔ gbari gbo rafu, ɔwa arombo afu aŋ mar hɛ aruma rəkur.

Yɔn 16:12

I ba ras mȧtȧy məgbathi tə kəkanɛ nu, kɛrɛ nə gbəli hɛ wop ma ka-ake.

1 AŋKɔrenth 13:13

Ɔwa kȧlanɛ-o, kȧgbak amera-o, dɛ yi mȧbɔthər-o, mȧtȧy məsas ame maa yi; kɛrɛ mȧbɔthər miȧ tha bondȧ.

2 AŋKɔrenth 9:12

kotȧy-e kəyerəs ȧŋboya aŋe kə lasər hɛ gbo kapaŋ ka aŋsəm kɛrɛ kə kȧl futhis kəsɔŋ Kuru mɔmɔ məlai.