Mathiu 9:11 - Ȧŋlemrȧnɛ Ȧfu

¹¹ Ma aŋFarisi aŋ nənk ti-e, aŋ pa ka aŋkarande ŋɔŋ, To pǝ som ɔkarmɔkɔ ka nu mǝ ɔ di yi ŋaŋ aŋa gbasi ɛfȧk dɛ yi afǝm ŋa ɛhakɛ-e?

Mathiu 9:11 Iomraidhean Croise

Mathiu 11:19

ƆWan ka wuni ɔ der rǝ kǝdi dɛ yi rǝ kǝmun, ɔwa aŋ pa, Kǝli ulaŋgba uwɔnthi rɛ umun ubana-e, uyathki ka aŋthoŋkla ɛfȧk yi aŋfǝm ŋa ɛhakɛ. Kɛrɛ kǝtemp kǝ tǝ sɔthɔ mǝmari ka mȧyɔs mati.

Mathiu 5:46

Ȧtesoma-e bepi nǝ bɔthǝr gbo aŋa bɔthǝr nu-e, ko ȧrȧm naŋ mǝ nǝ sɔthɔ-e? Yaŋ tha aŋthoŋkla ɛfȧk aŋ yɔ sɔ-e?

Mathiu 9:10

Ka pǝ re yi ma Yisɔsȧŋ ɔ yirȧ ka kǝdi ro seth-e, afǝm aŋa gbasi ɛfȧk yi afǝm ŋa ɛhakɛ agbȧthi aŋ der aŋ yirȧ yi kɔn dɛ yi aŋkarande ŋɔŋ.

Mark 2:16

Ma aŋkarmɔkɔ yi aŋFarisi aŋ nənk kəpa ɔ di yi aŋfəm ŋa ɛhakɛ yi aŋthoŋkla ɛfȧk-e, aŋ pa ka aŋkarande ŋɔŋ, To som mɔ di ɔwa ɔ mun yi aŋthoŋkla ɛfȧk yi aŋfəm ŋa ɛhakɛ-e?

Luk 19:7

Ma aŋfəm aŋ nənk ti-e, ŋa bɛ aŋ fɔfthənɛ aŋ pa, Ɔ po wɔŋ tə kəyianɛ rə wuni ka ɛhakɛ.

Luk 5:30

Kɛrɛ aŋFarisi yi aŋkarmɔkɔ aŋa yi yi ŋaŋ aŋ fɔfəthanɛ ka aŋkarande ŋɔŋ, aŋ pa, To som mə nə di, ɔwa nə mun yi aŋthoŋkla ɛfȧk-e, yi aŋfəm ŋa ɛhakɛ-e?

Mȧyɔs ma aŋsom 11:3

kaŋ pa, Mə wɔŋ ka aŋfəm aruni aŋbilakoro, mə kȧl di yi ŋaŋ.

AŋKȧletia 2:15

Saŋ aŋa a kom aYuda-e, afəm ŋa ahakɛ ŋa tȧbona təlɔm thahɔ,

AŋHibru 5:2

Ɔwa, ma kɔnɔ gbeŋ ɔ təlnɛ mȧrȧnt ma madɛr-e, ɔ gbəli sɔ muyu ante tȧrȧ tȧy dɛ yi aŋsɔkar.

2 Yɔn 1:10

Bepi wuni o wuni ɔ der ro mu ɔwe te kȧrȧ mathəksa ame, te malanɛ kɔ;