Mathiu 6:33 - Ȧŋlemrȧnɛ Ȧfu

³³ Kɛrɛ mɔtha nu thɛns rȧbȧy ra Kuru, dɛ yi mȧlompi mɔŋ, ɔwa ɔ tǝ bȧrȧ nu ɛyɛt ɛye bɛ.

Mathiu 6:33 Iomraidhean Croise

Mathiu 19:28

Ka Yisɔsȧŋ ɔ pa, Tǝ tɛntɛnɛ i kanɛ nu-e, ka ȧdȧru rǝfu ma ɔWan ka wuni mǝ ɔ yirȧ ka kawaŋ ka rȧbȧy ka aŋyiki ŋɔŋ-e, naŋ aŋa po tȧŋ mi, naŋ sɔ nǝ tǝ yirȧ ka tǝwaŋ ta rȧbȧy tɔfɔt tǝrǝŋ, nǝ tǝ thonkas ɛbɔnsɔŋ tɔfɔt yɛrǝŋ ya aŋIsrɛl,

Mathiu 19:29

Ɔwa wuni o wuni ɔwe po tey ɛseth, thalɔm awɔnt aruni, thalɔm awɔnt abɛra, thalɔm ukas, thalɔm ukara, thalɔm urani, thalɔm awuth, thalɔm tǝthɔf salata ȧŋes a mi-e, ɔ tǝ bȧr sɔthɔ mɔlɔ ma kǝtǝma kɛmɛ kin, ɔwa ɔ tǝ sɔthɔ sɔ aŋesǝm thǝbana.

Mathiu 3:2

Thupi nu, kotȧy-e rȧbȧy ra ro riyana rǝ po fat.

Mathiu 4:17

Kǝtəp ka ȧŋlɔkɔ ŋati Yisɔsȧŋ ɔ tǝp kǝtam, ɔ pa, Thupi nu kotȧy-e rȧbȧy ra ro riyana rǝ po fat.

Mathiu 5:6

Aruba ŋaŋ aŋa ba afela ta mȧlompi mɔ dor, kotȧy-e aŋ ba kǝnȧmrȧ.

Luk 1:6

Ŋa ŋarəŋ aŋ yi alompi rodi ka Kuru, aŋ wop ɛthɔ yi magbək ma ɔMarki kəte ba məthɛkɛ.

Luk 12:31

Kɛrɛ thɛns nu rȧbȧy ra Kuru, ɔwa a tə bȧrȧ nu ɛyɛt ɛye bɛ.

Yɔn 5:4

kotȧy-e alɔkɔ alɔm wurɔ ɔ tə thor ka ȧŋbunth ɔ bora bora ȧmȧnt: ɔwa wuni o wuni ɔwe mə mɔtha wɔŋ ka ȧmȧnt-e kədarəŋ ka a po bora bora ma-e, ɔ sɔthɔ kəyeŋk mədɛr.

Yɔn 6:27

Te thɔrɔ ta adarədi ara mə dinɛ, kɛrɛ thɔrɔ ta ȧdarədi ara mə tiyȧ haŋ ka aŋesəm thəbana, ara ɔWan ka wuni ɔ tə sɔŋ nu: kotȧy-e kɔnɔ Kuru ɔKas ɔ po mathlɛ.

Mȧyɔs ma aŋsom 20:25

Ɔwa ka-ake, kəla, i tȧrȧ kəpa na bɛ-e, kətɔŋ ka aŋa i la kɔth kɔth tə kətaməs rȧbȧy ra Kuru-e, nə ba hɛ kənəŋk ader ra mi sɔ.

Mȧyɔs ma aŋsom 28:31

ɔ taməs rȧbȧy ra Kuru, ɔ thəksa mȧtȧy ta ɔMarki Yisɔs Krayst rə kəmintha, ɔwa wuni o wuni ɔ bɛnt hɛ kɔ.

AŋRomans 1:17

kotȧy-e di kati mȧlompi ma Kuru Məsaba mə ŋaybɛ kəwur rə alanɛ kəkɔ ka alanɛ; mɔ mə a gbal kəpa ye, Aŋlompi aŋ tə yi kətaŋ rə alanɛ.

AŋRomans 10:3

kotȧy-e mɔ mə aŋ te tȧrȧ mȧlompi ma Kuru-e, kɛrɛ aŋ thɛns gbo tə kətəmər mȧlompi maŋ gbeŋ-e, aŋ selɔ hɛ tə kəsanɛ ka mȧlompi ma Kuru.

AŋRomans 14:17

ȧtesoma-e rȧbȧy ra Kuru rə yi hɛ kədi yi kəmun, kɛrɛ rə yi məlompi, yi məthɔfəl dɛ yi məbɔnɛ rokor ka ɔYina məsəm.

AŋRomans 8:31

To mə sə gbəli pa thɔŋ ta salata mȧtȧy ame-a? Bepi Kuru ɔ təmȧ ta ȧtȧ su-e, kanɛ mə gbəli təmȧ kəŋamnɛ su-e?

1 AŋKɔrenth 1:30

Kɛrɛ salata mabotəs ma Kuru-e, naŋ nə yi rokor ka Krayst Yisɔs. Kɔnɔ yi kȧtemp, yi mȧlompi, yi kasəməsnɛ dɛ yi kabani kȧsu,

1 AŋKɔrenth 3:22

Bepi pə yi Pɔl-o, Apɔlɔs-o, Kȧyifas-o, raru-o, aŋesəm-o, rəfi-o, mȧtȧy ama yi ka-ake-o, thalɔm mȧtȧy ama mə der-o; na ba ma bɛ.

2 AŋKɔrenth 5:21

kotȧy-e ta ȧtȧ su a səki kɔ ahakɛ, pə yi mɔ kɔn ɔwe te la tȧrȧ ahakɛ bɛ; kȧmȧ saŋ sə gbəli səkɛ mȧlompi ma Kuru rokor kɔŋ.

AŋFilipai 3:9

yi kȧmȧ i gbəli yi do rɔŋɔŋ, pə yi hɛ ka mȧlompi ama mi, ama təmȧ ka ȧŋthɔ, kɛrɛ mȧlompi ama yi ka kȧlanɛ ka Krayst, pə yi kəpa ye, mȧlompi ama wur ka Kuru kətȧŋȧnɛ ka kəlanɛ.

2 AŋThɛsȧlonika 1:5

Amisali ŋaŋ tə kətɔri mathoŋkas məlompi ma Kuru, kȧmȧ nə gbəli yi abeki salata rȧbȧy ra Kuru, ta ara nə sɔmpanɛ sɔ.

1 Timɔthi 4:8

kotȧy-e kȧthanthəsnɛ ka mədɛr kə naŋfas ɔthan gbo, kɛrɛ marusəmnɛ ame ka Kuru Məsaba-e mə mar rə tȧy o tȧy, ma pə yi mə ba alahiri ŋa aŋesəm ŋa ka-ake, dɛ yi ŋa aŋa mə der.

2 Pitar 1:1

Saymɔn Pita, ȧbɔy usom ka Yisɔs Kraystȧŋ, ka ŋaŋ aŋa po sɔthɔ kəlanɛ kəkɛŋ kin dɛ yi saŋ kətȧŋȧnɛ ka mȧlompi ma Kuru yi ɔKisis kȧsu Yisɔs Kraystȧŋ.

2 Pitar 1:11

Ɔwa nə tə sɔthɔ kədare kəgbenthis ka rȧbȧy rəthəbana ra ɔMarki ɔKisis kȧsu Yisɔs Kraystȧŋ.