Mathiu 6:20 - Ȧŋlemrȧnɛ Ȧfu

²⁰ Thoŋklanɛ nu gbo tɛŋ ro riyana, ro amɔrka yi mǝgbak mǝ gbǝli hɛ sɔm ti, ɔwa ro akey aŋ te bɛs, aŋ keya.

Mathiu 6:20 Iomraidhean Croise

Mathiu 19:21

Ka Yisɔsȧŋ ɔ pa ro ŋɔŋ, Bepi mǝ yema yi ugbenthis-e, kɔnɛ mǝ thila ara mǝ ba, ɔwa mǝ sɔŋ ȧŋmɔnɛ. Mǝ tǝ ba kɛŋ ro riyana, ɔwa der, mǝ tȧŋ mi.

Mathiu 6:19

Te nu thoŋklanɛ tɛŋ ka ȧdȧru ro amɔrka yi magbak mȧ mǝ sɔm ti, dɛ yi akey mǝ aŋ bɛs tǝ kǝkeya.

Mark 10:21

Ma Yisɔsȧŋ ɔ kəli kɔ-e, ɔ bɔthər kɔ-e, kɔ pa ro ŋɔŋ, Tȧy tin tə mə paŋ; kɔnɛ, thila rəka o rəka ara mə ba, mə sɔŋ ka ȧŋmɔnɛ, ɔwa mə tə ba kɛŋ ro riyana; ɔwa der, tȧŋ mi.

Luk 12:33

Thila ɛyɛ nə ba, ɔwa sɔŋ ɛboya ka ȧŋmɔnɛ, bɛmpanɛ nu ɛbuthu ɛyɛ mə te kura, kɛŋ ka ro riyana ȧke mə te poŋ ro ukei ɔ te fat ɔwa amɔrka aŋ te ləsər.

Luk 18:22

Ɔwa ma Yisɔs ɔ təl ti-e, ɔ pa ro ŋɔŋ, Tȧy tin tȧ mə paŋ ras; thila ɛyɛt bɛ ɛyɛ mə ba, mə yerəs yi ka aŋfəm amɔnɛ, ɔwa mə tə sɔthɔ kɛŋ ro riyana. Ɔwa der, mə tȧŋ mi.

1 Timɔthi 6:17

Maŋ ŋaŋ aŋa ba rəyola ka ȧdȧru are kȧmȧ aŋ te ba kəbonɛ tȧy, ɔwa kȧmȧ aŋ te gbak ȧmerȧ ka rayola ara ba kəpoŋ, kɛrɛ ka ɔKuru ukəli, ɔwe po sɔŋ su tȧy o tȧy təfinɔ ta mabɔnɛ ma su.

1 Timɔthi 6:19

Kama aŋ bɛnɛnɛ ɔtəmər ɔfinɔ ta ȧŋlɔkɔ aŋa mə derȧŋ, kȧmȧ aŋ wopnɛ aŋesəm thəbana.

AŋHibru 10:34

Ȧtesoma-e nə ba ȧney ka atɛndɛbira, ɔwa nə kȧl selɔ rə məbɔnɛ ma a luk ɛyɛt ɛ nu, kȧbi nə tȧrȧ kəpa nə ba kɛŋ kəfisa ȧke ba kətia thȧnkȧŋ.

AŋHibru 11:26

Ɔ nanɛ kəpa kənakasi salata Krayst kə yi rəyola pəthasi atɛŋ bɛ ta ro Iyipt, ȧtesoma-e ɔ kəlianɛ ta ȧŋrȧm aŋa yi ro kəri.

Yeməs 2:5

Su aləns aŋwɔnt a mi abɔthər, ŋaŋ aŋa ȧdȧru rə bont amɔnɛ-e, Kuru ɔ thith hɛ ŋa tə kəyi ayola ka kȧlanɛ-i, yi tə kəsɔthɔ rȧbȧy ara ɔ po lahiri ŋaŋ aŋa bɔthər kɔ-i?

1 Pitar 1:4

dɛ yi tə kəsɔthɔ kɛŋ kəthəbana, kəgbəraŋ ȧke mə te gbəŋkɛ, ȧke a bɛnɛ ro riyana ta ȧtȧ nu,

1 Pitar 5:4

Ɔwa ma ɔTɔl ubana mɔ tɔrinɛ-e, nə tə sɔthɔ ȧniyɔ ŋa ayiki aŋa te ba kəferər.

Kȧŋȧibinɛ 2:9

I tȧrȧ ansɔmpanɛ yi ȧŋmɔnɛ ma mu, (kɛrɛ mun yola). I tȧrȧ sɔ kafɔf kələs ka ŋaŋ aŋa pa hɔ aŋ yi aYuda, kɛrɛ aŋ yi hɛ, aŋ yi gbo ka ȧŋseth agbanɛ ŋa Sethani.