Mathiu 6:2 - Ȧŋlemrȧnɛ Ȧfu

² Tiyȧŋ ma mǝ nǝ sɔŋ ɛboya-e, te nu fɛŋ kǝthɛma rodi ka nu mɔ mǝ ȧŋmunafȧki mǝ aŋ yɔ ka ɛseth ɛgbanɛ yi ka asoŋ-e, kȧmȧ aŋ sɔthɔ ayiki ka aŋfǝm. Tǝ tɛntɛnɛ i kanɛ nu, aŋ po sɔthɔ ȧŋrȧm ŋaŋ.

Mathiu 6:2 Iomraidhean Croise

Mathiu 15:7

Na amunafaki, pǝ yi ɔlompi ȧte ɔnȧbi Isaya ɔ nȧbi ta ȧtȧ nu ma ɔ pa,

Mathiu 16:3

Ɔwa, ka rabǝth nǝ pa sɔ-e, Kǝnkǝl kǝ tǝ der thonɔŋ ȧtesoma-e ȧkuru kǝ kuluŋanɛ kǝyim-o yi kǝbiȧŋ. O naŋ amunafaki, nǝ tȧrȧ tǝ kǝgbaski ȧder ra akuru-e, kɛrɛ nǝ tɛ hɛ gbaski ɛmisali ya ɛlɔkɔ.

Mathiu 22:18

Kɛrɛ Yisɔsȧŋ ɔ nənk mȧlǝs maŋ, kɔ pa, kɔyɛŋ mǝ nǝ gbɔns mi naŋ amunafaki-i?

Mathiu 23:5

Mȧyɔs maŋ bɛ aŋ yɔ ma kȧmȧ afǝm aŋ nənk ma. Aŋ bondǝs mȧbani maŋ, aŋ bondǝs ɛlɛmpɛ ya ȧsuma taŋ.

Mathiu 23:6

Aŋ bɔthǝr ɔdɛr ɔtɔtɔkɔ ka ɛmet, dɛ yi ɔyira ɔfinɔ ka ɛseth ɛgbanɛ,

Mathiu 24:51

Ɔwa ɔ tǝ sȧp kɔ kǝsȧp kǝbana, ɔ tǝ bot kɔ dɛr yi ȧŋmunafȧki, ro kȧkulɔ yi kȧŋȧkŋȧk ɛsek kǝ yi.

Mathiu 5:18

Tɛntɛnɛ i pa ro rɔnu, Haŋ ȧkȧriyana yi ȧdȧru ɛ thas-e, hali tȧy tǝlɔl thalɔm agbal ŋin ŋa aŋthɔ aŋ gbǝli hɛ dinɛ haŋ a po lasǝr ŋi bɛ.

Mathiu 6:16

Ɔwa ma pǝ thas ri-e, bepi nǝ wop asum-e, te nu suma mɔ aŋyɔr; kotȧy-e aŋ lǝsǝr aser taŋ kȧmȧ aŋfǝm aŋ nənk kǝpa aŋ wop asum. Tǝ tɛntɛnɛ i kanɛ nu kǝpa aŋ po sɔthɔ ȧŋrȧm ŋaŋ.

Mathiu 6:3

Kɛrɛ ma mǝ mǝ sɔŋ ɛboya-e, te selɔ kȧta ka mu kǝmɛrɔ kǝ tȧrȧ ȧte kȧta ka mu kǝdiyɔ kǝ yɔ;

Mathiu 6:5

Ɔwa ma nǝ ramnɛ-e, te nu yi mɔ ȧŋmunafȧki, kotȧy-e aŋ bɔther kǝtǝma ka ɛseth ɛgbanɛ yi ka asoŋ tǝsakanɛ kȧmȧ aŋfǝm aŋ nənk ŋa. Tɛntɛnɛ i kanɛ nu, aŋ po sɔthɔ ȧŋrȧm ŋaŋ.

Mathiu 7:5

Mun wuni yɔr, mɔtha wurɔ kagboŋ ka rafɔr ra mu, ɔwa kǝdarǝŋ kati mǝ tǝ gbǝli nənk gbǝraŋ tǝ kǝwura ȧŋpol ka rafɔr ra ɔwɔnt mu.

Mark 12:39

yi ɔyira ɔtɔtɔkɔ ka ɛseth ɛgbanɛ yi ɔdɛr ɔtɔtɔkɔ ka ɛmet.

Mark 7:6

kɔ pa ro ŋaŋ, Ka tȧteŋ Isaya ɔ nȧbi ta na amunafaki ma ɔ gbal kəpa, Aŋfəm aŋe aŋ yikis mi yi tasəŋ taŋ, Kɛrɛ ɛmerȧ yaŋ ɛ bɔlȧnɛ mi;

Luk 11:41

Sɔŋ ta ɛboya ɛyɛt ɛyɛ yi rokor, ɔwa kəla, yɛt bɛ ɛ tə yi ɛgbəraŋ ro rɔnu.

Luk 11:43

Mɔnɛ ro rɔnu, naŋ aFaresi! kotȧy-e, nə bɔthər tawaŋ tətɔtɔkɔ ka ɛseth ɛgbanɛ yi ɛkori ka ɔdɛr ɔthila.

Luk 12:33

Thila ɛyɛ nə ba, ɔwa sɔŋ ɛboya ka ȧŋmɔnɛ, bɛmpanɛ nu ɛbuthu ɛyɛ mə te kura, kɛŋ ka ro riyana ȧke mə te poŋ ro ukei ɔ te fat ɔwa amɔrka aŋ te ləsər.

Luk 12:56

Naŋ amunafaki, nə tȧrȧ gbɛlɛŋ ȧŋthɔf yi ȧkuru, kɛrɛ to som naŋ nə te tȧrȧ tə kəgbɛlɛŋ ȧŋlɔkɔ aŋe-e?

Luk 13:15

Ka ɔMarki ɔ lasia kɔ ɔ pa, Naŋ amunafaki, wuni o wuni ka nu ɔ səli hɛ ɔna yi aŋsofali ŋɔŋ ka ȧŋsabath-i, ɔ kera kɔ tə kəmun-i?

Luk 20:46

Pɛndaf nu aŋkarmɔkɔ aŋa fela tə kəkɔth rə suma təbɔli, ɔwa aŋa bɔthər ɛkori ka ɔdɛr ɔthila, yi tawaŋ tətɔtɔkɔ ka ɛseth ɛgbanɛ, yi ɔdɛr ɔtɔtɔkɔ ka ɛmet.

Luk 6:24

Kɛrɛ mɔnɛ ro nu na yi ayola, kotȧy-e nə po thɔŋ sɔthɔ kȧbɛfəth ka nu.

Luk 6:42

To mə gbəli pa ka ɔwɔnt mu, Wɔnt mi, yɔ kȧmȧ i wurɔ ȧŋpol ka rafɔr ra mu, ma mə te nənk kagboŋ ȧke yi ka rafɔr ra mu-e? Mun munafaki, mɔtha wurɔ kagboŋ ka rafɔr ra mu, ɔwa mə tə nənk gbəraŋ tə kəwura ȧŋpol aŋa yi ka rafɔr ra ɔwɔnt mu.

Yɔn 13:29

Aŋkarande alɔm aŋ nanɛ kəpa ma Yudasȧŋ ɔ ba aŋgbaŋfa, Yisɔsȧŋ ɔ kanɛ kɔ, Way ɛyɛt ɛyɛ sə yema ta amet; thalɔm kȧmȧ ɔ sɔŋ rəka ka ȧŋmɔnɛ.

Yɔn 5:41

I wop hɛ yiki kəwur ka wuni kəpet.

Yɔn 5:44

To mə nə gbəli lanɛ-e, ma mə nə sɔthɔ ayiki wuni kin ka ulɔm-e, kɛrɛ nə thɛns hɛ aŋyiki aŋa wur ka Kuru son-e?

Yɔn 7:18

Wuni ɔwe mə fɔf ka ȧŋmerȧ ŋɔŋ-e, ɔ thɛns gbo aŋyiki ŋɔŋ: kɛrɛ kɔnɔŋ ɔwe mə thɛns aŋyiki ŋa ɔwe po som kɔ-e, kɔnɔ kati ɔ yi təteŋ, ɔwa ɔ ba hɛ məkənə.

Mȧyɔs ma aŋsom 10:2

Wuni bȧtho Kuru wɔŋ ɔwe nesa Kuru yi kabɔr kɔŋ bɛ, ɔ sɔŋ ɛboya ɛgbathi ka aŋfəm, ɔwa ɔ ramnɛ Kuru lɔkɔ o lɔkɔ.

Mȧyɔs ma aŋsom 10:31

kɔ pa, Kɔrniliɔs, a təlȧ karamnɛ ka mu, ɔwa Kurɔŋ ɔ nanɛ ɛboya ɛ mu.

Mȧyɔs ma aŋsom 10:4

Ɔwa kɔnɔŋ, ma ɔ kəli kɔ təŋ-e, ɔ nesa ɔ pa, Pa, ko rəka-e? kɔ pa ro ŋɔŋ, Taramnɛ ta mu yi ɛboya ɛ mu ɛ po bek ka Kuru ta ananɛ ta ȧtȧ mu.

Mȧyɔs ma aŋsom 11:29

Ka aŋkarande, ukin o kin mɔ kagbəli kɔŋ kə yi, aŋ botəs tə kəsomra kəmar ka aŋwɔnt aŋa yi ro Yudia.

Mȧyɔs ma aŋsom 24:17

Kərarəŋ ka təren təgbȧthi i der tə kəkara ɛboya ka ȧŋbona a mi, yi yɛt ɛsɔnd.

Mȧyɔs ma aŋsom 9:36

Ukarande ulɔm ɔ yirȧ ro Yɔpa, ȧŋes ŋɔŋ ŋə yi Tabitha, aŋa a tepa kəpa Dɔkas; ɔya ɔwe ɔ la məyɔs məfinɔ yi kəboya kəbana.

AŋRomans 12:8

dɛ yi ɔwe mə maŋ afəm-e, ka kȧmȧŋ kɔŋ; ɔwe mə boya-e, ta ɔ yɔ ti rə ȧmerȧ aselɔ; ɔwe mə gbəka-e ta ɔ yɔ ti rə kəbotnɛ ȧmerȧ; ɔwe mə tɔri ȧney-e, ta ɔ yɔ ti rə məbɔnɛ.

1 AŋKɔrenth 13:3

Ɔwa, hali i yer ɛyɛ i ba tə kəwɔnthər ȧŋmɔnɛ, hali i sɔŋ ȧŋdɛr a mi kȧmȧ a thɔy ŋi-e, bepi i ba hɛ məbɔthər-e, tə naŋfas hɛ mi koko.

AŋKȧletia 2:10

Aŋ yema gbo kȧmȧ sə te pənɛ ȧŋmɔnɛ, ȧtȧy tin tati i la bȧsər yɔ sɔbɛ.

AŋƐfisɔs 4:28

Ɔwe la keya, ta ɔ te sɔ keya, kɛrɛ ka ɔpeskianɛ wati ɔ yi tə kəyɔ məpanth yi mȧta mɔŋ gbeŋ ȧtȧ yi təfinɔ, kȧmȧ ɔ ba rəka tə kəsɔŋ kɔn ɔwe te ba koko.

1 AŋThɛsȧlonika 2:6

Saŋ sə thɛns hɛ ayiki ka afəm a kəpet, ta a pa ras kəwur do rɔnu ama afəm alɔm, hali mɔ asom ŋa Kraystȧŋ, sə ba naŋ mamari mati.

1 Timɔthi 6:18

Maŋ ŋa kȧmȧ aŋ yɔ təfinɔ, dɛ yi kȧmȧ aŋ yi ayola ka mȧyɔs məfinɔ dɛ yi tɛmp tɛmp tə kəsɔŋ ɛboya.

Faylimɔn 1:7

kotȧy-e sə ba məbɔnɛ məbana dɛ yi kəbɛfəth asabu ŋa mabɔthər ma mu, pəkasifɛ mə po bȧkəs tabuth ta aŋfəm ŋa Yisɔs, ɔwɔnt mi.

AŋHibru 13:16

Kɛrɛ te nu pənɛ tə kəyɔ təfinɔ dɛ yi tə kəyerəs ara nə ba kotȧy-e sathka təwunɔŋ tə bɔnɛs Kuru finɔ.

1 Pitar 4:11

Bepi wuni o wuni ɔ kawandi-e, ta pə yi mɔ ɔ fɔf tȧteŋ ta Kuru; bepi wuni o wuni ɔ yɔna ulɔm-e, ta ɔ yɔ ti ka kagbəli ka Kuru, kȧmȧ Kuru ɔ sɔthɔ ayiki salata tȧy o tȧy kətaŋ ka Yisɔs Krayst ɔwe ba kəthɔkəs yi afɔsɔ haŋ thȧnkȧŋ thəbana, Amina.