Mathiu 6:19 - Ȧŋlemrȧnɛ Ȧfu

¹⁹ Te nu thoŋklanɛ tɛŋ ka ȧdȧru ro amɔrka yi magbak mȧ mǝ sɔm ti, dɛ yi akey mǝ aŋ bɛs tǝ kǝkeya.

Mathiu 6:19 Iomraidhean Croise

Mathiu 19:21

Ka Yisɔsȧŋ ɔ pa ro ŋɔŋ, Bepi mǝ yema yi ugbenthis-e, kɔnɛ mǝ thila ara mǝ ba, ɔwa mǝ sɔŋ ȧŋmɔnɛ. Mǝ tǝ ba kɛŋ ro riyana, ɔwa der, mǝ tȧŋ mi.

Mathiu 6:20

Thoŋklanɛ nu gbo tɛŋ ro riyana, ro amɔrka yi mǝgbak mǝ gbǝli hɛ sɔm ti, ɔwa ro akey aŋ te bɛs, aŋ keya.

Luk 12:21

Ya ɔwuni ɔ yi ɔwe mə bɛnɛnɛ ɛyɛt ɛkɛŋ ta kɔn kɔnɔnɛ, ɔwa ɔ yi hɛ uyola ka ȧŋgbȧp ŋa Kuru.

Luk 12:33

Thila ɛyɛ nə ba, ɔwa sɔŋ ɛboya ka ȧŋmɔnɛ, bɛmpanɛ nu ɛbuthu ɛyɛ mə te kura, kɛŋ ka ro riyana ȧke mə te poŋ ro ukei ɔ te fat ɔwa amɔrka aŋ te ləsər.

Luk 12:39

Tara nu kəpa bepi kɔn ɔwe ba ȧŋseth ɔ tȧrȧ ȧŋlɔkɔ aŋa ɔkei mɔ der-e, ɔ tə sɔkɔ naŋ, ɔwa ɔ selɔ hɛ naŋ kəpa a bɛs ȧŋseth ŋɔŋ.

Luk 18:22

Ɔwa ma Yisɔs ɔ təl ti-e, ɔ pa ro ŋɔŋ, Tȧy tin tȧ mə paŋ ras; thila ɛyɛt bɛ ɛyɛ mə ba, mə yerəs yi ka aŋfəm amɔnɛ, ɔwa mə tə sɔthɔ kɛŋ ro riyana. Ɔwa der, mə tȧŋ mi.

Luk 18:24

Ma Yisɔs ɔ nənk ȧte-e, ɔ pa, Pə tə yi ɔbaki mədɛr ta ŋaŋ aŋa ba tɛŋ təbana tə kəwɔŋ ka rȧbȧy ra Kuru!

1 Timɔthi 6:17

Maŋ ŋaŋ aŋa ba rəyola ka ȧdȧru are kȧmȧ aŋ te ba kəbonɛ tȧy, ɔwa kȧmȧ aŋ te gbak ȧmerȧ ka rayola ara ba kəpoŋ, kɛrɛ ka ɔKuru ukəli, ɔwe po sɔŋ su tȧy o tȧy təfinɔ ta mabɔnɛ ma su.

AŋHibru 13:5

Yi nu kəyaŋkaŋ kǝwur ka mafela ma akala-e; ɔwa ta ara nə ba rə yi rəbeki nu; kotȧy-e Kuru kɔn kɔnɔnɛ ɔ po pa, I gbəli hɛ thȧnkȧŋ tey nu, thalɔm i gbapɛ nu.