Mathiu 6:13 - Ȧŋlemrȧnɛ Ȧfu

¹³ Te su wɔŋȧ rǝ tȧy tǝgbɔns kɛrɛ wurɔ su ka mətȧy mǝlǝs; ȧtesoma-e munɔ ba rȧbȧy yi aŋfɔsɔ yi aŋyiki thȧnkȧŋ thǝbana, Amina.

Mathiu 6:13 Iomraidhean Croise

Mathiu 26:41

Kǝlɛnɛ nu, ɔwa ramnɛ nu kȧmȧ nǝ te wɔŋ rǝ tȧy tǝgbɔns; ȧŋmerȧ aŋ selɔ tɛntɛnɛ, kɛrɛ aŋdɛr a rant.

Mathiu 28:20

ɔwa thǝksa ŋa tǝ kǝwop mȧtȧy bɛ ama i po yamari nu. Ɔwa minɛȧŋ i yi yi naŋȧŋ alɔkɔ o lɔkɔ, haŋ ka ɔthalnɛ wa ȧdȧru. Amina.

Mathiu 5:37

Kɛrɛ ta mapa ma mu mǝ yi Yao, Yao, thalɔm Yi thahɔ, Yi thahɔ; kotȧy-e tȧy o tȧy ȧte thas ȧte tǝ wur ka ɔlǝs.

Mathiu 6:10

Kaŋkɔ rȧbȧy ra mu rǝ bek. Kaŋkɔ mȧselɔ ma mu mǝ yɔnɛ nɔru mɔ mǝ mǝ yɔnɛ ro riyana.

Yɔn 17:15

I ramnɛ hɛ kȧmȧ mə wurɔ ŋa ka ȧdȧru, kɛrɛ kȧmȧ mə bumər ŋa ka maləs.

1 AŋKɔrenth 10:13

Agbɔns o gbɔns aŋ gbəli hɛ derər nu thambe ara mə der ka wuni o wuni kəpet; kɛrɛ Kuru ɔ yi ubɔthi lanɛ, ɔwa ɔ ba hɛ kəselɔ a gbɔns nu pəthas ȧtȧ nə gbəli, kɛrɛ ma aŋgbɔns aŋ bek-e, ɔ tə kanthi roŋ dəgbukɛ kȧmȧ nə gbəli muyu.

1 AŋKɔrenth 14:16

Bepi pə yi hɛ ti-e, ma mə ruba ŋa rɛ yi ȧŋmerȧ a mu-e, to kɔnɔ ɔwe te tȧrȧ ɔ gbəli pa, Amina, ka kamuti ka mu mɔmɔ-e, ma pə sɔk hɛ kɔ ȧtȧ mə pa-e?

2 AŋKɔrenth 1:20

kotȧy-e ɛlahiri ya Kuru bɛ ɛ yi Yao do rɔŋɔŋ, dɛ yi Amina do rɔŋɔŋ, kəkɔ ka aŋyiki ŋa Kuru kətȧŋȧnɛ kȧsu.

AŋKȧletia 1:4

ɔwe sɔndnɛ ta ɛhakɛ ɛ su, kȧmȧ ɔ tafi su ka ȧdȧru rələs are, mɔ mə mȧselɔ ma Kuru yi ɔKas kȧsu mə yi;

1 AŋThɛsȧlonika 1:10

dɛ yi tə kəkar ɔWan kɔŋ kəwur ro riana-e, ɔwe ɔ po yokas ka rafi, pə yi mɔ-e Yisɔs ɔwe po kisis su ka rabaŋ ara ba kəder.

2 AŋThɛsȧlonika 3:3

Kɛrɛ ɔMarki ɔ yi ubɔthi lanɛ, ɔ tə yɔ nu nə təmȧ kəŋkəŋ, ɔwa ɔ tə kȧl bumər nu sɔ ka mȧtȧy mələs.

1 Timɔthi 1:17

Ɔwa ka-ake, ta ɔBȧy ka thəbana, ɔwe te fi, ɔwe sə te nəŋka rəfɔr, ɔKuru utempi son, ta ɔ sɔthɔ yiki yi kəkolo thȧnkȧŋ thəbana, Amina.

AŋHibru 11:36

Ɔwa a mɛmər alɔm rə məsel mələs, ka a sap ŋa yi rəkɛt, yao a tand ŋa rə tɔrɛntha ka ȧŋseth ȧtərənkȧ;

1 Pitar 5:8

Yi nu na agbɛt, na abumnɛ; kotȧy-e ɔtheranɛ ka nu, Sethani, ɔ yanthənɛ mɔ ȧsoyla ubaŋ, kȧmȧ ɔ thɛns ɔwe mɔ gbȧri gbȧri.

2 Pitar 2:9

Bepi ȧte bɛ tə yi-e, ɔMarki ɔ tȧrȧ tə kərɔkri aŋfəm alompi ka agbɔnsanɛ, ɔwa ɔ tȧrȧ tə kəbɛnɛ aŋfəm aləs ta ȧŋrey ŋa karɔk ɛpa tə kəthalər ŋa.

1 Yɔn 3:8

Ɔwe mə yɔ ahakɛ ɔ yi ka Sethani; kotȧy-e Sethani ɔ po yɔ ahakɛ kȧbi ka ɔtəpɛr. Ɔwa ta ȧte tə ɔWan ka Kuru ɔ der, kȧmȧ ɔ dim mapanth ma Sethani.

Kȧŋȧibinɛ 1:18

Minɛ yi ɔKəli thȧbana; i po fi, kɛrɛ kəla i kȧl po ba aŋesəm haŋ thəbana, Amina. Minɛ i ba masapɔ ma ro kərəfi dɛ yi rȧfi.

Kȧŋȧibinɛ 19:1

Kədarəŋ ka mȧtȧy ame-e, i təlȧ sim təbana ta afəm agbȧthi ro riyana, kaŋ pa, Aleluya; kəkisi, yi ayiki, dɛ yi afɔsɔ ɛ yi ka ɔMarki ɔKuru kȧsu;

Kȧŋȧibinɛ 19:4

Ka aŋbȧki kəgba ŋanlɛ dɛ yi ɛwuka akəli ŋanlɛ aŋ sanɛ ro thɔf, kaŋ bȧtho Kuru ɔwe yirȧ ka kawaŋ ka rȧbȧy, kaŋ pa, Amina, Aleluya.

Kȧŋȧibinɛ 2:10

Te nesa tȧy o tȧy ȧtȧ mȧ mə ba kənakasi. Sethani ɔ tə fak alɔm kətɔŋ ka mu ka ȧŋseth ȧtərənkȧ kȧmȧ a mɛm mu, ɔwa mə tə sompanɛ mərey tɔfɔt. Ta mə yi ubɔthi lanɛ haŋ ka rȧfi, ɔwa minɛ i ti sɔŋ mu ȧniyɔ ŋa aŋesəm.

Kȧŋȧibinɛ 21:4

Ɔwa Kuru ɔ tə nasi ȧmȧntər bɛ ka ɛfɔr yaŋ. Rəfi rə ba hɛ sɔ kəyi. Ɔwa ɔnɔsinɛ-o, kəbok-o, ta a pa ras ɔbaŋ-o, ɛ ba hɛ sɔ kəyi hali. Kotȧy-e mȧtȧy mətɔtɔkɔ mə po thas.

Kȧŋȧibinɛ 3:10

Kȧbi munɔ mə po bɛnɛ ȧrim ra mi-e, tȧsom minɛ sɔ i ti bɛnɛ mu ka ȧŋlɔkɔ ŋa kamɛmər aŋa mə der ka ȧdȧru bɛ tə kəmɛm aŋfəm nɔru.

Kȧŋȧibinɛ 3:14

Gbal ka ɔkəlianɛ ka aŋchɔch ŋa ro La-odishiya kəpa ye, Ȧsim ta ɔwe yi ɔSeri utəteŋ, ɔTəpi ka ɛyɛt ɛbɛmpa ya Kuru, ti ȧte.

Kȧŋȧibinɛ 5:13

Ka rəka o rəka bɛ ro riyana, yi ka ȧdȧru, yi ratha ka ȧdȧru, yi ro bȧŋ, dɛ yi koko bɛ ara yi ri, i təl ma aŋ pa-e, Aruba-o, ayiki-o, kȧthɔkəs-o, dɛ yi aŋfɔsɔ ɛ yi do rɔŋɔŋ ɔwe yirȧ ka kawaŋ ka rȧbȧy, yi ka kaLɔmɛ kəfɛth thȧnkȧŋ o thȧnkȧŋ.