Mathiu 6:10 - Ȧŋlemrȧnɛ Ȧfu

¹⁰ Kaŋkɔ rȧbȧy ra mu rǝ bek. Kaŋkɔ mȧselɔ ma mu mǝ yɔnɛ nɔru mɔ mǝ mǝ yɔnɛ ro riyana.

Mathiu 6:10 Iomraidhean Croise

Mathiu 12:50

Ȧtesoma-e wuni o wuni ɔwe mǝ yɔ mȧselɔ ma ɔKas kȧmi ɔwe yi ro riana-e, kɔnɔ yi ɔwɔnt mi uruni yi ɔwɔnt mi ubɛra dɛ yi ɔkara kȧmi.

Mathiu 16:28

Tɛntɛnɛ i kanɛ nu, alɔm aŋ tǝma nɔ aŋa te ba kǝnǝŋk rǝfi, haŋ aŋ nənk ɔWan ka wuni ɔ der ka rȧbȧy rɔŋ.

Mathiu 26:42

kɔ kȧl kɔnɛ kǝbeka marǝŋ, ɔ ramnɛ, ɔ pa, O Pa kȧmi, bepi aŋe aŋ gbǝli hɛ painɛ mi thambe i mun ŋi-e, ta mȧselɔ ma mu mǝ yɔnɛ.

Mathiu 3:2

Thupi nu, kotȧy-e rȧbȧy ra ro riyana rǝ po fat.

Mathiu 4:17

Kǝtəp ka ȧŋlɔkɔ ŋati Yisɔsȧŋ ɔ tǝp kǝtam, ɔ pa, Thupi nu kotȧy-e rȧbȧy ra ro riyana rǝ po fat.

Mathiu 7:21

Pǝ yi hɛ wuni o wuni ɔwe mǝ pa ro mi, Pa, Pa, kɔnɔ mǝ wɔŋ ka rȧbȧy ra ro riyana, kɛrɛ ŋaŋ gbo son aŋa mǝ yɔ mȧselɔ ma ɔKas kȧmi ɔwe yi ro riyana.

Mark 11:10

aruba aŋ yi ka rȧbȧy ara mə derȧŋ, rȧbȧy ra ɔkas kȧsu Debidȧŋ. Hosana rokɔm kɔm.

Mark 3:35

Ȧtesoma-e wuni o wuni ɔwe mə yɔ mȧselɔ ma Kuru-e kɔnɔ yi ɔwɔnt mi runi, yi ɔwɔnt mi bɛra, yi ɔkara kȧmi.

Luk 19:11

Maŋ təl mȧtȧy ame-e, Yisɔs ɔ bȧr fɔf alomɔ pəkasifɛ ɔ po fat ro Yerusalɛm, kaŋ nanɛ kəpa rȧbȧy ra Kuru rə tə tɔrinɛ ɔlɛmp wati.

Luk 19:38

kaŋ pa, Ubȧy uruba wɔŋ ɔwe mə der ka ȧŋes ŋa ɔMarki; məthɔfəl ro riyana, ɔwa yiki rokɔm kɔm.

Luk 22:42

ɔ pa, Pa, bepi mə selɔ-e, tɔŋa ampɔthi aŋe ro mi, kɛrɛ ta pə te yi mȧselɔ ma mi, kɛrɛ ama mu mə yɔnɛ.

Yɔn 4:34

Yisɔsȧŋ ɔ pa ro ŋaŋ, Ɛdi ɛ mi ɛ yi tə kəyɔ mȧselɔ ma ɔwe som mi, yi tə kəpons mapanth mɔŋ.

Yɔn 6:40

kotȧy-e mȧselɔ ma ɔwe som mi mi ame, kəpa wuni o wuni ɔwe mə nənk ɔWan, ɔwa ɔ lanɛ kɔ, ɔ tə sɔthɔ aŋesəm thəbana, ɔwa i ti yokas kɔ ka ȧŋrey aləpsɔ.

Yɔn 7:17

Bepi wuni o wuni ɔ selɔ tə kəyɔ mȧselɔ mɔŋ-e, ɔ tə tȧrȧ ta kathəksa, bepi kə wur ka Kuru, thalɔm bepi i fɔf kəwur ka ȧŋmerȧ a mi son.

Mȧyɔs ma aŋsom 13:22

Ɔwa ma ɔ po wurɔ kɔ ka matəma mɔŋ-e, ɔ təmər Debid tə kəyi ɔbȧy ka ŋaŋ, ta ɔwe ɔ seri sɔ kəpa-e, I po fir Debid ɔwan ka Yɛsi, ɔwuni ɔwe i bɔthər, ɔwe mə yɔ mȧselɔ ma mi bɛ.

Mȧyɔs ma aŋsom 21:14

Ɔwa ma ɔ te selɔ gbasi kəŋal ka su-e, sə tey, sə pa, Ta mȧselɔ ma Kuru mə yɔnɛ.

Mȧyɔs ma aŋsom 22:14

kɔ pa, ƆKuru ka aŋkas a su, ɔ po thith mu tə kətara mȧselɔ mɔŋ dɛ yi tə kənəŋk ɔWuni lompi, ɔwa tə kətəl ȧrim ra kȧsəŋ kɔŋ.

AŋRomans 12:2

Te taŋanɛ mȧtȧy ma ȧdȧru ȧre, kɛrɛ lafthɛ kȧmȧ ɛmerȧ ɛ nu ɛ səkɛ ɛfu, kȧmȧ nə gbɛlɛŋ mȧselɔ ma Kuru ama yi məfinɔ, məthesa yi məgbenthis.

AŋƐfisɔs 6:6

Ta pə te yi rə kəyɔna gbo ro der ka ŋaŋ kəri, mɔ ŋaŋ aŋa mə yɔr tə kəbɔnɛs afəm. Kɛrɛ ta pə yi mɔ ɛbɔy ya Krayst aŋa mə yɔ mȧselɔ ma Kuru ka ɛmerȧ yaŋ.

AŋKɔlɔsi 1:13

ɔwe po wurɔ su ka aŋfɔsɔ ŋa asum, kɔ po wɔŋȧ su ka rȧbȧy ra ɔWan ka mabɔthər mɔŋ.

AŋKɔlɔsi 1:9

Ȧtesoma-e saŋ sɔ, kȧbi ka ȧŋrey aŋa sə po təl ti-e, sə tey hɛ bɛ tə kəramnɛ dɛ yi kənɛmthɛnɛ ta ȧtȧ nu, kaŋka nə la yi kȧtȧrȧ ka mȧselɔ mɔŋ, rə kətemp dɛ yi kətara tȧy bɛ rə ɔYina.

1 AŋThɛsȧlonika 4:3

kotȧy-e mȧselɔ ma Kuru, miyȧŋ, hali kasəməs ka nu, kȧmȧ nə te yɔ kərəp.

1 AŋThɛsȧlonika 5:18

Sɔŋ mɔmɔ rə tȧy o tȧy, kotȧy-e mȧselɔ ma Kuru kətȧŋȧnɛ ka Krayst Yisɔs ta ȧtȧ nu miəŋ.

AŋHibru 1:14

Aŋmȧleka bɛ aŋ yi hɛ gbo ɛyina ɛyɛ yɔna Kuru-i, ɛyɛ ɔ som tə kəmar ŋaŋ aŋa mə re sɔthɔ kəkisi-i?

AŋHibru 10:36

kotȧy-e nə ba tə kəmuyu, kȧmȧ ma nə po yɔ mȧselɔ ma Kuru-e, nə tə sɔthɔ aŋlahiri:

AŋHibru 10:7

Ka ȧŋlɔkɔ ŋati i pa, Kəla i po der Tə kəyɔ mȧselɔ ma mu ɔKuru, Mɔ mə a po gbal ta salata minɛŋ ka ȧkȧfȧ kəsəm.

AŋHibru 13:21

ɔ yɔ nu nə yi agbenthis rə tȧy o tȧy təfinɔ, tə kəyɔ mȧselɔ mɔŋ, kȧmȧ ɔ yɔ mapanth rokor ka nu ama mə mar nu tə kəbɔnɛs kɔ, kətȧŋȧnɛ ka Yisɔs Krayst; ɔwe ba ayiki thȧnkȧŋ o thȧnkȧŋ. Amina.

1 Pitar 2:15

Ȧtesoma-e mȧselɔ ma Kuru miəŋ, kəpa ye nə yi tə kəkantha tasəŋ ta ante tȧrȧ rə kəyɔ məfinɔ,

1 Pitar 4:2

kȧmȧ ɔ te sɔ yirȧ ka marey ma aŋesəm ŋɔŋ bɛ tə kəthənsər mafela ma madɛr, kɛrɛ tə kəyɔ mȧselɔ ma Kuru.

Kȧŋȧibinɛ 11:15

Ɔmaleka ɔwe bekȧ tȧmthədɛrəŋ ɔ fɛŋ, ka sim təbana tə yi ro riyana ȧtȧ pa, Tabȧy ta ȧdȧru are tə po səkɛ rȧbȧy ra ɔMarki kȧsu, dɛ yi ɔKrayst kɔŋ. Ɔwa kɔnɔ ba kəgbəka thȧnkȧŋ o thȧnkȧŋ.

Kȧŋȧibinɛ 12:10

Ka i təlȧ rim rəbana ro riyana rə pa, Kakisi, yi aŋfɔsɔ, yi rȧbȧy ra ɔKuru kȧsu rə po der, yi aŋfɔsɔ ŋa kagbəka ka ɔKrayst kɔŋ; kotȧy-e a po wurɔ ɔkanɛ ɔwe mə kanɛnɛ aŋwɔnt su pali gbɛs rodi ka ɔKuru kȧsu.

Kȧŋȧibinɛ 19:6

Ka i təlȧ mɔ ȧsim ta runiya rəbana, dɛ yi mɔ katɔŋa ka kəthəntha, dɛ yi mɔ sɛŋ təbana, kaŋ pa, Aleluya; pəkasifɛ ɔMarki ɔKuru kȧsu ka afɔsɔ bɛ ɔ po sɔthɔ rȧbȧy.

Kȧŋȧibinɛ 20:4

Ka i nənk təwaŋ ta rȧbȧy, ɔwa a sɔŋ ŋaŋ aŋa yirȧ ri afɔsɔ tə kəthoŋkas; ka i nənk ɛŋesəm ya ŋaŋ aŋa a la gbetha təbomp salata maseri ma Yisɔs yi ta ȧrim ra Kuru, pəkasifɛ aŋ la kasi tə kəbatho ɔsɛm utuy tȧy thalɔm mȧbȧlȧnɛ mɔŋ, kaŋ la pɛnsa sɔ aŋlomar ŋɔŋ ka mabuŋ maŋ, ɔwa aŋ kȧl yi akəli sɔ, kaŋ gbəka dɛ yi Kraystȧŋ təren awul ŋin.