Mathiu 6:1 - Ȧŋlemrȧnɛ Ȧfu

¹ Botnɛ nu kȧmȧ nǝ te yɔ mȧlompi ma nu rodi ka aŋfǝm kȧmȧ aŋ nənk nu. Bepi pǝ yi yaŋ-e, nǝ sɔthɔ hɛ ȧrȧm kǝwur ka ɔKas ka nu ɔwe yi ro riyana.

Mathiu 6:1 Iomraidhean Croise

Mathiu 16:27

kotȧy-e ɔWan ka wuni ɔ tǝ der ka aŋyiki ŋa ɔKas kɔŋ yi aŋmȧleka ŋɔŋ. Ɔwa ka ȧŋlɔkɔ ŋati ɔ tǝ sɔŋ wuni o wuni amɔlɔ ma mȧyɔs mɔŋ mǝ yi.

Mathiu 16:6

Ka Yisɔs ɔ pa ro ŋaŋ, Botnɛ nu, ɔwa pɛndaf nu ɛgbith ya aŋFarisi yi aŋSadusi.

Mathiu 23:13

Kɛrɛ mɔnɛ ro nu naŋ akarmɔkɔ yi aFaresi, amunafaki! Ȧtesoma-e nǝ kantha rȧbȧy ra ro riyana ka aŋfǝm. Kotȧy-e naŋ nǝ wɔŋ hɛ, ɔwa nǝ selɔ hɛ ŋaŋ aŋa yema tǝ kǝwɔŋ, aŋ wɔŋ.

Mathiu 23:5

Mȧyɔs maŋ bɛ aŋ yɔ ma kȧmȧ afǝm aŋ nənk ma. Aŋ bondǝs mȧbani maŋ, aŋ bondǝs ɛlɛmpɛ ya ȧsuma taŋ.

Mathiu 25:40

Ɔwa ɔbȧy ɔ tǝ pa ro ŋaŋ, Tɛntɛnɛ i kanɛ nu kǝpa, kǝbi ma nǝ po yɔ yi ka ukin ka aŋwɔnt mi-e, hali aŋlɔl lɔl aŋe-e, nǝ po yɔ ti ro rɔmi.

Mathiu 5:16

Yɔ nu kȧmȧ ȧŋmothȧ a nu aŋ gbɛntha rodi ka aŋfǝm, kȧmȧ aŋ nənk mȧyɔs ma nu mǝfinɔ, ɔwa aŋ yikis ɔKas ka nu ɔwe yi ro riyana.

Mathiu 5:46

Ȧtesoma-e bepi nǝ bɔthǝr gbo aŋa bɔthǝr nu-e, ko ȧrȧm naŋ mǝ nǝ sɔthɔ-e? Yaŋ tha aŋthoŋkla ɛfȧk aŋ yɔ sɔ-e?

Mathiu 5:48

Tiyȧŋ yi nu agbenthis mɔ mǝ ɔKas ka nu ɔwe yi ro riyana ɔ yi ugbenthis.

Mathiu 6:16

Ɔwa ma pǝ thas ri-e, bepi nǝ wop asum-e, te nu suma mɔ aŋyɔr; kotȧy-e aŋ lǝsǝr aser taŋ kȧmȧ aŋfǝm aŋ nənk kǝpa aŋ wop asum. Tǝ tɛntɛnɛ i kanɛ nu kǝpa aŋ po sɔthɔ ȧŋrȧm ŋaŋ.

Mathiu 6:9

Tiyȧŋ ramnɛ nu yaŋ; ƆKas kȧsu ɔwe yi ro riyana, kanka ȧŋes a mu aŋ yi ȧsǝm.

Mark 8:15

kɔ maŋ ŋa kȧmȧ aŋ botnɛ, ɔ pa, Pɛndaf nu ɛgbith ya aŋFarisi yi ɛgbith ya Hɛrɔd.

Luk 11:35

Tiyȧŋ kəli bepi ȧŋmothȧ aŋa yi mu rokor aŋyi hɛ asum.

Luk 12:1

Ka ȧŋlɔkɔ ŋati, ma afəm ɛwul ɛgbathȧ aŋ thoŋklanɛ rɔkin haŋ aŋ nasanɛ, Yisɔsȧŋ ɔ mɔtha təp tə kəfɔfanɛ aŋkarande ŋɔŋ, ɔ pa, Botnɛ nu ta ɛgbith ya aŋFarisi, ɛyɛ yi rəmunafaki

Luk 12:15

kɔ pa ro ŋaŋ, Botnɛ nu, ɔwa bumnɛ nu ta ɛfɔr ɛyamari, ȧtesoma-e aŋesəm ŋa wuni aŋ yi hɛ ka mȧyɛt məgbathi ama ɔ ba.

Luk 16:15

kɔ pa ro ŋaŋ, Naŋ nə yema yɔ kȧmȧ afəm aŋ nənk nu alompi kɛrɛ Kuru ɔ tȧrȧ ɛmerȧ ɛ nu, kotȧy-e ȧte aŋfəm mə aŋ wop mɔ tȧy təbana tə yi təfarkɛ rodi ka Kuru.

Yɔn 12:43

kotȧy-e aŋ bɔthər aŋyiki ŋa aŋfəm pəthasi aŋyiki ŋa Kuru.

Yɔn 5:44

To mə nə gbəli lanɛ-e, ma mə nə sɔthɔ ayiki wuni kin ka ulɔm-e, kɛrɛ nə thɛns hɛ aŋyiki aŋa wur ka Kuru son-e?

Mȧyɔs ma aŋsom 3:12

Ma Pitaŋ ɔ ŋaŋk ti-e, ɔ pa ka aŋfəm, Naŋ afəm ŋa Isrɛl, kɔyɛŋ mə nə kabanɛ ȧte-e? Thalɔm kɔyɛŋ mə nə kəli su teŋ mɔ pə yi mɔ ka aŋfɔsɔ a su thalɔm ka rasəm ra su sə yɔ ɔlaŋgba ɔwe ɔ kɔth-e?

AŋKȧletia 6:12

Afəm aŋa yema tɔrinɛ ka madɛr ma rawuni kəpet-e, ŋa korakora nu kȧmȧ a birons nu; kɛrɛ a yɔ ti gbo kȧmȧ a te ŋa sɔmpar salata akənt kəpəŋkinɛ ka Krayst.

AŋHibru 11:26

Ɔ nanɛ kəpa kənakasi salata Krayst kə yi rəyola pəthasi atɛŋ bɛ ta ro Iyipt, ȧtesoma-e ɔ kəlianɛ ta ȧŋrȧm aŋa yi ro kəri.

AŋHibru 2:1

Tȧsom sə yi tə kəbot ɛmerȧ ɛ su ɔbaksər ka tapa ȧtȧ sə po təl ta thani tə kathɛ su.

AŋHibru 6:10

kotȧy-e, Kuru ɔ ba hɛ məkənə tə kəpənɛ mapanth ma nu ma mȧbɔthər ama nə poŋ tɔri salata ȧŋes ŋɔŋ, ma nə po mar aŋfəm ŋɔŋ, ɔwa nə kȧl mar ŋa sɔ haŋ ka-ake.

2 Yɔn 1:8

Bumnɛ nu, kȧmȧ nə te dim ȧtȧ nə po yɔ kɛrɛ kȧmȧ nə sɔthɔ ȧrȧm agbenthis.