Mathiu 5:7 - Ȧŋlemrȧnɛ Ȧfu

⁷ Aruba ŋaŋ aŋa ba ȧney, kotȧy-e a tǝ ba ŋa ȧney.

Mathiu 5:7 Iomraidhean Croise

Mark 11:25

Ɔwa alɔkɔ o lɔkɔ bɛ nə təmȧ rə kəramnɛ-e, bepi nə ba tȧy o tȧy yi wuni, tera kɔ; kȧmȧ ɔKas ɔwe yi ro riyana ɔ tera nu mȧyɔs ma nu mələs.

Luk 6:35

Tiyȧŋ bɔthər aŋtheranɛ a nu, yɔ ŋa ɔfinɔ, bɔ ŋa kate gbak ȧmerȧ tə kəkal sɔthɔ; ɔwa ȧŋrȧm a nu aŋ tə yi abana, ɔwa nə tə yi aŋwuth ŋa ɔBɔli rəkɔm. Kotȧy-e ɔ yɔ ɔfinɔ ka aŋfisrəwali yi aŋləs.

AŋRomans 11:30

mɔlɔ min mɔ naŋ nə la kasi tə kətəl ȧrim ra Kuru Məsaba; kɛrɛ ka-ake nə po sɔthɔ ȧney asabu ŋa kakasi ka aŋYuda.

1 AŋKɔrenth 7:25

Ɔwa salata aŋfanɛ-e, i ba hɛ ti ayamari ŋa ɔMarki, kɛrɛ i sɔŋ ȧŋnanɛ a mi, mɔlɔ ma wuni ɔwe yi ubɔthi lanɛ salata ȧŋney ŋa ɔMarki.

2 AŋKɔrenth 4:1

Tiyȧŋ ma pə yi ti-e, sə ba kabȧtho ake, mɔ mə sə po thɔŋ sɔthɔ ȧney-e, sə thamrɔ hɛ;

AŋƐfisɔs 4:32

ɔwa ba nu məthɔth dɛ yi ȧney ɔkin ka ulɔm; tera nu ukin dɛ yi ulɔm mɔlɔ min mɔ mə Kuru ɔ poŋ tera nu salata Krayst.

AŋKɔlɔsi 3:12

Te ba ti, mɔ anthith ŋa Kuru, asəm dɛ yi abɔthər-e, wɔŋ nu ȧŋmerȧ ŋa ȧney, məthɔth, ȧmerȧ athoranɛ, athɔfəl, dɛ yi kəmuyu kəwoni.

1 Timɔthi 1:13

minɛ ɔwe la yi wuni ŋamnɛ Kurɔŋ dɛ yi wuni thalər aŋchɔch, ka i la ləsər ɛpa yɔŋ bɛ. Kɛrɛ i po sɔthɔ ȧney pəkasifɛ i yɔ ti ka kȧte tȧrȧ yi kȧte lanɛ.

1 Timɔthi 1:16

Kɛrɛ a nəŋka mi ȧney, minɛ ɔwe tha yi uləs bɛ, kȧmȧ Yisɔs Krayst ɔ gbəli tɔri kamuyu kɔŋ kəwoni, mɔ amɔl ta ȧtȧ ŋaŋ aŋa ba kəlanɛ kɔ kədarəŋ kati, salata aŋesəm thəbana.

AŋHibru 4:16

Tiyȧŋ maŋ der nu yi təbuth təbaki ka kawaŋ ka rȧbȧy ra ȧŋboŋa-e, kȧmȧ sə gbəli sɔthɔ ȧney, dɛ yi kəmar ka ȧŋlɔkɔ ŋa kapaŋ kȧsu.

AŋHibru 6:10

kotȧy-e, Kuru ɔ ba hɛ məkənə tə kəpənɛ mapanth ma nu ma mȧbɔthər ama nə poŋ tɔri salata ȧŋes ŋɔŋ, ma nə po mar aŋfəm ŋɔŋ, ɔwa nə kȧl mar ŋa sɔ haŋ ka-ake.

Yeməs 2:13

kotȧy-e ɔwe mə te tɔri ȧney ɔ tə sɔthɔ mətheri ama te ba ȧney; kɛrɛ ȧney aŋ tə tham kəthoŋkas.

Yeməs 3:17

Kɛrɛ kȧtemp ka rəbaki ȧke wur rokɔm kətɔtɔkɔ bɛ kə yi kəfera, kədarəŋ kati kə yi kəthɔfəl, kərusəma finɔ, kətuy hɛ nɛmthɛnɛ, kəla ȧney, kəba məkomi məfinɔ, kəte ba agbȧy, kəte ba ayaŋfa.

1 Pitar 2:10

Ka ɔtɔtɔkɔ nə la hɛ yi afəm, kɛrɛ ka-ake nə yi thɔŋ aŋfəm ŋa Kuru; ka ɔtɔtɔkɔ-e, nə la hɛ sɔthɔ ȧney, kɛrɛ ka-ake nə po thɔŋ sɔthɔ ȧney.