Mathiu 5:39 - Ȧŋlemrȧnɛ Ȧfu

³⁹ kɛrɛ minɛȧŋ i pa ro rɔnu, Te kasi mǝlǝs. Bepi wuni o wuni ɔ gbantha mu ka aŋkos ȧdiyɔ-e, lȧfthɛ kɔ aŋlɔm sɔ.

Mathiu 5:39 Iomraidhean Croise

Mathiu 5:40

Ɔwa bepi wuni o wuni ɔ kera mu ro bare-e, ɔwa ɔ nɔy mu aruma ra mu-e, yɔ kȧmȧ ɔ ba sɔ kafɔl ka mu.

Luk 22:64

Ɔwa maŋ po gbəpər ɛfɔr yɔŋ-e, aŋ gbantha kɔ ro der, aŋ pa, Tɔri su ba, kanɛ gbantha mu-e?

Luk 6:7

Ɔwa aŋkarmɔkɔ yi aŋFarisi aŋ kəli kɔ, bepi ɔ tə gbəli yenkəs kɔ ka aŋsabath, kȧmȧ aŋ gbəli fir roŋ tə kəgbanthir kɔ.

Yɔn 18:23

Yisɔs ɔ pa, Bepi i po fɔf ɔləs-e, seri ta taləs tati, kɛrɛ bepi ɔlompi-e, kɔyɛŋ mȧ gbantha mi-a?

1 AŋKɔrenth 6:7

Tɛntɛnɛ məthɛkɛ mə yi kətɔŋ ka nu ma uwɔnt ɔ kera uwɔnt ro bare. Kɔyɛŋ mə nə te muyu mələs-e? Ɔwa kɔyɛŋ mə nə te selɔ aŋ yɔ nu kansoŋ-e?

1 AŋThɛsȧlonika 5:15

Kəli ti nu kȧmȧ wuni o wuni ɔ te kala tələs ta tələs; kɛrɛ tȧŋ nu mȧtȧy məfinɔ lɔkɔ o lɔkɔ ukin ka ulɔm, dɛ yi ka afəm bɛ.

AŋHibru 12:4

Nə tha tim hɛ ras haŋ a loŋ mətir, tə kəŋamnɛ ahakɛ.

Yeməs 5:6

Nə po sɔŋ mətheri ka nə po dif ɔlompi; kɛrɛ ɔ kasi hɛ nu.

1 Pitar 3:9

Te nu kala ɔləs ta ɔləs, thalɔm kənal ta kənal; kɛrɛ kala aruba, pəkasifɛ nə tȧrȧ kəpa a po muti nu tə kəsɔthɔ aruba.