Mathiu 5:37 - Ȧŋlemrȧnɛ Ȧfu

³⁷ Kɛrɛ ta mapa ma mu mǝ yi Yao, Yao, thalɔm Yi thahɔ, Yi thahɔ; kotȧy-e tȧy o tȧy ȧte thas ȧte tǝ wur ka ɔlǝs.

Mathiu 5:37 Iomraidhean Croise

Mathiu 13:19

Bepi wuni o wuni ɔ tǝl ȧrim ra rabȧy-e, ɔwa pǝ sɔk hɛ kɔ-e, Sethani ɔ der, ɔ kathi kɔ ȧte a po sak ka ȧŋmerȧ ŋɔŋ. Ɔwe-e, kɔnɔ a sak ro roŋ dayɛr.

Mathiu 13:38

Ɔwa akɔr-e, kǝ yi ȧdȧru. Mater mǝfinɔ mǝ yi aŋwuth ŋa rȧbȧy, kɛrɛ kapika kǝ yi aŋwuth ŋa ɔwuni lǝs.

Mathiu 15:19

Ȧtesoma-e ɛnanɛ ɛlǝs-o, kǝdifǝth-o, kǝrǝp-o, rǝkeiyo, mǝseri ma rǝyem-o yi kǝfɔf Kuru ɔlǝs-e, ɛ wur ka ȧŋmerȧ.

Mathiu 5:36

Te gbiŋ ka rȧbomp ra mu, pǝkasifɛ mǝ gbǝli hɛ sǝki rafon ra mu rin rǝfera thalɔm rǝbi.

Mathiu 6:13

Te su wɔŋȧ rǝ tȧy tǝgbɔns kɛrɛ wurɔ su ka mətȧy mǝlǝs; ȧtesoma-e munɔ ba rȧbȧy yi aŋfɔsɔ yi aŋyiki thȧnkȧŋ thǝbana, Amina.

Yɔn 17:15

I ramnɛ hɛ kȧmȧ mə wurɔ ŋa ka ȧdȧru, kɛrɛ kȧmȧ mə bumər ŋa ka maləs.

Yɔn 8:44

Nia nə yi ka ɔkas ka nu Sethani, ɔwa ɛfela ya ɔkas ka nu yɛ nə yema yɔ. Ɔ yi udif kȧbi ka katəp, ɔ təmȧ hɛ ka tȧteŋ, pəkasifɛ tȧteŋ tə yi hɛ ro ŋɔŋ. Ma ɔ fɔf rəyem-e, ɔ fɔf ta atɔŋ: ȧtesoma-e uyem wɔŋ, yi ɔkas kati.

AŋƐfisɔs 4:25

Tiyȧŋ gbapɛ nu rəyem, ɔwa ta wuni o wuni ɔ fɔf tȧteŋ ka ɔfatanɛ kɔŋ; ȧtesoma-e sə yi məlaŋktha ukin ka ulɔm.

AŋƐfisɔs 6:16

Pə thas ri sɔ-e, gbasi nu ȧŋbintha ŋa kȧlanɛ, ɔwa di kati nə tə gbəli dimsi mȧsenɔ məmara bɛ ma ɔkərəfi uləs.

AŋKɔlɔsi 3:9

Te nu yemsanɛ, ma nə po bus ɔwuni kur yi mȧyɔs mɔŋ,

AŋKɔlɔsi 4:6

Yɔ kȧmȧ mafɔf ma nu mə yi rə aboŋa mɔ mə a bɔthəs rəka rɛ mɛr lɔkɔ o lɔkɔ, kȧmȧ nə tȧrȧ to mə nə yi tə kəgbaki wuni o wuni.

2 AŋThɛsȧlonika 3:3

Kɛrɛ ɔMarki ɔ yi ubɔthi lanɛ, ɔ tə yɔ nu nə təmȧ kəŋkəŋ, ɔwa ɔ tə kȧl bumər nu sɔ ka mȧtȧy mələs.

Yeməs 5:12

Kɛrɛ pəthas tȧy o tȧy, aŋwɔnt a mi, te nu gbiŋ, pə yi ka kȧriyana, thalɔm ka ȧdȧru, thalɔm rə agbiŋ o gbiŋ; bepi nə pa, Yao, ta pə yi gbo Yao; bepi Ade, ta pə yi gbo Ade; kȧmȧ nə te ba mətheri.

1 Yɔn 2:13

I gbalər nu, naŋ akas, pəkasifɛ nə po tȧrȧ kɔ ɔwe yi kȧbi ka ɔtəpɛr. I gbalər nu, naŋ alaŋgba, pəkasifɛ nə po tham Sethani. I po gbalər nu, awuth alɔl, pəkasifɛ nə po tȧrȧ ɔKas.

1 Yɔn 3:12

Pə yi hɛ mɔ Ken, ɔwe yi ka Sethani, ɔwa ɔ dif ɔwɔnt kɔŋ. Ɔwa to pə som ɔ dif kɔ-e? Pəkasifɛ mȧyɔs mɔŋ mə yi mələs, ɔwa ama ɔwɔnt kɔŋ mə yi məlompi.

1 Yɔn 5:18

Sə tȧrȧ kəpa wuni o wuni ɔwe a po kom ka Kuru ɔ yɔ hɛ ahakɛ; kɛrɛ ɔwe a po kom ka Kuru ɔ bumərnɛ, ɔwa Sethani ɔ gboŋ hɛ kɔ.