Mathiu 5:29 - Ȧŋlemrȧnɛ Ȧfu

²⁹ Bepi rafɔr ra mu rǝdiɔ rǝ yɔ mu mǝ pǝnthbǝla-e, kothi ri, fitha ri, kotȧy-e pǝ tǝ fisa mu bepi abɛm ŋin ŋa aŋdɛr a mu aŋ lǝsȧ-e, pǝthasi kǝfitha aŋdɛr a mu alolok ro yahanama.

Mathiu 5:29 Iomraidhean Croise

Mathiu 10:28

Te nesa aŋa mǝ dif aŋdɛr, kɛrɛ aŋ gbǝli hɛ dif aŋesǝm. Kɛrɛ nesa nu kɔn ɔwe gbǝli dim aŋesǝm dɛ yi aŋdɛr ro yahanama.

Mathiu 11:6

Ɔwa wuni ka aruba wɔŋ ɔwe te fir tȧy tǝpǝnthbǝla ro rɔmi.

Mathiu 16:26

To mǝ pǝ naŋfas wuni bepi ɔ sɔthɔ ȧdȧru bɛ, kɛrɛ ɔ dim aŋesǝm ŋɔŋ-e? Thalɔm ko wuni mǝ ɔ gbǝli sɔŋ tǝ kǝsinkar aŋesǝm ŋɔŋ-e?

Mathiu 17:27

Kɛrɛ kȧmȧ sǝ te yɔ ŋa aŋ pǝnthbǝla-e, kɔnɛ ro baŋ mǝ fitha anǝmp, liŋ kalop ɔwe mɔtha der. Ma mǝ po kanthi kasǝŋ kɔŋ-e mǝ tǝ fir ri akala. Gbasi ŋi ɔwa sɔŋ ŋa ta ȧtȧ mi yi ta ȧtȧ mu.

Mathiu 19:12

kotȧy-e afǝm agbȧy aŋ yi aŋa a kom yaŋ kǝbi ka ator ta aŋkara ŋaŋ; afǝm agbȧy alɔm aŋ yi aŋa afǝm a kǝpet aŋ gbai; ɔwa alɔm aŋ yi aŋa sǝkinɛ agbȧy salata rȧbȧy ra ro riyana. Kɔnɔ ɔwe gbǝli wop ti ta ɔ wop ti.

Mathiu 23:15

Mɔnɛ ro nu naŋ akarmɔkɔ yi aFaresi, amunafaki! Ȧtesoma-e nǝ kɔth kɔth ro baŋ yi ro gbaŋ tǝ kǝlȧfthi ȧŋmerȧ ŋa wuni kin. Ɔwa ma ɔ po lȧfthɛ-e, nǝ sǝki kɔ wan ka yahanama marǝŋ marǝŋ pǝthasi nu.

Mathiu 23:33

Naŋ ɛbok, naŋ rǝkomra ra ɛgbɔrɔ, to mǝ nǝ gbǝli kisi ka aŋthoŋka ŋa ro yahanama-e?

Mathiu 5:22

Kɛrɛ minɛŋ i pa ro rɔnu, Wuni o wuni ɔwe ba mǝbaŋ ta ɔwɔnt kɔŋ-e, ɔ tǝ fumpɔ kasi ro bare; ɔwa wuni o wuni ɔwe mǝ farki ɔwɔnt kɔŋ-e, ɔ tǝ fumpɔ kasi ka aŋSanhedrin; kɛrɛ wuni o wuni ɔwe mǝ pa, Mun pǝŋk, ɔ tǝ fumpɔ kasi ro yahanama.

Mathiu 5:30

Ɔwa bepi kȧta ka mu kǝdiyɔ kǝ yɔ mu mǝ pǝnthbǝla-e, gbǝk ki, fitha ki, kotȧy-e pǝ tǝ fisa mu bepi abɛm ŋin ŋa aŋdɛr a mu aŋ lǝsǝ pǝthasi kǝfitha aŋdɛr a mu alolok ro yahanama.

Mark 8:36

To mə pə munafa wuni bepi ɔ sɔthɔ ȧdȧru bɛ-e, kɛrɛ ɔ dim aŋesəm ŋɔŋ-a?

Luk 12:5

Kɛrɛ i ti maŋ nu ɔwe mə nə nesa. Nesa kɔ nu ɔwe, ma a po dif-e, kədarəŋ kati ɔ ba aŋfɔsɔ tə kəfitha ro yahanama. Aŋko, i kanɛ nu, nesa kɔ nu.

AŋRomans 6:6

Sə tȧrȧ kəpa ɔwuni kur kȧsu a po tȧŋ kɔ ka akənt kəpəŋkinɛ yi kɔn kȧmȧ mayi ma su ma ahakɛ mə gbəli dinɛ, ɔwa kȧmȧ sə te sɔ yi atar ŋa ahakɛ.

AŋRomans 8:13

pəkasifɛ bepi nə yi kətȧŋȧnɛ ka aŋfɔsɔ ŋa mafela ma madɛr-e, nə tə fi. Kɛrɛ bepi nə difəth mȧyɔs ma madɛr rə aŋfɔsɔ ŋa ɔYina-e, nə tə ba aŋesəm.

1 AŋKɔrenth 9:27

Kɛrɛ i mɛməs ȧŋdɛr a mi, ɔwa i bɛnɛ ŋi ka rȧtar, ta thani kədarəŋ ka ma i po kawandi ka alɔm-e, min minɛnɛ, a kathi mi tə kəte bek.

AŋKȧletia 5:24

Ɔwa afəm aŋa yi ka Krayst aŋ po tȧŋ madɛr yi ɛnanɛ ya ɛfela ɛləs yati ka akənt kəpəŋkinɛ.

AŋKɔlɔsi 3:5

Tiyȧŋ dif nu mafela ma ȧdȧru, pə yi mɔ-e kȧrəp-o, mȧnɔkɔ-o, ɛnanɛ ɛyifas-o, mȧfela mələs-o, dɛ yi ɛfɔr ɛmara ɛyɛ yi mɔ kȧbatho ɛrɔŋ.