Mathiu 5:12 - Ȧŋlemrȧnɛ Ȧfu

¹² Sel nu mǝbɔnɛ, ta pǝ bɔnɛ nu ɔthasǝr, kotȧy-e ȧŋram a nu aŋ yi ȧbana ro riyana; ȧtesoma-e ya a sɔmpa aŋnabi aŋa yi thǝpaŋ.

Mathiu 5:12 Iomraidhean Croise

Mathiu 16:27

kotȧy-e ɔWan ka wuni ɔ tǝ der ka aŋyiki ŋa ɔKas kɔŋ yi aŋmȧleka ŋɔŋ. Ɔwa ka ȧŋlɔkɔ ŋati ɔ tǝ sɔŋ wuni o wuni amɔlɔ ma mȧyɔs mɔŋ mǝ yi.

Mathiu 6:16

Ɔwa ma pǝ thas ri-e, bepi nǝ wop asum-e, te nu suma mɔ aŋyɔr; kotȧy-e aŋ lǝsǝr aser taŋ kȧmȧ aŋfǝm aŋ nənk kǝpa aŋ wop asum. Tǝ tɛntɛnɛ i kanɛ nu kǝpa aŋ po sɔthɔ ȧŋrȧm ŋaŋ.

Luk 13:34

O Yerusalɛm, Yerusalɛm, munɔ ɔwe mə dif aŋnabi, ɔwe mə ləmər ŋa məsar aŋa a som ro rɔmu; ɛlɔkɔ ɛgbathi i yema naŋ thoŋkla aŋwuth a mu rɔkin, mɔ kȧbɛt mɔ thoŋkla aŋfɛth ŋɔŋ ka ɛkufna yɔŋ roratha, kɛrɛ nə selɔ hɛ.

Luk 6:23

Tə pə bɔnɛ nu ka ȧŋrey ŋati, ɔwa pais nu yi məbɔnɛ; ȧtesoma-e ȧŋrȧm a nu aŋ yi abana ro riyana. Kotȧy-e ya aŋkas a ŋaŋ aŋ yɔ aŋnabi.

Luk 6:35

Tiyȧŋ bɔthər aŋtheranɛ a nu, yɔ ŋa ɔfinɔ, bɔ ŋa kate gbak ȧmerȧ tə kəkal sɔthɔ; ɔwa ȧŋrȧm a nu aŋ tə yi abana, ɔwa nə tə yi aŋwuth ŋa ɔBɔli rəkɔm. Kotȧy-e ɔ yɔ ɔfinɔ ka aŋfisrəwali yi aŋləs.

Mȧyɔs ma aŋsom 16:25

Kɛrɛ mɔlɔ ma kəren datɔŋ Pɔl yi Sailas aŋ ramnɛ aŋ lensir Kuru rə məleŋ, ɔwa antɛndɛbira aŋ təlȧ ŋa.

Mȧyɔs ma aŋsom 5:41

Tiyȧŋ aŋ wur rodi ka aŋSanhedrin, aŋ sel məbɔnɛ ta ma a lɔm ŋa abeki tə kəsɔthɔ məlap ta ȧŋes.

AŋRomans 5:3

Ɔwa pə yi hɛ gbo yaŋ, kɛrɛ sə sel məbɔnɛ ka ɛsɔmpanɛ ɛ su sɔ, ma sə tȧrȧ kəpa kȧsɔmpanɛ kə tə kom kȧmuyu;

1 AŋKɔrenth 3:8

Ɔwa kɔn ɔwe mə tɛp, yi kɔn ɔwe mə bɔyis-e, aŋ yi athənȧnɛ; ɔwa kin o kin ɔ tə sɔthɔ ȧŋrȧm ŋɔŋ mɔ mə mapanth mɔŋ mə yi.

2 AŋKɔrenth 4:17

kotȧy-e kasɔmpanɛ kȧsu kəfəŋf, ȧke yi gbo ta alɔkɔ agbut, kə mə bȧr yɔna su ayiki alel ɔthasər ta thəbana;

AŋFilipai 1:29

A po sɔŋ nu afɔsɔ, pə yi hɛ gbo tə kəlanɛ Kraystȧŋ, kɛrɛ tə kənakasi ta sala tɔŋ.

AŋFilipai 2:17

Yao, hali i yi sathka ta kȧlanɛ ka nu, i ba ti məbɔnɛ, ka i yasanɛ rɛ məbɔnɛ dɛ yi nia bɛ.

AŋKɔlɔsi 1:24

Ka-ake i ba məbɔnɛ asabu ŋa ɛsɔmpanɛ ɛ mi ta ȧtȧ nu, ka i lasər ȧŋsɔmpanɛŋ ŋa Krayst ka ȧŋdɛr a mi salata ȧŋdɛr ŋɔŋ, pə yi mɔ-e, aŋchɔch.

AŋKɔlɔsi 3:24

Pəkasifɛ nə tȧrȧ kəyi nə tə sɔthɔ akɛŋ ro riyana, mɔ ȧrȧm kəwur ka ɔMarki; kotȧy-e nə yɔna ɔMarki Yisɔs.

1 AŋThɛsȧlonika 2:15

aŋa po dif ɔMarki Yisɔs yi Aŋnȧbi sɔ, kaŋ kȧl bȧl su. Aŋ bɔnɛs hɛ Kuru, dɛ yi aŋ ŋamnɛ afəm a kəpet.

AŋHibru 10:34

Ȧtesoma-e nə ba ȧney ka atɛndɛbira, ɔwa nə kȧl selɔ rə məbɔnɛ ma a luk ɛyɛt ɛ nu, kȧbi nə tȧrȧ kəpa nə ba kɛŋ kəfisa ȧke ba kətia thȧnkȧŋ.

AŋHibru 11:26

Ɔ nanɛ kəpa kənakasi salata Krayst kə yi rəyola pəthasi atɛŋ bɛ ta ro Iyipt, ȧtesoma-e ɔ kəlianɛ ta ȧŋrȧm aŋa yi ro kəri.

AŋHibru 11:33

rə kəlanɛ aŋfəm aŋe aŋ tham təbȧy, aŋ yɔ məlompi, aŋ sɔthɔ ɛlahiri, aŋ kantha tasəŋ ta təsoyila,

AŋHibru 11:6

Kɛrɛ rə kəte ba kəlanɛ sə gbəli hɛ bɔnɛs Kuru, kotȧy-e ɔwuni ɔwe fatər Kuru-e, thambe ɔ lanɛ kəpa Kuru ɔ yi-e, ɔwa sɔ-e, ɔ tə kȧl rȧm ŋaŋ aŋa thɛns kɔ tə tɛntɛnɛ.

Yeməs 1:2

Aŋwɔnt a mi, ba ti nu məbɔnɛ bepi ɛmɛm ɛgbanthɛ tətəp ɛ bəp nu,

Yeməs 5:10

Aŋwɔnt a mi gbasi nu ȧŋmɔl ŋa kanakasi yi kamuyu ka Aŋnȧbi aŋa po fɔf ka ȧŋes ŋa ɔMarki.

1 Pitar 4:13

Kɛrɛ ba ti məbɔnɛ ma nə ba ȧgbȧp ka ȧŋnȧkȧsi ŋa Krayst, kȧmȧ ma aŋyiki ŋɔŋ aŋ ŋaibinɛ-e, nə tə yasanɛ yi məbɔnɛ məbana.