Mathiu 3:7 - Ȧŋlemrȧnɛ Ȧfu

⁷ Kɛrɛ ma ɔ nənk aFaresi yi aSadusi agbȧthi aŋ der kȧmȧ ɔ baftays ŋa, ɔ pa ro ŋaŋ, Naŋ, na rȧkomra ra ɛgbɔrɔ, kanɛ maŋ nu tǝ kǝgbukɛ rabaŋ ara mǝ der-e?

Mathiu 3:7 Iomraidhean Croise

Mathiu 12:24

Kɛrɛ ma aŋFarisi aŋ tǝl ti-e, aŋ pa, Ɔwuni ɔwe ɔ wurɔ akǝrǝfi ka aŋfɔsɔ ŋa Biyɛlsibɔb, ɔbȧy ka aŋkǝrǝfi.

Mathiu 12:34

Naŋ rǝkomra ra ɛgbɔrɔ, to mǝ nǝ gbǝli fɔf mətȧy mǝfinɔ ma nǝ yi alǝs-e? kotȧy-e kasǝŋ kǝ tǝ fɔf kǝwur ka kala ka ȧŋmerȧ.

Mathiu 15:12

Ka aŋkarande ŋɔŋ aŋ der kaŋ pa ro rɔŋɔŋ, Mǝ tȧrȧ kǝpa aŋFarisi aŋ bansȧ maŋ tǝl ȧsim ȧte-i?

Mathiu 16:1

Ka aŋFarisi yi aŋSadusi aŋ der ro ŋɔŋ tǝ kǝmɛm kɔ, kaŋ yif kɔ tǝ kǝtɔri ŋa amisali kǝwur ro riyana.

Mathiu 16:6

Ka Yisɔs ɔ pa ro ŋaŋ, Botnɛ nu, ɔwa pɛndaf nu ɛgbith ya aŋFarisi yi aŋSadusi.

Mathiu 22:15

Ka aŋFarisi aŋ kɔnɛ aŋ nǝŋkanɛ to mǝ aŋ gbǝli sapǝs kɔ ka kafɔf kɔŋ.

Mathiu 22:23

Ka ȧŋrey ŋati gbeŋ, aŋSadusi aŋa pa kǝyokanɛ kǝ yi hɛ, aŋ der, kaŋ pa ro ŋɔŋ,

Mathiu 22:34

Ma aŋFarisi aŋ tǝl kǝpa Yisɔsȧŋ ɔ po yɔ aŋSadusi aŋ taŋk-e, aŋ thoŋklanɛ dɛr rɔkin.

Mathiu 23:33

Naŋ ɛbok, naŋ rǝkomra ra ɛgbɔrɔ, to mǝ nǝ gbǝli kisi ka aŋthoŋka ŋa ro yahanama-e?

Mathiu 5:20

Tiyȧŋ i pa ro rɔnu, Thambe mȧlompi ma nu mǝ thas mȧlompi ma aŋkarmɔkɔ yi aŋFarisi-e, rǝ roŋ o roŋ nǝ gbǝli hɛ wɔŋ ka rȧbȧy ra ro riyana.

Mark 12:13

kaŋ som ro ŋɔŋ aFaresi alɔm yi aHerodian alɔm, kȧmȧ aŋ gbipər kɔ naŋ ka mafɔf mɔŋ.

Mark 12:18

Ka aŋSadusi aŋa pa kȧyokanɛ ka aŋfi kə yi hɛ-e, aŋ der ro ŋɔŋ aŋ pa,

Mark 8:15

kɔ maŋ ŋa kȧmȧ aŋ botnɛ, ɔ pa, Pɛndaf nu ɛgbith ya aŋFarisi yi ɛgbith ya Hɛrɔd.

Luk 16:14

AŋFarisi sɔ aŋ təl mȧtȧy ame bɛ; ɔwa maŋ yi afəm aŋa bɔthər akala aŋ sel kɔ.

Luk 18:11

ƆFaresi ɔ təmȧ ɔ ramnɛ yaŋ ka aŋyɛthɛ ŋɔŋ, Kuru i mɔmɔ mu ma i te yi mɔ afəm alɔm, i ba hɛ kansoŋ, i ba hɛ məkənə, i yɔ hɛ kərəp, hali ɔthoŋkla ɛfȧk ɔwe-e, i yi hɛ mɔ kɔnɔ.

Luk 7:30

Kɛrɛ aŋFarisi yi aŋtara aŋthɔ aŋ pɛnsa tə kəwop ȧmȧŋ ŋa Kuru ta ȧte ŋaŋ, maŋ kasi ȧŋbaftisəm ŋa Yɔn.

Yɔn 1:24

Aŋa a po som aŋ wur ka aŋFarisi,

Yɔn 8:44

Nia nə yi ka ɔkas ka nu Sethani, ɔwa ɛfela ya ɔkas ka nu yɛ nə yema yɔ. Ɔ yi udif kȧbi ka katəp, ɔ təmȧ hɛ ka tȧteŋ, pəkasifɛ tȧteŋ tə yi hɛ ro ŋɔŋ. Ma ɔ fɔf rəyem-e, ɔ fɔf ta atɔŋ: ȧtesoma-e uyem wɔŋ, yi ɔkas kati.

Yɔn 9:40

AŋFarisi alɔm aŋa təl mɔ mɔ fɔf mȧtȧy ame, aŋ pa ro ŋɔŋ, Saŋ sɔ sə yi afith-i?

Mȧyɔs ma aŋsom 15:5

Kɛrɛ aŋlɔm ka kagbanth ka aŋFarisi aŋa lanɛ aŋ yokanɛ aŋ pa, A yi tə kəbirons ŋa, dɛ yi tə kəyamari ŋa tə kəwop ȧŋthɔ ŋa Mosis.

Mȧyɔs ma aŋsom 20:31

Tiyȧŋ bum nu, ɔwa kala nu ɛmerȧ kəpa gbɛs pali-əŋ, mɔlɔ ma təren təsas, i tey hɛ kəmaŋ wuni o wuni yi mantər.

Mȧyɔs ma aŋsom 26:5

Maŋ tȧrȧ mi kȧbi ka katəp-e, bepi aŋ selɔ tə kəseri ti-e, kəpa i yi uFarisi, i taŋanɛ kagbanth ȧke tha lomp ka andina a su.

Mȧyɔs ma aŋsom 5:17

Ka ɔfode ubana ɔ yokanɛ yi ŋaŋ bɛ aŋa yi yi kɔnɔŋ-e, (aŋa yi ka kagbanth ka aŋSadusi), aŋ la kətut,

AŋRomans 1:18

kotȧy-e rabaŋ ra Kuru rə tɔrinɛ kəwur ka ȧriyana kəŋamnɛ mələs yi məkənə ma afəm a kəpet aŋa mə dim tȧteŋ kətɔŋ ka mȧyɔs maŋ mələs,

AŋRomans 5:9

Tiyȧŋ ma a sɔŋ su məmari ka-ake salata mȧtir mɔŋ-e, pə tha gbethi a tə kisis su kəwur ka rabaŋ ra Kuru salata aŋesəm ŋɔŋ.

1 AŋThɛsȧlonika 1:10

dɛ yi tə kəkar ɔWan kɔŋ kəwur ro riana-e, ɔwe ɔ po yokas ka rafi, pə yi mɔ-e Yisɔs ɔwe po kisis su ka rabaŋ ara ba kəder.

AŋHibru 11:7

Rə kəlanɛ Now, ma Kuru ɔ maŋ kɔ salata mȧtȧy ama ɔ te tha nəŋk-e, ɔ su ɛləns, kɔ bɛmpa abil tə kəkisis rȧkomra rɔŋ; ɔwa di kati ɔ sɔŋ ȧdȧru mətheri, kɔ sɔthɔ mȧlompi ama yi ka kəlanɛ.

AŋHibru 6:18

kȧmȧ ka mȧtay mȧrəŋ ama te gbəli siŋkar, ro pə yi ɔfɔy hɛ tȧy ta Kuru tə kəyema-e, saŋ aŋa po thɔŋ gbukɛ ka ɔdɛr ɔmaŋknɛ tə kəwop kagbak ȧmerȧ ȧke a bot rodi ka su-e, sə gbəli ba kəbȧkəs kəbuth kəfinɔ.

1 Yɔn 3:10

Ka ȧte sə gbəli tȧrȧ awuth ŋa Kuru, yi awuth ŋa Sethani: wuni o wuni ɔwe te yɔ ɔlompi ɔ yi hɛ ka Kuru, thalɔm ɔwe te bɔthər ɔwɔnt kɔŋ.