Mathiu 27:24 - Ȧŋlemrȧnɛ Ȧfu

²⁴ Ka Pailatȧŋ ma ɔ nənk kǝpa ɔ gbǝli hɛ koko-e, kɛrɛ atotok aŋ tǝp kǝfumpɔ-e, ɔ gbasi mȧnt ɔ yak mȧta mɔŋ rodi ka ȧruniya bɛ, ɔ pa, Minɛ min paŋi tȧy ka mȧtir ma ɔwuni lompi ɔwe. Kǝlɛnɛ ti nu.

Mathiu 27:24 Iomraidhean Croise

Mathiu 26:5

Kɛrɛ aŋ pa, Ta pǝ te yi ka amet, ta thani atotok aŋ yokanɛ kǝtɔŋ ka aŋfǝm.

Mathiu 27:19

Ma ɔ yirȧ ka kawaŋ ka kǝthoŋkas-e, ɔrani kɔŋ ɔ somǝr kɔ, kɔ pa, Te ba tȧy o tȧy tǝ kǝyɔ ɔlaŋgba ulompi ɔwɔŋ, kotȧy-e i sɔmpanɛ mətȧy mǝgbathi thonɔŋ rǝ kǝwɔrǝp ta sala tɔŋ.

Mathiu 27:23

Ka ɔgbǝkȧ ɔ pa, kɔyɛŋ, ko ɔlǝs wɔŋ ɔ po yɔ-e? Kɛrɛ aŋ bȧr gbo woŋa, aŋ pa, Ta a tȧŋ kɔ ka akǝnt kǝpǝŋkinɛ.

Mathiu 27:4

ɔ pa, I po yɔ ahakɛ pǝkasifɛ i po sɔnd mǝtir mǝpaŋi tȧy. Kɛrɛ ŋaŋ, aŋ pa, To ȧte tǝ yi ro rɔsu-e? Munɔ ba kǝkǝlȧnɛ ti.

Mathiu 27:54

Ɔkaptin yi ŋaŋ aŋa yi yi kɔnɔȧŋ aŋa bumǝr Yisɔsȧŋ, maŋ nənk kayɛr ka aŋthɔf-e yi mȧtȧy ama yɔnɛ-e, aŋ nesa ɔthasǝr aŋ pa, Tɛntɛnɛ ɔwe ɔ yi ɔWan ka Kuru.

Mathiu 27:9

Ka a lasǝr ȧte Yɛrimaya ɔnȧbi ɔ fɔf-e, ma ɔ pa, A gbasi ɛbɛm ya aŋkala ȧferȧ kǝgba tɔfɔt, amɔlɔ ma ɔwe aŋwuth ŋa Isrɛl aŋ bot mɔlɔ,

Yɔn 13:9

Saymɔn Pitaŋ ɔ pa ro ŋɔŋ, Pa, pə yi hɛ ȧtȧtək ta mi son, kɛrɛ mȧta ma mi sɔ, yi rȧbomp ra mi.

Yɔn 19:4

Payletȧŋ ɔ kȧl wur rokaŋ, ɔ pa ro ŋaŋ, Kəlo i wurɔ nu kɔ, kȧmȧ nə tȧrȧ kəpa i fir hɛ ro ŋɔŋ tȧy o tȧy tələs.

Mȧyɔs ma aŋsom 3:14

Kɛrɛ naŋ nə pɛnsa kɔn ɔSəm yi ɔLompi, ka nə thola kȧmȧ a sɔŋ nu udif.

2 AŋKɔrenth 5:21

kotȧy-e ta ȧtȧ su a səki kɔ ahakɛ, pə yi mɔ kɔn ɔwe te la tȧrȧ ahakɛ bɛ; kȧmȧ saŋ sə gbəli səkɛ mȧlompi ma Kuru rokor kɔŋ.

1 Pitar 3:18

kotȧy-e Kraystȧŋ ɔ po thɔŋ nakasi win haŋ thəbana ta ɛhakɛ, ɔlompi ɔ sɔmpanɛ ta aŋkənȧ, kȧmȧ ɔ gbəli kȧrȧ su ka Kuru. A dif kɔ ka madɛr, kɛrɛ a kəlis kɔ ka ɔYina.